ਨਵੀਂ ਦਿੱਲੀ : ਇਲੈਕਟ੍ਰੋਨਿਕਸ ਗੈਜੇਟਸ ਅਤੇ ਐਨਕਾਂ ਵਿੱਚ ਵਰਤੇ ਜਾਣ ਵਾਲੇ ਸ਼ੀਸ਼ਿਆਂ ਨੂੰ ਸਕਰੈਚਾਂ ਤੋਂ ਬਚਾਉਣ ਲਈ ਇੱਕ ਨਵੀਂ ਤਕਨੀਕ ਪੇਸ਼ ਕੀਤੀ ਗਈ ਹੈ। ਆਈ.ਆਈ.ਟੀ (IIT) ਦਿੱਲੀ ਦੇ ਖੋਜਕਰਤਾਵਾਂ ਅਤੇ ਪ੍ਰੋਫੈਸਰਾਂ ਨੇ ਅਜਿਹੀ ਤਕਨੀਕ ਪੇਸ਼ ਕੀਤੀ ਹੈ ਜੋ ਸਕਰੀਨ ਦੀ ਉਮਰ ਵਧਾਏਗੀ ਅਤੇ ਸਕਰੀਨ ਤੇ ਆਮ ਪੈਣ ਵਾਲੇ ਸਕਰੈਚਾਂ ਤੋਂ ਵੀ ਇਸ ਨੂੰ ਬਚਾਵੇਗੀ।
ਕੱਚ ਦੇ ਨਿਰਮਾਣ ਵਿੱਚ ਬਹੁਤ ਹੀ ਵਧੀਆ ਗ੍ਰਾਫੀਨ ਕੋਟਿੰਗ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਸ ਦੀ ਵਰਤੋਂ ਕਰਨ ਤੋਂ ਬਾਅਦ, ਗੈਜੇਟ ਦੀ ਸਕਰੀਨ ਨੂੰ ਸੁਰੱਖਿਅਤ ਕਰਨ ਲਈ ਟੈਂਪਰ ਜਾਂ ਕੋਈ ਹੋਰ ਚੀਜ਼ ਲਗਾਉਣ ਦੀ ਜ਼ਰੂਰਤ ਨਹੀਂ ਹੋਵੇਗੀ।
ਗ੍ਰਾਫੀਨ ਦੀ ਵਰਤੋਂ ‘ਤੇ ਖੋਜ
ਆਈ.ਆਈ.ਟੀ ਦਿੱਲੀ ਦੇ ਮੈਂਟੀਰੀਅਲ ਵਿਿਗਆਨ ਅਤੇ ਇੰਜੀਨੀਅਰਿੰਗ ਵਿਭਾਗ ਦੇ ਪ੍ਰੋ. ਨਿਿਤਆਨੰਦ ਗੋਸਵਾਮੀ,(Nityanand Goswami) ਸਿਵਲ ਇੰਜੀਨੀਅਰਿੰਗ ਵਿਭਾਗ ਦੇ ਪ੍ਰੋ. ਐੱਨ.ਐੱਮ. ਅਨੂਪ ਕ੍ਰਿਸ਼ਨ (Anoop Krishan) ਦੀ ਦੇਖ-ਰੇਖ ‘ਚ ਕੰਮ ਕਰ ਰਹੇ ਖੋਜਕਾਰ ਸੌਰਵ ਸਾਹੂ (ਪ੍ਰਧਾਨ ਮੰਤਰੀ ਰਿਸਰਚ ਫੈਲੋ) ਨੇ ਗ੍ਰਾਫੀਨ ਦੀ ਵਰਤੋਂ ‘ਤੇ ਖੋਜ ਕੀਤੀ ਹੈ।
