ਆਈ.ਪੀ.ਐਲ. ਜਿੱਤਣ ਤੋਂ ਬਾਅਦ ਵਿਰਾਟ ਕੋਹਲੀ ਤੇ ਅਨੁਸ਼ਕਾ ਸ਼ਰਮਾ ਪਹੁੰਚੇ ਵ੍ਰਿੰਦਾਵਨ

ਵ੍ਰਿੰਦਾਵਨ : ਭਾਰਤੀ ਕ੍ਰਿਕਟ ਟੀਮ ਦੇ ਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ ਆਪਣੀ ਪਤਨੀ ਅਤੇ ਬਾਲੀਵੁੱਡ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਦੇ ਨਾਲ ਅੱਜ 2 ਜੂਨ) ਨੂੰ ਵ੍ਰਿੰਦਾਵਨ ਪਹੁੰਚੇ। ਇਸ ਦੌਰਾਨ ਦੋਵਾਂ ਨੇ ਬ੍ਰਜ ਦੇ ਪ੍ਰਸਿੱਧ ਸੰਤ ਪ੍ਰੇਮਾਨੰਦ ਮਹਾਰਾਜ ਨਾਲ ਮੁਲਾਕਾਤ ਕਰ ਉਨ੍ਹਾਂ ਦਾ ਆਸ਼ੀਰਵਾਦ ਲਿਆ।

ਵਿਰਾਟ ਕੋਹਲੀ ਅਤੇ ਅਨੁਸ਼ਕਾ ਸ਼ਰਮਾ ਨੇ ਵ੍ਰਿੰਦਾਵਨ ਸਥਿਤ ਰਾਧਾ ਕੇਲੀ ਕੁੰਜ ਆਸ਼ਰਮ ਵਿੱਚ ਪੁਹੰਚ ਕੇ ਪ੍ਰੇਮਾਨੰਦ ਮਹਾਰਾਜ ਦੇ ਦਰਸ਼ਨ ਕੀਤੇ। ਆਸ਼ਰਮ ਵਿੱਚ ਦੋਵਾਂ ਨੇ ਸੰਤ ਦੇ ਨਾਲ ਕੁਝ ਸਮਾਂ ਬਿਤਾਇਆ ਅਤੇ ਅਧਿਆਤਮਿਕ ਮਾਰਗਦਰਸ਼ਨ ਪ੍ਰਾਪਤ ਕੀਤਾ। ਉਨ੍ਹਾਂ ਦੀ ਯਾਤਰਾ ਨੂੰ ਲੈ ਕੇ ਆਸ਼ਰਮ ਪਰਿਸਰ ਅਤੇ ਸ਼ਰਧਾਲੂਆਂ ਦੇ ਵਿਚਕਾਰ ਖਾਸ ਉਤਸ਼ਾਹ ਦੇਖਣ ਨੂੰ ਮਿਲਿਆ।

ਵਿਰਾਟ ਅਤੇ ਅਨੁਸ਼ਕਾ ਪਹਿਲਾਂ ਵੀ ਕਈ ਵਾਰ ਵ੍ਰਿੰਦਾਵਨ ਜਾ ਚੁੱਕੇ ਹਨ ਅਤੇ ਦੋਵਾਂ ਨੂੰ ਅਧਿਆਤਮਿਕ ਗਤੀਵਿਧੀਆਂ ਵਿੱਚ ਡੂੰਘੀ ਦਿਲਚਸਪੀ ਹੈ। ਖਾਸ ਮੌਕਿਆਂ ‘ਤੇ, ਇਹ ਜੋੜਾ ਸੰਤਾਂ ਅਤੇ ਧਾਰਮਿਕ ਸਥਾਨਾਂ ਦੇ ਦਰਸ਼ਨ ਕਰਦੇ ਰਹਿੰਦੇ ਹਨ। ਇੱਕ ਵਾਰ ਫਿਰ ਦੋਵੇਂ ਵ੍ਰਿੰਦਾਵਨ ਪਹੁੰਚੇ ਅਤੇ ਪ੍ਰੇਮਾਨੰਦ ਮਹਾਰਾਜ ਦਾ ਆਸ਼ੀਰਵਾਦ ਲਿਆ।

