ਰੇਲਵੇ ਵੱਲੋਂ ਰਾਧਾ ਸੁਆਮੀ ਸਤਿਸੰਗ ਡੇਰਾ ਬਿਆਸ ਦੀ ਸੰਗਤ ਲਈ ਵੱਡੀ ਖੁਸ਼ਖਬਰੀ

ਜਲੰਧਰ : ਰਾਧਾ ਸੁਆਮੀ ਸਤਿਸੰਗ (Radha Swami Satsang) ਡੇਰਾ ਬਿਆਸ (Dera Beas) ਦੀ ਸੰਗਤ ਲਈ ਖੁਸ਼ਖਬਰੀ ਹੈ। ਦਰਅਸਲ ਰੇਲਵੇ ਵੱਲੋਂ ਬਿਆਸ ਵਿੱਚ ਰਾਧਾ ਸੁਆਮੀ ਸਤਿਸੰਗ ਵਿੱਚ ਜਾਣ ਵਾਲੇ ਸ਼ਰਧਾਲੂਆਂ ਦੀ ਸਹੂਲਤ ਲਈ 9, 12, 23 ਅਤੇ 26 ਨੂੰ ਵਿਸ਼ੇਸ਼ ਰੇਲ ਗੱਡੀਆਂ ਚਲਾਈਆਂ ਜਾ ਰਹੀਆਂ ਹਨ। ਫ਼ਿਰੋਜ਼ਪੁਰ ਡਵੀਜ਼ਨ ਦੇ ਬੁਲਾਰੇ ਨੇ ਦੱਸਿਆ ਕਿ ਵਿਸ਼ੇਸ਼ ਰੇਲ ਗੱਡੀਆਂ ਦੇ ਕ੍ਰਮ ਵਿੱਚ ਅਜਮੇਰ-ਬਿਆਸ ਲਈ 2 ਅਤੇ ਜੋਧਪੁਰ ਬਿਆਸ ਲਈ ਇੱਕ ਯਾਤਰਾ ਚੱਲੇਗੀ।

ਟਰੇਨ ਨੰਬਰ 09641 (ਅਜਮੇਰ-ਬਿਆਸ ਸਪੈਸ਼ਲ)9 ਮਈ ਅਤੇ 23 ਮਈ ਨੂੰ ਅਜਮੇਰ ਤੋਂ ਸ਼ਾਮ 5:15 ਵਜੇ ਰਵਾਨਾ ਹੋਵੇਗੀ ਅਤੇ ਅਗਲੇ ਦਿਨ 10 ਮਈ ਨੂੰ ਦੁਪਹਿਰ 12 ਵਜੇ ਬਿਆਸ ਪਹੁੰਚੇਗੀ। ਇਸੇ ਤਰ੍ਹਾਂ ਟਰੇਨ ਨੰਬਰ 09642 (ਬਿਆਸ-ਅਜਮੇਰ ਸਪੈਸ਼ਲ) 12 ਅਤੇ 26 ਮਈ ਨੂੰ ਬਿਆਸ ਤੋਂ ਦੁਪਹਿਰ 2.15 ਵਜੇ ਰਵਾਨਾ ਹੋਵੇਗੀ ਅਤੇ ਅਗਲੇ ਦਿਨ ਸਵੇਰੇ 9:45 ਵਜੇ ਅਜਮੇਰ ਪਹੁੰਚੇਗੀ। ਇਹ ਰੇਲ ਸੇਵਾ ਰਸਤੇ ਵਿੱਚ ਕਿਸ਼ਨਗੜ੍ਹ, ਫੁਲੇਰਾ, ਜੈਪੁਰ, ਗਾਂਧੀ ਨਗਰ ਜੈਪੁਰ, ਬਾਂਡੀ ਕੁਈ, ਅਲਵਰ, ਰੇਵਾੜੀ, ਭਿਵਾਨੀ, ਹਿਸਾਰ, ਜਾਖਲ, ਧੂਰੀ, ਲੁਧਿਆਣਾ ਅਤੇ ਜਲੰਧਰ ਸਿਟੀ ਸਟੇਸ਼ਨਾਂ ‘ਤੇ ਰੁਕੇਗੀ। ਇਸ ਟਰੇਨ ਵਿੱਚ 2 ਥਰਡ ਏਸੀ, ਜਿਨ੍ਹਾਂ ਵਿੱਚ 12 ਸੈਕਿੰਡ ਸਲੀਪਰ, 8 ਆਮ ਕਲਾਸ ਅਤੇ 2 ਗਾਰਡ ਕੋਚ ਸਮੇਤ ਕੁੱਲ 24 ਕੋਚ ਹੋਣਗੇ ।

ਜੋਧਪੁਰ ਬਿਆਸ ਜੋਧਪੁਰ ਵਿਸ਼ੇਸ਼ ਯਾਤਰਾ: 16 ਮਈ ਨੂੰ ਟਰੇਨ ਨੰਬਰ (04833) ਬਾਅਦ ਦੁਪਹਿਰ 3.30  ਜੋਧਪੁਰ ਤੋਂ ਵਜੇ ਰਵਾਨਾ ਹੋਵੇਗੀ ਅਤੇ ਅਗਲੇ ਦਿਨ ਸਵੇਰੇ 10:10 ਵਜੇ ਬਿਆਸ ਪਹੁੰਚੇਗੀ। ਇਸੇ ਤਰ੍ਹਾਂ ਰੇਲ ਗੱਡੀ ਨੰਬਰ (04834) 19 ਮਈ ਨੂੰ ਦੁਪਹਿਰ 2:15 ਵਜੇ ਬਿਆਸ ਤੋਂ ਰਵਾਨਾ ਹੋਵੇਗੀ ਅਤੇ ਅਗਲੇ ਦਿਨ ਰਾਤ 9:15 ਵਜੇ ਜੋਧਪੁਰ ਪਹੁੰਚੇਗੀ। ਇਹ ਰੇਲ ਸੇਵਾ ਪੀਪਰ ਰੋਡ, ਗੋਟਾਨ, ਮੇਦਟਾ ਰੋਡ, ਮਾਰਵਾੜ ਮੁੰਡਵਾ, ਨਾਗੌਰ, ਬੀਕਾਨੇਰ, ਸੂਰਤਗੜ੍ਹ, ਹਨੂੰਮਾਨਗੜ੍ਹ, ਬੈਂਕਸ਼ਟਡਾ, ਧੂਰੀ, ਲੁਧਿਆਣਾ ਅਤੇ ਜਲੰਧਰ ਸਿਟੀ ਸਟੇਸ਼ਨਾਂ ‘ਤੇ ਰੁਕੇਗੀ। ਇਸ ਟਰੇਨ ‘ਚ 24 ਕੋਚ ਹੋਣਗੇ। ਇਨ੍ਹਾਂ ਵਿੱਚ 2 ਥਰਡ ਏਸੀ, 12 ਸੈਕਿੰਡ ਸਲੀਪਰ, 8 ਆਮ ਕਲਾਸ ਅਤੇ 2 ਗਾਰਡ ਕੰਪਾਰਟਮੈਂਟ ਸ਼ਾਮਲ ਹਨ।