ਮੁੰਬਈ: ਵਿਜੇ ਥਲਾਪਤੀ (Vijay Thalapati) ਅਤੇ ਸੰਜੇ ਦੱਤ (Sanjay Dutt) ਸਟਾਰਰ ਫਿਲਮ ਲਿਓ 22 ਦਿਨਾਂ ਬਾਅਦ ਵੀ ਬਾਕਸ ਆਫਿਸ ‘ਤੇ ਧਮਾਲ ਮਚਾਈ ਹੋਈ ਹੈ। ਇਹ ਫਿਲਮ ਸਾਲ ਦੀਆਂ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀਆਂ ਫਿਲਮਾਂ ਦੀ ਸੂਚੀ ਵਿੱਚ ਸ਼ਾਮਲ ਹੋ ਗਈ ਹੈ। ਫਿਲਮ ਚੌਥੇ ਹਫਤੇ ਵਿੱਚ ਵੀ ਚੰਗੀ ਕਮਾਈ ਕਰ ਰਹੀ ਹੈ।ਪਿਛਲੇ ਮਹੀਨੇ ਰਿਲੀਜ਼ ਹੋਈ ਇਹ ਫਿਲਮ ਬਾਕਸ ਆਫਿਸ ‘ਤੇ ਸਫਲ ਰਹੀ। 22 ਦਿਨ ਬੀਤ ਜਾਣ ਦੇ ਬਾਅਦ ਵੀ ਕਰੋੜਾਂ ਦਾ ਇਹ ਅੰਕੜਾ ਰੁਕਦਾ ਨਜ਼ਰ ਨਹੀਂ ਆ ਰਿਹਾ।
ਲੋਕੇਸ਼ ਕਾਨਾਗਰਾਜ (Lokesh Kanagraj) ਦੁਆਰਾ ਨਿਰਦੇਸ਼ਿਤ ‘ਲਿਓ’ (Leo) ਅਜੇ ਵੀ ਬਾਕਸ ਆਫਿਸ ‘ਤੇ ਕਮਾਈ ਕਰ ਰਹੀ ਹੈ ਅਤੇ ਹਾਲੇ ਵੀ ਇਹ ਰੁਝਾਨ ਕਰੋੜਾਂ ਵਿੱਚ ਜਾਰੀ ਹੈ। 19 ਅਕਤੂਬਰ 2023 ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਈ ਐਕਸ਼ਨ ਥ੍ਰਿਲਰ ‘ਲੀਓ’ ਦਾ 22ਵੇਂ ਦਿਨ ਦਾ ਬਾਕਸ ਆਫਿਸ ਕਲੈਕਸ਼ਨ ਵੀ ਸ਼ਾਨਦਾਰ ਹੈ।
‘ਲਿਓ’ ਨੂੰ ਸਿਨੇਮਾਘਰਾਂ ‘ਚ ਆਏ 22 ਦਿਨ ਹੋ ਚੁੱਕੇ ਹਨ। ਫਿਲਮ ਦੀ ਕਮਾਈ ‘ਚ ਗਿਰਾਵਟ ਜ਼ਰੂਰ ਆਈ ਹੈ ਪਰ ਅਜੇ ਵੀ ਇਸਦਾ ਟ੍ਰੇਂਡ ਜਾਰੀ ਹੈ। ਫਿਲਮ ਨੇ 21ਵੇਂ ਦਿਨ ਬਾਕਸ ਆਫਿਸ ‘ਤੇ 1.55 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ। ਸ਼ੁਰੂਆਤੀ ਅੰਕੜਿਆਂ ਅਨੁਸਾਰ, ਫਿਲਮ ਨੇ ਆਪਣੇ ਚੌਥੇ ਹਫਤੇ ‘ਚ ਘਰੇਲੂ ਬਾਕਸ ਆਫਿਸ ‘ਤੇ 1.55 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ।ਪਿਛਲੇ ਤਿੰਨ ਵੀਕਐਂਡ ‘ਲਿਓ’ ਲਈ ਫਾਇਦੇਮੰਦ ਸਾਬਤ ਹੋਏ ਸਨ ਪਰ ਇਸ ਵਾਰ ‘ਟਾਈਗਰ 3’ ਕਾਰਨ ਇਹ ਫਿਲਮ ਡੁੱਬ ਸਕਦੀ ਹੈ।
ਲਿਓ ਦਾ ਕੁੱਲ ਕਲੈਕਸ਼ਨ
ਵਿਜੇ ਥਲਾਪਤੀ ਦੱਖਣੀ ਫਿਲਮ ਇੰਡਸਟਰੀ ਦੇ ਸੁਪਰਸਟਾਰ ਹਨ ਅਤੇ ਸਿਨੇਮਾਘਰਾਂ ‘ਚ ਉਨ੍ਹਾਂ ਦੀਆਂ ਫਿਲਮਾਂ ਦਾ ਕ੍ਰੇਜ਼ ਦੇਖਣ ਨੂੰ ਮਿਲਦਾ ਹੈ। ਰਿਲੀਜ਼ ਤੋਂ ਪਹਿਲਾਂ ‘ਲਿਓ’ ਨੂੰ ਲੈ ਕੇ ਕਾਫੀ ਚਰਚਾ ਸੀ ਪਰ ਫਿਲਮ ਕੁਝ ਅਪਮਾਨਜਨਕ ਸ਼ਬਦਾਂ ਅਤੇ ਨਾਂਵਾਂ ਕਾਰਨ ਵਿਵਾਦਾਂ ‘ਚ ਘਿਰ ਗਈ ਸੀ।ਹਾਲਾਂਕਿ, ਇਹ ਵਿਵਾਦ ਵੀ ‘ਲਿਓ’ ਦਾ ਕੋਈ ਨੁਕਸਾਨ ਨਹੀਂ ਕਰ ਸਕੇ। ਫਿਲਮ ਨੇ ਭਾਰਤ ‘ਚ 335.20 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਜਾਣਦੇ ਹਾਂ ਫਿਲਮ ਦੀ ਹਫਤਾਵਾਰੀ ਰਿਪੋਰਟ
ਪਹਿਲੇ ਹਫ਼ਤੇ- 264.25 ਕਰੋੜ
ਦੂਜੇ ਹਫਤੇ- 53.35 ਕਰੋੜ
ਤੀਜੇ ਹਫ਼ਤੇ – 17.6 ਕਰੋੜ
‘ਲਿਓ’ ਦੀ ਕਾਸਟ
ਬਲਾਕਬਸਟਰ ਫਿਲਮ ‘ਮਾਸਟਰ‘(Master) ਤੋਂ ਬਾਅਦ ਵਿਜੇ ਥਲਾਪਤੀ ਅਤੇ ਲੋਕੇਸ਼ ਕਾਨਾਗਰਾਜ ਨੇ ‘ਲਿਓ’ ‘ਚ ਦੂਜੀ ਵਾਰ ਇਕੱਠੇ ਕੰਮ ਕੀਤਾ ਅਤੇ ਉਨ੍ਹਾਂ ਦੀ ਜੋੜੀ ਨੇ ਬਾਕਸ ਆਫਿਸ ‘ਤੇ ਦਬਦਬਾ ਬਣਾਇਆ। ਫਿਲਮ ‘ਚ ਵਿਜੇ, ਸੰਜੇ ਦੱਤ ਅਤੇ ਤ੍ਰਿਸ਼ਾ ਕ੍ਰਿਸ਼ਨਨ ਮੁੱਖ ਭੂਮਿਕਾਵਾਂ ‘ਚ ਹਨ। ਇਸ ਤੋਂ ਇਲਾਵਾ ਅਰਜੁਨ ਸਰਜਾ, ਸੂਰਿਆ, ਪ੍ਰਿਆ ਆਨੰਦ ਅਤੇ ਮੈਡੋਨਾ ਸੇਬੇਸਟੀਅਨ ਨੇ ਵੀ ਅਹਿਮ ਭੂਮਿਕਾਵਾਂ ਨਿਭਾਈਆਂ ਹਨ।
