ਕੈਲੋਨਾ, ਬੀ.ਸੀ. – ਬ੍ਰਿਟਿਸ਼ ਕੋਲੰਬੀਆ ਸਰਕਾਰ ਨੇ ਓਕਾਨਾਗਨ ਖੇਤਰ ਵਿੱਚ ਹੁਨਰਮੰਦ ਕਾਮਿਆਂ ਦੀ ਵਧਦੀ ਲੋੜ ਨੂੰ ਪੂਰਾ ਕਰਨ ਲਈ ਵੱਡਾ ਕਦਮ ਚੁੱਕਦਿਆਂ ਓਕਾਨਾਗਨ ਕਾਲਜ ਵਿੱਚ 256 ਨਵੀਆਂ ਸਕਿਲਡ ਟਰੇਡਜ਼ ਟ੍ਰੇਨਿੰਗ ਸੀਟਾਂ ਅਤੇ ਪੂਰੇ ਖੇਤਰ ਵਿੱਚ 1,000 ਤੋਂ ਵੱਧ ਨਵੀਆਂ ਸਿਖਲਾਈ ਸੀਟਾਂ ਦਾ ਐਲਾਨ ਕੀਤਾ ਹੈ। ਇਸ ਮੌਕੇ ਵਿਧਾਇਕ ਜੈਸੀ ਸੁਨਰ ਨੇ ਕਿਹਾ ਕਿ ਇਹ ਨਵੀਆਂ ਸੀਟਾਂ ਵਿਦਿਆਰਥੀਆਂ ਅਤੇ ਅਪ੍ਰੈਂਟਿਸਾਂ ਨੂੰ ਆਪਣੇ ਹੀ ਭਾਈਚਾਰਿਆਂ ਵਿੱਚ ਉੱਚ-ਗੁਣਵੱਤਾ ਵਾਲੀ ਸਿਖਲਾਈ ਪ੍ਰਾਪਤ ਕਰਨ ਅਤੇ ਵਧੀਆ ਤਨਖਾਹ ਵਾਲੇ ਕਰੀਅਰ ਬਣਾਉਣ ਦੇ ਮੌਕੇ ਪ੍ਰਦਾਨ ਕਰਨਗੀਆਂ।
ਸਰਕਾਰ ਦਾ ਮੰਨਣਾ ਹੈ ਕਿ ਹੁਨਰਮੰਦ ਟਰੇਡਜ਼ ਵਿੱਚ ਇਹ ਨਿਵੇਸ਼ ਭਵਿੱਖ ਵਿੱਚ ਮਜ਼ਦੂਰਾਂ ਦੀ ਘਾਟ ਨੂੰ ਪੂਰਾ ਕਰਨ ਅਤੇ ਸੂਬੇ ਦੀ ਆਰਥਿਕਤਾ ਨੂੰ ਹੋਰ ਮਜ਼ਬੂਤ ਬਣਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਏਗਾ।
