ਹੈਲਥ ਨਿਊਜ਼: ਖਾਣ ਪੀਣ ਦੇ ਸ਼ੌਕੀਨਾਂ ਲਈ, ਭਾਰ ਘਟਾਉਣਾ ਇੱਕ ਅਜਿਹਾ ਕੰਮ ਹੈ ਜਿਸ ਵਿੱਚ ਉਨ੍ਹਾਂ ਨੂੰ ਕਈ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਅਜਿਹੇ ਲੋਕਾਂ ਲਈ ਡਾਈਟ ਕਰਨਾ ਹੋਰ ਵੀ ਔਖਾ ਹੈ। ਫਿਰ ਆਪਣੇ ਮਨਪਸੰਦ ਭੋਜਨਾਂ ਨਾਲ ਬੰਧਨ ਤੋੜੇ ਬਿਨਾਂ ਆਪਣੇ ਭਾਰ ਨੂੰ ਕੰਟਰੋਲ ਵਿਚ ਰੱਖਣ ਲਈ ਕਿਹੜਾ ਵਿਕਲਪ ਬਚਦਾ ਹੈ? ਅੱਜ ਅਸੀਂ ਇਸ ਦੇ ਹੱਲ ਲੈ ਕੇ ਆਏ ਹਾਂ, ਜੋ ਤੁਹਾਡੇ ਟੀਚੇ ਨੂੰ ਪ੍ਰਾਪਤ ਕਰਨ ਵਿਚ ਕਾਫੀ ਹੱਦ ਤੱਕ ਮਦਦਗਾਰ ਸਾਬਤ ਹੋ ਸਕਦੇ ਹਨ ।
ਇਹ ਹਨ ਜੀਵਨ ਦੀਆਂ ਕੁਝ ਹੈਲਦੀ ਰੁਟੀਨਜ਼
ਨਾ ਪੀਓ ਠੰਡਾ ਪਾਣੀ
ਗਰਮੀਆਂ ‘ਚ ਠੰਡਾ ਪਾਣੀ ਪੀਣ ਨਾਲ ਆਰਾਮ ਤਾਂ ਮਿਲਦਾ ਹੈ ਪਰ ਇਹ ਸਰੀਰ ਲਈ ਫਾਇਦੇਮੰਦ ਨਹੀਂ ਹੁੰਦਾ। ਸਾਧਾਰਨ ਜਾਂ ਕੋਸਾ ਪਾਣੀ ਹਰ ਤਰ੍ਹਾਂ ਨਾਲ ਸਿਹਤ ਲਈ ਚੰਗਾ ਹੁੰਦਾ ਹੈ। ਠੰਡਾ ਪਾਣੀ ਪੀਣ ਨਾਲ ਸਰੀਰ ਦਾ ਤਾਪਮਾਨ ਹੇਠਾਂ ਆਉਂਦਾ ਹੈ ਪਰ ਪਾਚਨ ਕਿਰਿਆ ਨੂੰ ਠੀਕ ਰੱਖਣ ਲਈ ਸਰੀਰ ਦਾ ਤਾਪਮਾਨ ਨਾਰਮਲ ਹੋਣਾ ਚਾਹੀਦਾ ਹੈ, ਇਸ ਲਈ ਕੁਝ ਵੀ ਖਾਣ ਤੋਂ ਬਾਅਦ ਠੰਡਾ ਪਾਣੀ ਪੀਣ ਤੋਂ ਬਚੋ। ਸਭ ਤੋਂ ਵਧੀਆ ਹੋਵੇਗਾ ਜੇਕਰ ਤੁਸੀਂ ਕੋਸਾ ਪਾਣੀ ਪੀਓ, ਇਸ ਨਾਲ ਤੇਲਯੁਕਤ ਅਤੇ ਜੰਕ ਫੂਡ ਨੂੰ ਪਚਾਉਣਾ ਆਸਾਨ ਹੋ ਜਾਂਦਾ ਹੈ, ਪਰ ਹਮੇਸ਼ਾ ਕੁਝ ਖਾਣ ਤੋਂ ਅੱਧੇ ਘੰਟੇ ਬਾਅਦ ਹੀ ਪਾਣੀ ਪੀਓ।
