ਸਪੋਰਟਸ ਨਿਊਜ਼ : ਮੌਜੂਦਾ ਚੈਂਪੀਅਨ ਭਾਰਤ ਐਤਵਾਰ ਨੂੰ ਮਹਿਲਾ ਏਸ਼ੀਆ ਕੱਪ ਕ੍ਰਿਕਟ (Women’s Asia Cup Cricket) ਦੇ ਆਪਣੇ ਦੂਜੇ ਮੈਚ ਵਿੱਚ ਯੂ.ਏ.ਈ ਨਾਲ ਭਿੜੇਗਾ। ਭਾਰਤ ਨੇ ਆਪਣੇ ਪਹਿਲੇ ਮੈਚ ‘ਚ ਪਾਕਿਸਤਾਨ ਨੂੰ ਹਰਾਇਆ ਸੀ ਅਤੇ ਹੁਣ ਟੀਮ ਦੀ ਨਜ਼ਰ ਲਗਾਤਾਰ ਦੂਜੀ ਜਿੱਤ ‘ਤੇ ਹੋਵੇਗੀ। ਫਿਲਹਾਲ ਭਾਰਤ ਗਰੁੱਪ ‘ਏ’ ਦੇ ਅੰਕ ਸੂਚੀ ‘ਚ ਸਿਖਰ ‘ਤੇ ਹੈ ਜਦਕਿ ਯੂ.ਏ.ਈ ਆਪਣੀ ਪਹਿਲੀ ਜਿੱਤ ਦਾ ਇੰਤਜ਼ਾਰ ਕਰ ਰਿਹਾ ਹੈ। ਭਾਰਤੀ ਟੀਮ ਨੇ ਆਖਰੀ ਵਾਰ 2022 ਏਸ਼ੀਆ ਕੱਪ ਵਿੱਚ ਯੂ.ਏ.ਈ ਨੂੰ 104 ਦੌੜਾਂ ਨਾਲ ਹਰਾਇਆ ਸੀ। ਉਸ ਮੈਚ ‘ਚ ਜੇਮਿਮਾ ਰੌਡਰਿਗਜ਼ ਨੇ 45 ਗੇਂਦਾਂ ‘ਚ 75 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ ਸੀ। ਭਾਰਤੀ ਮਹਿਲਾ ਟੀਮ ਦਾ ਏਸ਼ੀਆ ਕੱਪ ‘ਚ ਹਮੇਸ਼ਾ ਦਬਦਬਾ ਰਿਹਾ ਹੈ।
ਭਾਰਤ ਦੀ ਨਜ਼ਰ ਯੂ.ਏ.ਈ ਦੇ ਖ਼ਿਲਾਫ਼ ਸੈਮੀਫਾਈਨਲ ‘ਚ ਜਗ੍ਹਾ ਪੱਕੀ ਕਰਨ ਦੀ ਹੋਵੇਗੀ। ਦੂਜੇ ਪਾਸੇ ਜੇਕਰ ਯੂ.ਏ.ਈ ਨੇ ਭਾਰਤ ਨੂੰ ਚੁਣੌਤੀ ਪੇਸ਼ ਕਰਨੀ ਹੈ ਤਾਂ ਉਸ ਨੂੰ ਚਮਤਕਾਰੀ ਪ੍ਰਦਰਸ਼ਨ ਕਰਨਾ ਹੋਵੇਗਾ। ਸਮ੍ਰਿਤੀ ਮੰਧਾਨਾ ਇਸ ਸਮੇਂ ਸ਼ਾਨਦਾਰ ਫਾਰਮ ‘ਚ ਹੈ। ਪਾਕਿਸਤਾਨ ਖ਼ਿਲਾਫ਼ ਪਹਿਲੇ ਮੈਚ ‘ਚ ਵੀ ਉਸ ਨੇ 45 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ ਸੀ। ਅਜਿਹੇ ‘ਚ ਭਾਰਤੀ ਟੀਮ ਐਤਵਾਰ ਨੂੰ ਮੰਧਾਨਾ ਤੋਂ ਇਸ ਲੈਅ ਨੂੰ ਬਰਕਰਾਰ ਰੱਖਣ ਦੀ ਉਮੀਦ ਕਰੇਗੀ। ਗੇਂਦਬਾਜ਼ੀ ‘ਚ ਪੂਜਾ ਵਸਤਰਕਰ ਚੰਗਾ ਪ੍ਰਦਰਸ਼ਨ ਕਰ ਰਹੀ ਹੈ। ਯੂ.ਏ.ਈ ਦੇ ਬੱਲੇਬਾਜ਼ੀ ਕ੍ਰਮ ਦੀ ਸਭ ਤੋਂ ਮਜ਼ਬੂਤ ਕੜੀ ਉਨ੍ਹਾਂ ਦੀ ਕਪਤਾਨ ਈਸ਼ਾ ਓਝਾ ਹੈ।