ਪ੍ਰੋ. ਗੋਸਵਾਮੀ ਨੇ ਕਿਹਾ ਕਿ ਇਲੈਕਟ੍ਰੋਨਿਕਸ ਯੰਤਰਾਂ ਦੀ ਸਕਰੀਨ ਦੀ ਸੁਰੱਖਿਆ ਲਈ ਵਰਤੀ ਜਾਂਦੀ ਵਸਤੂ ਪਲਾਸਟਿਕ ਦੀ ਬਣੀ ਹੁੰਦੀ ਹੈ ਜੋ ਕਾਫੀ ਮੋਟੀ ਵੀ ਹੁੰਦੀ ਹੈ।ਇਸ ਦੀ ਵਰਤੋਂ ਨਾਲ ਕੁਸ਼ਲਤਾ ਵੀ ਘੱਟ ਜਾਂਦੀ ਹੈ।ਦੂਜੇ ਪਾਸੇ, ਗ੍ਰਾਫੀਨ ਪਰਤ ਆਪਣੇ ਕਾਰਬਨ ਬਾਂਡ ਅਤੇ ਪਰਮਾਣੂ ਬਣਤਰ ਦੇ ਕਾਰਨ ਬਹੁਤ ਪਤਲੀ ਹੈ ਅਤੇ ਕਾਫੀ ਮਜ਼ਬੂਤ ਵੀ ਹੈ।
ਸੈੱਲਾਂ ਵਿੱਚ ਵਰਤਿਆ ਜਾਂਦਾ ਹੈ ਗ੍ਰੈਫਾਇਟ
ਸੈੱਲਾਂ ਵਿੱਚ ਵਰਤੇ ਗਏ ਗ੍ਰੈਫਾਈਟ ਦੀਆਂ ਹਜ਼ਾਰਾਂ ਪਰਤਾਂ ਹੁੰਦੀਆਂ ਹਨ। ਗ੍ਰਾਫੀਨ ਇਸਦੀ ਇੱਕ ਪਰਤ ਵਿੱਚੋਂ ਨਿਕਲਦਾ ਹੈ। ਇਸ ਦੀ ਵਰਤੋਂ ਬੁਲੇਟਪਰੂਫ ਜੈਕਟਾਂ ਬਣਾਉਣ ਲਈ ਵੀ ਕੀਤੀ ਜਾਂਦੀ ਹੈ। ਇਸ ਦੀ ਖੋਜ ਨੂੰ ਨੋਬਲ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ ਹੈ।
ਪ੍ਰੋ. ਗੋਸਵਾਮੀ ਨੇ ਕਿਹਾ ਕਿ ਇੱਕ ਕਠੋਰ ਹੀਰੇ ਦੀ ਜਾਂਚ ਦੇ ਵਿਰੁੱਧ ਸਿਿਲਕਾ ਕੱਚ ਦੀਆਂ ਸਤਹਾਂ ‘ਤੇ ਨੈਨੋਸਕੇਲ ਸਕ੍ਰੈਚ ਪ੍ਰਯੋਗ ਦਰਸਾਉਂਦੇ ਹਨ ਕਿ ਗ੍ਰਾਫੀਨ ਕੋਟਿੰਗ ਪ੍ਰਭਾਵਸ਼ਾਲੀ ਢੰਗ ਨਾਲ ਕੱਚ ਦੀ ਸਤ੍ਹਾ ਨੂੰ ਇੱਕ ਬਹੁਤ ਘੱਟ ਰਗੜ ਵਾਲੀ ਸਤਹ ਵਿੱਚ ਬਦਲ ਦਿੰਦੀ ਹੈ।
ਲੋਡ ਸਹਿਣ ਦੀ ਸਮਰੱਥਾ
