ਮੁੰਬਈ : ਰਣਵੀਰ ਸਿੰਘ ਇਨ੍ਹੀ ਦਿਨੀ ਆਦਿਤਿਆ ਧਰ ਦੁਆਰਾ ਨਿਰਦੇਸ਼ਤ ਫ਼ਿਲਮ ਧੁਰੰਧਰ ਦੀ ਸ਼ੂਟਿੰਗ ਵਿੱਚ ਰੁੱਝੇ ਹੋਏ ਹਨ। ਇਹ ਫਿਲਮ ਆਪਣੀ ਅਨਾਊਂਸਮੈਂਟ ਤੋਂ ਬਾਦ ਹੀ ਜਿਆਦਾ ਖ਼ਬਰਾਂ ਵਿੱਚ ਹੈ। ਹੁਣ ਅਦਾਕਾਰ ਦੀ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਉਨ੍ਹਾਂ ਦਾ ਸ਼ਾਨਦਾਰ ਟ੍ਰਾਂਸਫੋਰਮੇਂਸ਼ਾਨ ਦੇਖ ਕੇ ਹਰ ਕੋਈ ਹੈਰਾਨ ਹੈ।
ਰਫ਼ ਐਂਡ ਟਫ ਲੁੱਕ ਵਿੱਚ ਨਜ਼ਰ ਆਏ ਰਣਵੀਰ ਸਿੰਘ
ਰਣਵੀਰ ਇਸ ਵਿੱਚ ਇੱਕ ਬਿਲਕੁਲ ਨਵੇਂ ਅਵਤਾਰ ਵਿੱਚ ਨਜ਼ਰ ਆ ਰਹੇ ਹਨ, ਜਿਸ ਨਾਲ ਪ੍ਰਸ਼ੰਸਕਾਂ ਦੀ ਫਿਲਮ ਪ੍ਰਤੀ ਉਤਸੁਕਤਾ ਵਧ ਗਈ ਹੈ। ਇਸ ਵੀਡੀਓ ਨੂੰ ਫਿਲਮਫੇਅਰ ਨੇ ਆਪਣੇ ਇੰਸਟਾ ਪੇਜ ‘ਤੇ ਸਾਂਝਾ ਕੀਤਾ ਹੈ। ਰਣਬੀਰ ਵਧੀ ਹੋਈ ਦਾੜ੍ਹੀ ਅਤੇ ਲੰਬੇ ਵਾਲਾਂ ਨਾਲ ਸੜਕ ‘ਤੇ ਖੁੱਲ੍ਹ ਕੇ ਘੁੰਮ ਰਹੇ ਹਨ। ਵੀਡੀਓ ਵਾਇਰਲ ਹੁੰਦੇ ਹੀ , ਫ਼ੈਸ ਉਨ੍ਹਾਂ ‘ਤੇ ਮਜ਼ੇਦਾਰ ਕਾਮੈਂਟ ਕਰਨ ਲੱਗੇ ।ਇੱਕ ਯੂਜ਼ਰ ਨੇ ਲਿਖਿਆ- ਬਲਾਕਬਸਟਰ ਲੋਡਿੰਗ। ਇੱਕ ਹੋਰ ਨੇ ਲਿਖਿਆ: ਜਲਦ ਹੀ ਇੱਕ ਬਲਾਕਬਸਟਰ ਫਿਲਮ ਆ ਰਹੀ ਹੈ। ਧੁਰੰਧਰ ‘ਚ ਰਣਵੀਰ ਸਿੰਘ ਨਾਲ ਸੰਜੇ ਦੱਤ, ਯਾਮੀ ਗੌਤਮ, ਆਰ. ਮਾਧਵਨ ਅਤੇ ਅਰਜੁਨ ਰਾਮਪਾਲ ਵਰਗੇ ਅਦਾਕਾਰ ਨਜ਼ਰ ਆਉਣਗੇ।
ਵੀਡੀਓ ਦੇਖਣ ਤੋਂ ਬਾਅਦ, ਲੋਕ ਰਣਬੀਰ ਸਿੰਘ ਦੇ ਕਿਰਦਾਰ ਬਾਰੇ ਅੰਦਾਜ਼ੇ ਲਗਾ ਰਹੇ ਹਨ। ਕੁਝ ਕਹਿ ਰਹੇ ਹਨ ਕਿ ਉਹ ਜਾਸੂਸ ਹੋ ਸਕਦੇ ਹਨ, ਕੁਝ ਕਹਿੰਦੇ ਹਨ ਕਿ ਉਹ ਬਾਗ਼ੀ ਹਨ ਪਰ ਅਜੇ ਤੱਕ ਕਿਸੇ ਨੂੰ ਨਹੀਂ ਪਤਾ ਕਿ ਸੱਚਾਈ ਕੀ ਹੈ।
ਫ਼ਿਲਮ ਦੀ ਕਹਾਣੀ ਕੀ ਹੋਵੇਗੀ?
ਇੰਡੀਆ ਟੂਡੇ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਰਣਵੀਰ ਸਿੰਘ ਦੀ ਫ਼ਿਲਮ ਧੁਰੰਧਰ ਦੀ ਸ਼ੂਟਿੰਗ ਮੁੰਬਈ ਦੇ ਮਡ ਆਈਲੈਂਡ ਵਿੱਚ ਪੂਰੀ ਹੋ ਗਈ ਹੈ। ਹੁਣ, ਕਲਾਕਾਰ ਅਤੇ ਕ੍ਰਾਊ ਅੰਮ੍ਰਿਤਸਰ ਵਿੱਚ ਸ਼ੂਟਿੰਗ ਦੇ ਅਗਲੇ ਪੜਾਅ ਲਈ ਤਿਆਰੀਆਂ ਕਰ ਰਹੇ ਹਨ। ਅੰਮ੍ਰਿਤਸਰ ਸ਼ਡਿਊਲ ਦੇ ਨਾਲ, ਧੁਰੰਧਰ ਦੇ ਨਿਰਮਾਤਾ ਮਹੱਤਵਪੂਰਨ ਦ੍ਰਿਸ਼ਾਂ ਨੂੰ ਕੈਦ ਕਰਨ ਦੀ ਯੋਜਨਾ ਬਣਾ ਰਹੇ ਹਨ ਜੋ ਨਾਇਕ ਦੀ ਕਹਾਣੀ ਦੇ ਕੇਂਦਰ ਵਿੱਚ ਹਨ। ਇਹ ਗਾਰੰਟੀ ਹੈ ਕਿ ਇਹ ਫਿਲਮ ਸ਼ਾਨਦਾਰ ਐਕਸ਼ਨ, ਡਰਾਮਾ ਅਤੇ ਸਸਪੈਂਸ ਦੇ ਨਾਲ ਇੱਕ ਉੱਚ ਆਕਟੇਨ ਡਰਾਮਾ ਹੋਵੇਗੀ। ਇਸਦੀ ਪੂਰੀ ਗਰੰਟੀ ਹੈ। ਧੁਰੰਧਰ ਦੀ ਕਹਾਣੀ ਉਸ ਸਮੇਂ ਦੀ ਹੈ ਜਿਸਨੂੰ ਬਹੁਤ ਸਾਰੇ ਲੋਕ ਰਿਸਰਚ ਐਂਡ ਐਨਾਲਿਸਿਸ ਵਿੰਗ (RAW) ਦੇ ਸੁਨਹਿਰੀ ਯੁੱਗ ਮੰਨਦੇ ਹਨ।