ਅਜਿਹੇ ‘ਚ ਵਸਤਰਕਾਰ ਅਤੇ ਓਝਾ ਦੀ ਟੱਕਰ ਵੀ ਦੇਖਣ ਵਾਲੀ ਹੋਵੇਗੀ। ਪਾਕਿਸਤਾਨ ਦੇ ਖਿਲਾਫ ਦੀਪਤੀ ਸ਼ਰਮਾ ਅਤੇ ਰੇਣੁਕਾ ਸਿੰਘ ਵੀ ਗੇਂਦ ਨਾਲ ਲੈਅ ਵਿੱਚ ਨਜ਼ਰ ਆਈਆਂ। ਉਮੀਦ ਹੈ ਕਿ ਗੇਂਦਬਾਜ਼ਾਂ ਦੀ ਇਹ ਤਿਕੜੀ ਯੂ.ਏ.ਈ ਖ਼ਿਲਾਫ਼ ਦਮਦਾਰ ਪ੍ਰਦਰਸ਼ਨ ਦੇਵੇਗੀ। ਇਸ ਮੈਚ ਦਾ ਲਾਈਵ ਟੈਲੀਕਾਸਟ ਸਟਾਰ ਸਪੋਰਟਸ ਨੈੱਟਵਰਕ ‘ਤੇ ਦੇਖਿਆ ਜਾ ਸਕਦਾ ਹੈ ਜਦਕਿ ਇਸ ਦੀ ਲਾਈਵ ਸਟ੍ਰੀਮਿੰਗ ਡਿਜ਼ਨੀ ਪਲੱਸ ਹੌਟਸਟਾਰ ਦੀ ਐਪ ਅਤੇ ਵੈੱਬਸਾਈਟ ‘ਤੇ ਹੋਵੇਗੀ।
ਟੀਮਾਂ:
ਭਾਰਤ: ਹਰਮਨਪ੍ਰੀਤ ਕੌਰ (ਕਪਤਾਨ), ਸਮ੍ਰਿਤੀ ਮੰਧਾਨਾ (ਉਪ-ਕਪਤਾਨ), ਅਰੁੰਧਤੀ ਰੈਡੀ, ਸ਼ੋਭਨਾ ਆਸ਼ਾ, ਰਿਚਾ ਘੋਸ਼, ਉਮਾ ਛੇਤਰੀ, ਜੇਮਿਮਾ ਰੌਡਰਿਗਜ਼, ਦੀਪਤੀ ਸ਼ਰਮਾ, ਰਾਧਾ ਯਾਦਵ, ਰੇਣੁਕਾ ਸਿੰਘ, ਪੂਜਾ ਵਸਤਰਕਾਰ, ਸ਼ੈਫਾਲੀ ਵਰਮਾ, ਸ਼੍ਰੇਅੰਕਾ ਪਾਟਿਲ, ਸੰਜੇਵਨ ਸਜਨਾ, ਦਯਾਲਨ ਹੇਮਲਤਾ।
ਯੂ.ਏ.ਈ: ਈਸ਼ਾ ਓਝਾ (ਕਪਤਾਨ), ਮਹਿਕ ਠਾਕੁਰ, ਐਮਿਲੀ ਥਾਮਸ, ਰੇਨੀਤਾ ਰਜਿਤ, ਰਿਤਿਕਾ ਰਾਜੀਤ, ਰਿਸ਼ਿਤਾ ਰਜਿਤ, ਕਵੀਸ਼ਾ ਐਗਗੋਡੇ, ਲਵਣਿਆ ਕੇਨੀ, ਸੁਰਕਸ਼ਾ ਕੋਟੇ, ਖੁਸ਼ੀ ਸ਼ਰਮਾ, ਤੀਰਥ ਸਤੀਸ਼, ਸਮਾਇਰਾ ਧਰਨਿਧਰਕਾ, ਇੰਦੂਜਾ ਨੰਦਨੇਸ਼, ਹੋਨਵੀਨੰਦ, ਹੋਨਵੀਨਦਾ ਹੋਮਾ।