ਗ੍ਰਾਫੀਨ ਦੀ ਭਾਰ ਸਹਿਣ ਦੀ ਯੋਗਤਾ ਹੇਠਲੇ ਸ਼ੀਸ਼ੇ ਨੂੰ ਦਬਾਅ ਤੋਂ ਬਚਾਉਂਦੀ ਹੈ।ਇਹ ਮਾਮੂਲੀ ਸਤਹ ਦੇ ਟਕਰਾਅ ਤੇ ਨੁਕਸਾਨ ਨੂੰ ਘੱਟ ਕਰਦੀ ਹੈ। ਇਸ ਦੀ ਵਰਤੋਂ ਐਨਕਾਂ ਬਣਾਉਣ ਵਿਚ ਵੀ ਕੀਤੀ ਜਾ ਸਕਦੀ ਹੈ। ਪ੍ਰੋ. ਐਨਐਮ ਅਨੂਪ ਕ੍ਰਿਸ਼ਨ ਨੇ ਕਿਹਾ ਕਿ ਗ੍ਰਾਫੀਨ ਪਰਤਾਂ ਮਨੁੱਖੀ ਵਾਲਾਂ ਦੀ ਮੋਟਾਈ ਦਾ 10 ਲੱਖਵਾਂ ਹਿੱਸਾ ਹੁੰਦੀ ਹੈ।ਅਜਿਹੀਆਂ ਸਬਨੈਨੋਮੀਟਰ-ਪਤਲੀਆਂ ਗ੍ਰਾਫੀਨ ਪਰਤਾਂ ਐਨਕਾਂ ਲਈ ਲਚਕਦਾਰ ਢਾਲ ਦਾ ਕੰਮ ਕਰਦੀਆਂ ਹਨ ‘ਤੇ ਸੰਪਰਕ ਦੌਰਾਨ ਉਹਨਾਂ ਨੂੰ ਤਣਾਅ ਤੋਂ ਬਚਾਉਣ ਦੇ ਯੋਗ ਹੁੰਦੀਆਂ ਹਨ।
ਪ੍ਰੋ. ਗੋਸਵਾਮੀ ਨੇ ਦੱਸਿਆ ਕਿ ਖੋਜ ਨੂੰ ਪੇਟੈਂਟ ਲਈ ਭੇਜ ਦਿੱਤਾ ਗਿਆ ਹੈ। ਇਹ ਖੋਜ ਅਮਰੀਕਨ ਕੈਮੀਕਲ ਸੋਸਾਇਟੀ ਰਿਸਰਚ ਜਰਨਲ ਵਿੱਚ ਪ੍ਰਕਾਸ਼ਿਤ ਹੋਈ ਹੈ। ਉਨ੍ਹਾਂ ਕਿਹਾ, ਜੇਕਰ ਕੱਚ ਉਦਯੋਗ ਉਨ੍ਹਾਂ ਨਾਲ ਸਿੱਧਾ ਸੰਪਰਕ ਕਰਦੇ ਹਨ, ਤਾਂ ਉਹ ਯਕੀਨੀ ਤੌਰ ‘ਤੇ ਤਕਨਾਲੋਜੀ ਨੂੰ ਸਾਂਝਾ ਕਰਨਗੇ। ਤਾਂ ਜੋ ਕੱਚ ਨਿਰਮਾਣ ਉਦਯੋਗ ਵਿੱਚ ਵੱਡੀ ਤਬਦੀਲੀ ਆ ਸਕੇ। ਉਨ੍ਹਾਂ ਨੇ ਕਿਹਾ,
ਇਸ ਖੋਜ ਨੂੰ ਪੂਰਾ ਕਰਨ ਵਿੱਚ ਦੋ ਸਾਲ ਲੱਗ ਗਿਆ। ਮੈਟੀਰੀਅਲ ਵਿਿਗਆਨ ਅਤੇ ਇੰਜੀਨੀਅਰਿੰਗ ਵਿਭਾਗ ਦੇ ਖੋਜਕਰਤਾ ਜੁਹਾ ਖਾਨ ਅਤੇ ਸਿਵਲ ਇੰਜੀਨੀਅਰਿੰਗ ਵਿਭਾਗ ਦੇ ਸਾਜਿਦ ਮੰਨਨ, ਉਤਕਰਸ਼ ਤਿਵਾਰੀ ਖੋਜ ਵਿੱਚ ਸ਼ਾਮਲ ਹੋਏ ਹਨ।