ਸਾਫਟ ਡਰਿੰਕਸ ਦੀ ਬਜਾਏ ਹੈਲਦੀ ਡਰਿੰਕਸ ਲਓ
ਇਸ ਵਿਚ ਕੋਈ ਸ਼ੱਕ ਨਹੀਂ ਕਿ ਪੀਜ਼ਾ ਜਾਂ ਬਰਗਰ ਦੇ ਨਾਲ ਸਾਫਟ ਡਰਿੰਕ ਦਾ ਸੁਮੇਲ ਬਹੁਤ ਚੰਗਾ ਲੱਗਦਾ ਹੈ, ਪਰ ਇਹ ਸਿਹਤ ਲਈ ਚੰਗਾ ਨਹੀਂ ਹੁੰਦਾ। ਤੇਲਯੁਕਤ ਭੋਜਨ ਦੇ ਨਾਲ ਹੈਲਦੀ ਡਰਿੰਕ ਪੀਣਾ ਬਿਹਤਰ ਹੋਵੇਗਾ। ਇਸ ਵਿੱਚ ਨਿੰਬੂ ਪਾਣੀ, ਸ਼ਿੰਕਜੀ, ਲੱਸੀ ਵਰਗੇ ਵਿਕਲਪਾਂ ਦੀ ਚੋਣ ਕਰੋ। ਗ੍ਰੀਨ ਟੀ, ਕੈਮੋਮਾਈਲ ਟੀ ਵੀ ਭਾਰ ਘਟਾਉਣ ਲਈ ਸਭ ਤੋਂ ਵਧੀਆ ਹੈ ।
ਵਿਕਲਪਕ (ਆਲਟਰਨੇਟ) ਖੁਰਾਕ ਦੀ ਪਾਲਣਾ ਕਰੋ
ਜੇਕਰ ਤੁਸੀਂ ਖਾਣ ਦੇ ਸ਼ੌਕੀਨ ਹੋ, ਅਤੇ ਭਾਰ ਘਟਾਉਣਾ ਚਾਹੁੰਦੇ ਹੋ, ਤਾਂ ਖਾਣ ਦੀ ਸਹੀ ਯੋਜਨਾ ਬਣਾਓ। ਭਾਵ, ਭਾਰੀ, ਜੰਕ ਜਾਂ ਪ੍ਰੋਸੈਸਡ ਭੋਜਨ ਨਾ ਲਓ। ਜੋ ਕਿ ਸਿਹਤ ਲਈ ਬਿਲਕੁਲ ਵੀ ਠੀਕ ਨਹੀਂ ਹੈ। ਆਪਣੀ ਪਸੰਦ ਅਤੇ ਸਿਹਤ ਵਿਚਕਾਰ ਸੰਤੁਲਨ ਬਣਾਈ ਰੱਖੋ। ਜੇਕਰ ਤੁਸੀਂ ਕਿਸੇ ਸਮੇਂ ਤੇਲਯੁਕਤ ਭੋਜਨ ਖਾ ਲਿਆ ਹੈ ਤਾਂ ਅਗਲੇ ਭੋਜਨ ਵਿੱਚ ਹਰੀਆਂ ਸਬਜ਼ੀਆਂ, ਸਲਾਦ, ਫਲ ਅਤੇ ਦਾਲਾਂ ਦਾ ਸੇਵਨ ਕਰੋ। ਇਨ੍ਹਾਂ ‘ਚ ਮੌਜੂਦ ਫਾਈਬਰ, ਵਿਟਾਮਿਨ ਅਤੇ ਖਣਿਜ ਸਰੀਰ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ‘ਚ ਮਦਦਗਾਰ ਹੁੰਦੇ ਹਨ।
