ਥਾਈਲੈਂਡ : ਥਾਈਲੈਂਡ ਦੇ ਉੱਤਰ-ਪੂਰਬੀ ਹਿੱਸੇ ਵਿੱਚ ਭਿਆਨਕ ਹਾਦਸਾ ਵਾਪਰਿਆ ਹੈ। ਰਾਜਧਾਨੀ ਬੈਂਕਾਕ ਤੋਂ ਦੇਸ਼ ਦੇ ਉੱਤਰ-ਪੂਰਬੀ ਹਿੱਸੇ ਵੱਲ ਜਾ ਰਹੀ ਇੱਕ ਰੇਲਗੱਡੀ ਉਸ ਸਮੇਂ ਪਟੜੀ ਤੋਂ ਉਤਰ ਗਈ ਜਦੋਂ ਇੱਕ ਕਨਸਟਰਕਸ਼ਨ ਕਰੇਨ ਉਸ ਦੇ ਇੱਕ ਡਿੱਬੇ ‘ਤੇ ਡਿੱਗ ਗਈ। ਇਸ ਹਾਦਸੇ ਵਿੱਚ ਘੱਟੋ-ਘੱਟ 22 ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ 30 ਲੋਕ ਜ਼ਖਮੀ ਹੋਏ ਹਨ। ਜ਼ਖਮੀਆਂ ਵਿੱਚੋਂ 8 ਨੂੰ ਗੰਭੀਰ ਸੱਟਾਂ ਲੱਗੀਆਂ ਹਨ। ਇਹ ਹਾਦਸਾ ਬੁੱਧਵਾਰ ਸਵੇਰੇ ਬੈਂਕੌਕ ਤੋਂ 230 ਕਿਲੋਮੀਟਰ (143 ਮੀਲ) ਉੱਤਰ-ਪੂਰਬ ਵਿੱਚ ਨਾਖੋਨ ਰਤਚਾਸੀਮਾ ਸੂਬੇ ਦੇ ਸਿੱਖੀਓ ਜ਼ਿਲ੍ਹੇ ਵਿੱਚ ਵਾਪਰਿਆ। ਰੇਲਗੱਡੀ ਉਬੋਨ ਰਤਚਾਥਨੀ ਸੂਬੇ ਵੱਲ ਜਾ ਰਹੀ ਸੀ।
ਟ੍ਰੈਨ ’ਚ ਲੱਗੀ ਅੱਗ
ਪੁਲਿਸ ਨੂੰ ਲੈ ਕੇ ਪੁਲਿਸ ਨੇ ਦੱਸਿਆ ਕਿ ਹਾਈ-ਸਪੀਡ ਰੇਲ ਪ੍ਰੋਜੈਕਟ ‘ਤੇ ਕੰਮ ਚੱਲ ਰਿਹਾ ਸੀ। ਕੰਮ ਦੇ ਦੌਰਾਨ ਇੱਕ ਕ੍ਰੇਨ ਟ੍ਰੇਨ ਦੇ ਡਿਬੇ ‘ਤੇ ਗਿਰ ਗਈ। ਜਿਸ ਵੇਲੇ ਕ੍ਰੇਨ ਗਿਰੀ ਉਸ ਵੇਲੇ ਟ੍ਰੇਨ ਲੰਘ ਰਹੀ ਸੀ। ਕ੍ਰੇਨ ਦੀ ਟੱਕਰ ਨਾਲ ਟ੍ਰੇਨ ਪਟਰੀ ਤੋਂ ਉਤਰ ਗਈ ਅਤੇ ਉਸ ਵਿੱਚ ਥੋੜੀ ਦੇਰ ਲਈ ਅੱਗ ਵੀ ਲੱਗ ਗਈ। ਪੁਲਿਸ ਨੇ ਦੱਸਿਆ ਕਿ ਅੱਗ ਬੁਝਾ ਦਿੱਤੀ ਗਈ ਹੈ ਅਤੇ ਹੁਣ ਬਚਾਅ ਕਾਰਵਾਈ ਜਾਰੀ ਹੈ।