ਇਸ ਦੌਰਾਨ, ਆਸ਼ਰਮ ਦੇ ਲੋਕਾਂ ਨੇ ਵਿਰਾਟ ਅਤੇ ਅਨੁਸ਼ਕਾ ਦੀ ਇੱਕ ਝਲਕ ਪਾਉਣ ਦੀ ਕੋਸ਼ਿਸ਼ ਕੀਤੀ। ਉਨ੍ਹਾਂ ਦੀ ਯਾਤਰਾ ਨਾਲ ਜੁੜੀ ਫੋਟੋਆਂ ਅਤੇ ਵੀਡੀਓਜ਼ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਸ਼ੇਅਰ ਕੀਤੀਆਂ ਜਾ ਰਹੀਆਂ ਹਨ ਅਤੇ ਪ੍ਰਸ਼ੰਸਕ ਉਨ੍ਹਾਂ ਨੂੰ ਬਹੁਤ ਪਸੰਦ ਕਰ ਰਹੇ ਹਨ।

ਦੋਵਾਂ ਦਾ ਲੁੱਕ ਰਿਹਾ ਚਰਚਾ ਵਿੱਚ

ਵ੍ਰਿੰਦਾਵਨ ਪਹੁੰਚੇ ਕੋਹਲੀ ਅਤੇ ਅਨੁਸ਼ਕਾ ਦਾ ਲੁੱਕ ਵੀ ਇਸ ਦੌਰਾਨ ਚਰਚਾ ਵਿੱਚ ਰਿਹਾ। ਕੋਹਲੀ ਭੂਰਾ ਰੰਗ ਦਾ ਛੋਟਾ ਕੁਰਤਾ ਅਤੇ ਆਫ ਵ੍ਹਾਈਟ ਰੰਗ ਦੀ ਪੈਂਟ ਪਹਿਨ ਕੇ ਪਹੁੰਚੇ। ਉੱਥੇ ਹੀ ਅਨੁਸ਼ਕਾ ਨੇ ਹਲਕੇ ਗੁਲਾਬੀ (ਲਾਈਟ ਪਿੰਕ) ਰੰਗ ਦਾ ਪਾਰੰਪਰਿਕ ਕੁਰਤਾ ਪਹਿਨਿਆ ਹੋਇਆ ਸੀ, ਜਿਸ ਉੱਤੇ ਛੋਟੇ-ਛੋਟੇ ਪ੍ਰਿੰਟ ਦਿਖਾਈ ਦੇ ਰਹੇ ਸਨ। ਇਸਦੇ ਨਾਲ ਹੀ ਉਹਨਾਂ ਨੇ ਗਹਿਰੇ ਗੁਲਾਬੀ/ਫਿਊਸ਼ੀਆ ਰੰਗ ਦਾ ਦੁਪੱਟਾ ਲਿਆ ਹੋਇਆ ਸੀ। ਉਹਨਾਂ ਨੇ ਚਿੱਟਾ ਫੇਸ ਮਾਸਕ ਪਹਿਨਿਆ ਹੋਇਆ ਸੀ ਅਤੇ  ਪੂਰਾ ਲੁੱਕ ਸਾਦਾ ਅਤੇ ਰਵਾਇਤੀ ਲੱਗ ਰਿਹਾ ਸੀ। ਇਸ ਦੌਰਾਨ ਉਨ੍ਹਾਂ ਨੇ ਮੱਥੇ ਉੱਤੇ ਟੀਕਾ ਵੀ ਲਗਾਇਆ ਹੋਇਆ ਸੀ।

