ਕੈਥਲ : ਹਰਿਆਣਾ ਦੇ ਕੈਥਲ ਜ਼ਿਲ੍ਹੇ ਦੇ ਸਰਨ ਪਿੰਡ ਵਿੱਚ ਇੱਕ ਤਲਾਅ ਵਿੱਚ ਡੁੱਬਣ ਕਾਰਨ ਤਿੰਨ ਬੱਚਿਆਂ ਦੀ ਮੌਤ ਹੋ ਗਈ। ਪਿੰਡ ਵਾਸੀਆਂ ਅਨੁਸਾਰ ਕਈ ਦਿਨ ਪਹਿਲਾਂ ਜੇ.ਸੀ.ਬੀ ਰਾਹੀਂ ਤਲਾਅ ਵਿੱਚ ਇੱਕ ਡੂੰਘਾ ਟੋਆ ਪੁੱਟਿਆ ਗਿਆ ਸੀ। ਮੰਗਲਵਾਰ ਦੁਪਹਿਰ ਨੂੰ ਮੀਂਹ ਕਾਰਨ ਇਹ ਪਾਣੀ ਨਾਲ ਭਰ ਗਿਆ।
ਬੀਤੀ ਸ਼ਾਮ ਨੂੰ ਸੱਤਵੀਂ ਜਮਾਤ ਦਾ ਵਿਦਿਆਰਥੀ 12 ਸਾਲਾ ਅਕਸ਼ ਪੁੱਤਰ ਰਾਜੇਸ਼, ਤੀਜੀ ਜਮਾਤ ਦਾ ਵਿਦਿਆਰਥੀ 10 ਸਾਲਾ ਨਮਨ ਪੁੱਤਰ ਸੰਦੀਪ ਅਤੇ ਚੌਥੀ ਜਮਾਤ ਦਾ ਵਿਦਿਆਰਥੀ 11 ਸਾਲਾ ਵੰਸ਼ ਪੁੱਤਰ ਰਾਕੇਸ਼ ਮੀਂਹ ਵਿੱਚ ਨਹਾਉਣ ਲਈ ਘਰੋਂ ਨਿਕਲੇ। ਮੀਂਹ ਵਿੱਚ ਨਹਾਉਂਦੇ ਸਮੇਂ, ਤਿੰਨੋਂ ਬੱਚੇ ਕੱਚੀ ਮਿੱਟੀ ‘ਤੇ ਫਿਸਲਣ ਲੱਗ ਪਏ ਦੇਖਦੇ ਹੀ ਦੇਖਦੇ ਤਲਾਅ ਵਿੱਚ ਬਣੇ ਡੂੰਘੇ ਟੋਏ ਵਿੱਚ ਡਿੱਗ ਗਏ।
ਤਿੰਨੋਂ ਬੱਚਿਆਂ ਨੂੰ 15 ਫੁੱਟ ਡੂੰਘੇ ਟੋਏ ਵਿੱਚੋਂ ਕੱਢ ਕੇ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਨ੍ਹਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਤਿੰਨੋਂ ਬੱਚੇ ਚਚੇਰੇ ਭਰਾ ਸਨ।
ਪੁਲਿਸ ਅਨੁਸਾਰ, ਰਿਸ਼ਤੇਦਾਰਾਂ ਨੇ ਬੱਚਿਆਂ ਦਾ ਪੋਸਟਮਾਰਟਮ ਨਹੀਂ ਕਰਵਾਇਆ। ਪਿੰਡ ਦੇ ਸਰਪੰਚ ਨੁਮਾਇੰਦੇ ਜਸਵੰਤ ਨੇ ਦੱਸਿਆ ਕਿ ਨਮਨ ਦੋ ਭੈਣਾਂ ਦਾ ਇਕਲੌਤਾ ਭਰਾ ਸੀ, ਜਦੋਂ ਕਿ ਅਕਸ਼ ਦੋ ਭਰਾਵਾਂ ਵਿੱਚੋਂ ਸਭ ਤੋਂ ਵੱਡਾ ਸੀ ਅਤੇ ਵੰਸ਼ ਦੋ ਭਰਾਵਾਂ ਵਿੱਚੋਂ ਸਭ ਤੋਂ ਛੋਟਾ ਸੀ। ਤਿੰਨ ਬੱਚਿਆਂ ਦੀ ਮੌਤ ਕਾਰਨ ਪਿੰਡ ਵਿੱਚ ਸੋਗ ਦੀ ਲਹਿਰ ਦੋੜ ਗਈ। ਮ੍ਰਿਤਕ ਵੰਸ਼ ਮਨੀਸ਼ਾ ਪਤਨੀ ਰਾਕੇਸ਼ ਦਾ ਪੁੱਤਰ ਹੈ। ਮਨੀਸ਼ਾ ਪਿੰਡ ਦੀ ਪੰਚਾਇਤ ਮੈਂਬਰ ਹੈ।