ਕ੍ਰੇਨ ਅਤੇ ਟ੍ਰੇਨ ਦੀ ਟੱਕਰ ਇੰਨੀ ਜ਼ੋਰਦਾਰ ਸੀ ਕਿ ਟ੍ਰੇਨ ਦੀ ਛੱਤ ਅੰਦਰ ਧੱਸ ਗਈ, ਖਿੜਕੀਆਂ ਟੁੱਟ ਗਈਆਂ ਅਤੇ ਮੈਟਲ ਦਾ ਢਾਂਚਾ ਮੁੜ ਗਿਆ। ਕਈ ਯਾਤਰੀ ਮਲਬੇ ਵਿੱਚ ਫਸ ਗਏ। ਮੈਡੀਕਲ ਟੀਮਾਂ ਅਤੇ ਬਚਾਅ ਕਰਮਚਾਰੀ ਭਾਰੀ ਉਪਕਰਨਾਂ ਦੀ ਵਰਤੋਂ ਕਰਕੇ ਫਸੇ ਹੋਏ ਯਾਤਰੀਆਂ ਨੂੰ ਬਾਹਰ ਕੱਢਣ ਲਈ ਕੰਮ ਕਰ ਰਹੇ ਹਨ। ਇਹ ਆਪ੍ਰੇਸ਼ਨ ਮੁਸ਼ਕਿਲ ਹੈ ਕਿਉਂਕਿ ਕਰੇਨ ਅਤੇ ਟ੍ਰੇਨ ਬਹੁਤ ਬੁਰੀ ਤਰ੍ਹਾਂ ਨਾਲ ਆਪਸ ਵਿੱਚ ਫਸੇ ਹੋਏ ਹਨ।
ਥਾਈਲੈਂਡ ਰੇਲਵੇ ਨੇ ਕੀ ਕਿਹਾ?
ਹਾਦਸੇ ਤੋਂ ਬਾਅਦ, ਥਾਈਲੈਂਡ ਰੇਲਵੇ ਨੇ ਕਿਹਾ ਕਿ, ਸੀਟਿੰਗ ਪਲਾਨ ਮੁਤਾਬਕ, ਜਿਸ ਟ੍ਰੇਨ ‘ਤੇ ਕੰਸਟ੍ਰਕਸ਼ਨ ਕਰੇਨ ਡਿੱਗੀ ਸੀ, ਉਸ ਵਿੱਚ 195 ਲੋਕ ਸਵਾਰ ਸਨ। ਹਾਲਾਂਕਿ, ਅਸਲ ਗਿਣਤੀ ਵੱਖਰੀ ਹੋ ਸਕਦੀ ਹੈ। ਥਾਈਲੈਂਡ ਦੇ ਉਪ ਪ੍ਰਧਾਨ ਮੰਤਰੀ ਅਤੇ ਆਵਾਜਾਈ ਮੰਤਰੀ ਨੇ ਹਾਦਸੇ ਦੀ ਜਾਂਚ ਦੇ ਹੁਕਮ ਦਿੱਤੇ ਹਨ। ਥਾਈਲੈਂਡ ਵਿੱਚ ਇੰਡਸਟਰੀਅਲ ਅਤੇ ਕੰਸਟ੍ਰਕਸ਼ਨ ਸਾਈਟਾਂ ‘ਤੇ ਹਾਦਸੇ ਲੰਬੇ ਸਮੇਂ ਤੋਂ ਆਮ ਹਨ, ਜਿੱਥੇ ਸੁਰੱਖਿਆ ਨਿਯਮਾਂ ਨੂੰ ਠੀਕ ਤਰ੍ਹਾਂ ਲਾਗੂ ਨਾ ਕਰਨੇ ਦੀ ਵਜ੍ਹਾ ਨਾਲ ਅਕਸਰ ਜਾਨਲੇਵਾ ਹਾਦਸੇ ਹੁੰਦੇ ਰਹੇ ਹਨ।