ਆਈਪੀਐਲ ਫਾਈਨਲ ਵਿੱਚ ਆਈ ਕੋਹਲੀ ਦੀ ਸ਼ਾਨਦਾਰ ਪਾਰੀ

ਐਤਵਾਰ (1 ਮਈ) ਨੂੰ ਅਹਿਮਦਾਬਾਦ ਵਿੱਚ ਖੇਡੇ ਗਏ ਆਈ.ਪੀ.ਐਲ. ਫਾਈਨਲ ਵਿੱਚ, ਕੋਹਲੀ ਨੇ 42 ਗੇਂਦਾਂ ਵਿੱਚ 75 ਦੌੜਾਂ ਬਣਾ ਕੇ ਸਭ ਤੋਂ ਵੱਧ ਦੌੜਾਂ ਬਣਾਈਆਂ। ਉਨ੍ਹਾਂ ਦੀ ਪਾਰੀ ਵਿੱਚ ਨੌਂ ਚੌਕੇ ਅਤੇ ਤਿੰਨ ਛੱਕੇ ਸ਼ਾਮਲ ਸਨ। ਕੋਹਲੀ ਮੌਜੂਦਾ ਆਈ.ਪੀ.ਐਲ. ਸੀਜ਼ਨ ਵਿੱਚ ਰਨ ਬਣਾਉਣ ਦੇ ਮਾਮਲੇ ਵਿੱਚ ਚੌਥੇ ਨੰਬਰ  ‘ਤੇ ਰਹੇ। ਉਸਨੇ 16 ਮੈਚਾਂ ਵਿੱਚ 56.25 ਦੀ ਔਸਤ ਅਤੇ 165.84 ਦੇ ਸਟ੍ਰਾਈਕ ਰੇਟ ਨਾਲ 675 ਦੌੜਾਂ ਬਣਾਈਆਂ।

ਫਾਈਨਲ ਵਿੱਚ ਵੀ, ਵਿਰਾਟ ਕੋਹਲੀ ਨੇ ਸਾਬਤ ਕਰ ਦਿੱਤਾ ਕਿ ਉਸ ਤੋਂ ਵਧੀਆ ਖਿਡਾਰੀ ਲੱਭਣਾ ਆਸਾਨ ਨਹੀਂ ਹੈ। ਗੁਜਰਾਤ ਟਾਈਟਨਜ਼ ਵਿਰੁੱਧ ਟਾਈਟਲ ਮੈਚ ਵਿੱਚ, ਉਨ੍ਹਾਂ ਨੇ ਸਿਰਫ 25 ਗੇਂਦਾਂ ਵਿੱਚ ਆਪਣਾ ਅਰਧ ਸੈਂਕੜਾ ਪੂਰਾ ਕੀਤਾ, ਜੋ ਕਿ ਆਈਪੀਐਲ ਵਿੱਚ ਉਸਦਾ ਸਭ ਤੋਂ ਤੇਜ਼ ਅਰਧ ਸੈਂਕੜਾ ਸੀ।

ਆਈ.ਪੀ.ਐਲ. ਫਾਈਨਲ ਵਿੱਚ 156 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਉੱਤਰੀ ਆਰ.ਸੀ.ਬੀ ਨੂੰ ਕੋਹਲੀ ਅਤੇ ਵੈਂਕਟੇਸ਼ ਅਈਅਰ ਨੇ ਸ਼ਾਨਦਾਰ ਸ਼ੁਰੂਆਤ ਦਿਵਾਈ। ਦੋਵਾਂ ਨੇ ਪਹਿਲੇ ਵਿਕਟ ਲਈ 62 ਦੌੜਾਂ ਜੋੜੀਆਂ। ਅਈਅਰ ਨੇ 32 ਦੌੜਾਂ ਦਾ ਯੋਗਦਾਨ ਦਿੱਤਾ, ਜਦਕਿ ਕੋਹਲੀ ਅੰਤ ਤੱਕ ਡਟੇ ਰਹੇ ਅਤੇ ਜਿੱਤ ਦਾ ਛੱਕਾ ਲਗਾ ਕੇ ਟੀਮ ਨੂੰ 18 ਓਵਰਾਂ ਵਿੱਚ 161/5 ਤੱਕ ਪਹੁੰਚਾ ਦਿੱਤਾ।

ਇਸ ਤੋਂ ਪਹਿਲਾਂ, ਆਰਸੀਬੀ ਦੇ ਗੇਂਦਬਾਜ਼ਾਂ ਨੇ ਗੁਜਰਾਤ ਟਾਈਟਨਸ ਨੂੰ ਖੁੱਲ੍ਹ ਕੇ ਖੇਡਣ ਨਹੀਂ ਦਿੱਤਾ। ਟਾਈਟਨਸ ਦੀ ਮਜ਼ਬੂਤ ​​ਬੱਲੇਬਾਜ਼ੀ ਪਾਵਰਪਲੇ ਵਿੱਚ ਲੜਖੜਾ ਗਈ, 20 ਓਵਰਾਂ ਵਿੱਚ ਸਿਰਫ਼ 155/8 ਹੀ ਬਣਾ ਸਕੀ। ਵਾਸ਼ਿੰਗਟਨ ਸੁੰਦਰ ਨੇ ਅਜੇਤੂ 50 ਦੌੜਾਂ ਬਣਾਈਆਂ।