ਟੋਰਾਂਟੋ, ਮਈ 25, 2026(ਨਿਊਜ਼ ਡੈਸਕ): Ontario ਸਰਕਾਰ ਵੱਲੋਂ ਸੋਮਵਾਰ ਨੂੰ ਟੋਰਾਂਟੋ ਦੇ ਵਾਟਰਫਰੰਟ ਇਲਾਕੇ ਵਿੱਚ ਬਣ ਰਹੇ ਨਵੇਂ Ontario Science Centre ਦੇ ਨਿਰਮਾਣ ਕਾਰਜ ਦੀ ਰਸਮੀ ਸ਼ੁਰੂਆਤ ਕਰ ਦਿੱਤੀ ਗਈ।
Doug Ford ਨੇ ਕਿਹਾ ਕਿ ਨਵਾਂ ਸਾਇੰਸ ਸੈਂਟਰ ਆਧੁਨਿਕ ਤਕਨਾਲੋਜੀ ਅਤੇ ਦਿਲਚਸਪ ਪ੍ਰੋਗਰਾਮਾਂ ਨਾਲ ਬੱਚਿਆਂ ਅਤੇ ਪਰਿਵਾਰਾਂ ਲਈ ਵੱਡਾ ਆਕਰਸ਼ਣ ਬਣੇਗਾ। ਉਨ੍ਹਾਂ ਦੇ ਅਨੁਸਾਰ ਟੋਰਾਂਟੋ ਵਾਟਰਫਰੰਟ ਦੇ ਖੂਬਸੂਰਤ ਮਾਹੌਲ ਵਿੱਚ ਤਿਆਰ ਹੋਣ ਵਾਲਾ ਇਹ ਕੇਂਦਰ ਨਵੀਂ ਪੀੜ੍ਹੀ ਨੂੰ ਵਿਗਿਆਨ, ਖੋਜ ਅਤੇ ਨਵੀਨਤਾ ਵੱਲ ਪ੍ਰੇਰਿਤ ਕਰੇਗਾ।
ਸਰਕਾਰੀ ਜਾਣਕਾਰੀ ਮੁਤਾਬਕ ਕਰੀਬ ਚਾਰ ਲੱਖ ਵਰਗ ਫੁੱਟ ਖੇਤਰ ਵਿੱਚ ਤਿਆਰ ਕੀਤੇ ਜਾ ਰਹੇ ਇਸ ਪ੍ਰੋਜੈਕਟ ਵਿੱਚ ਆਧੁਨਿਕ ਮੁੱਖ ਇਮਾਰਤ, ਨਵੇਂ ਪ੍ਰਦਰਸ਼ਨੀ ਹਾਲ, ਇੰਟਰਐਕਟਿਵ ਵਿਗਿਆਨ ਪ੍ਰਦਰਸ਼ਨੀਆਂ ਅਤੇ ਨਵੀਨ ਤਕਨੀਕ ਨਾਲ ਅੱਪਗ੍ਰੇਡ ਕੀਤਾ ਗਿਆ ਸਿਨੇਸਫੀਅਰ ਸ਼ਾਮਿਲ ਹੋਵੇਗਾ। ਇਸ ਦੇ ਨਾਲ ਵਿਦਿਆਰਥੀਆਂ ਅਤੇ ਪਰਿਵਾਰਾਂ ਲਈ ਵੱਧ ਸਿੱਖਿਆਤਮਕ ਅਤੇ ਮਨੋਰੰਜਕ ਗਤੀਵਿਧੀਆਂ ਦੀ ਵੀ ਵਿਵਸਥਾ ਕੀਤੀ ਜਾਵੇਗੀ।
Stan Cho, ਜੋ ਓਂਟਾਰੀਓ ਦੇ ਸੈਰ-ਸਪਾਟਾ, ਸੱਭਿਆਚਾਰ ਅਤੇ ਖੇਡ ਮੰਤਰੀ ਹਨ, ਨੇ ਕਿਹਾ ਕਿ ਇਹ ਵਿਸ਼ਵ ਪੱਧਰੀ ਸਾਇੰਸ ਸੈਂਟਰ ਪਰਿਵਾਰਾਂ, ਵਿਦਿਆਰਥੀਆਂ ਅਤੇ ਸੈਲਾਨੀਆਂ ਲਈ ਵਿਗਿਆਨ ਅਤੇ ਨਵੀਨਤਾ ਨੂੰ ਨਵੇਂ ਢੰਗ ਨਾਲ ਅਨੁਭਵ ਕਰਨ ਦਾ ਕੇਂਦਰ ਬਣੇਗਾ।
ਸਰਕਾਰ ਦੇ ਅਨੁਸਾਰ ਇਹ ਪ੍ਰੋਜੈਕਟ 2029 ਤੱਕ ਮੁਕੰਮਲ ਹੋਣ ਦੀ ਸੰਭਾਵਨਾ ਹੈ ਅਤੇ ਨਵਾਂ ਸਾਇੰਸ ਸੈਂਟਰ ਹਰ ਸਾਲ ਲਗਭਗ 60 ਲੱਖ ਸੈਲਾਨੀਆਂ ਨੂੰ ਆਪਣੀ ਓਰ ਆਕਰਸ਼ਿਤ ਕਰ ਸਕਦਾ ਹੈ।
