ਨੇਪਾਲ : ਨੇਪਾਲ ਵਿੱਚ ਅੰਤਰਿਮ ਪ੍ਰਧਾਨ ਮੰਤਰੀ ਸੁਸ਼ੀਲਾ ਕਾਰਕੀ ਦੀ ਕੈਬਨਿਟ ਦਾ ਵਿਸਤਾਰ ਅੱਜ ਹੋਵੇਗਾ। ਇਸਦੇ ਲਈ 3 ਨਵੇਂ ਮੰਤਰੀਆਂ ਦੇ ਨਾਵਾਂ ‘ਤੇ ਮੋਹਰ ਲੱਗ ਚੁੱਕੀ ਹੈ। ਦੱਸ ਦੇਈਏ ਕਿ ਇਹ 3 ਨਾਮ ਪਹਿਲਾਂ ਤੋਂ ਹੀ ਚਰਚਾ ਵਿੱਚ ਸਨ ਅਤੇ ਜੇਨ-ਜੀ ਦੀ ਪਸੰਦ ਵੀ ਸਨ। ਇਨ੍ਹਾਂ ਦੇ ਨਾਮ ਹਨ- ਕੁਲਮਾਨ ਘਿਸਿੰਗ, ਓਮ ਪ੍ਰਕਾਸ਼ ਅਰਿਆਲ ਅਤੇ ਰਮੇਸ਼ਵਰ ਖਨਾਲ ਹਨ। ਅੱਜ ਇਨ੍ਹਾਂ ਨੂੰ ਸਹੁੰ ਚੁਕਾਈ ਜਾਵੇਗੀ। ਸੂਤਰਾਂ ਮੁਤਾਬਕ, ਇਨ੍ਹਾਂ ਦੇ ਨਾਮ ਰਾਸ਼ਟਰਪਤੀ ਪੌਡੇਲ ਨੂੰ ਵੀ ਭੇਜੇ ਗਏ ਹਨ। ਅੰਤਰਿਮ ਪ੍ਰਧਾਨ ਮੰਤਰੀ ਨੇ ਵਿਚਾਰ-ਵਟਾਂਦਰੇ ਤੋਂ ਬਾਅਦ ਇਨ੍ਹਾਂ ਨਾਵਾਂ ਨੂੰ ਅੱਗੇ ਵਧਾਇਆ ਹੈ।
ਕਿਸਨੂੰ ਮਿਲੇਗਾ ਕਿਹੜਾ ਵਿਭਾਗ?
ਸੂਤਰਾਂ ਅਨੁਸਾਰ, ਨੇਪਾਲ ਵਿੱਚ ਮੰਤਰੀ ਅਹੁਦਿਆਂ ਲਈ ਤਜਰਬੇਕਾਰ ਚਿਹਰਿਆਂ ‘ਤੇ ਵਿਸ਼ਵਾਸ ਪ੍ਰਗਟ ਕੀਤਾ ਗਿਆ ਹੈ। ਕਾਰਕੀ ਨੇ ਆਪਣੇ ਮੰਤਰੀ ਮੰਡਲ ਵਿੱਚ ਭ੍ਰਿਸ਼ਟਾਚਾਰ ਵਿਰੋਧੀ ਅਤੇ ਕਈ ਖੇਤਰਾਂ ਵਿੱਚ ਵਿਸ਼ੇਸ਼ ਭੂਮਿਕਾ ਨਿਭਾਉਣ ਵਾਲੇ ਲੋਕਾਂ ਨੂੰ ਤਰਜੀਹ ਦਿੱਤੀ ਹੈ। ਇਨ੍ਹਾਂ ਨਿਯੁਕਤੀਆਂ ਪਿੱਛੇ ਜਨਰਲ-ਜੀ ਪ੍ਰਦਰਸ਼ਨਕਾਰੀਆਂ ਦੀਆਂ ਮੰਗਾਂ ਦਾ ਵੀ ਧਿਆਨ ਰੱਖਿਆ ਗਿਆ ਹੈ।
- ਓਮਪ੍ਰਕਾਸ਼ ਅਰਿਆਲ- ਓਮਪ੍ਰਕਾਸ਼ ਅਰਿਆਲ ਨੂੰ ਕਾਨੂੰਨ ਅਤੇ ਗ੍ਰਹਿ ਮੰਤਰੀ ਨਿਯੁਕਤ ਕੀਤਾ ਜਾਵੇਗਾ। ਉਹ ਸੁਪਰੀਮ ਕੋਰਟ ਦੇ ਇੱਕ ਪ੍ਰਮੁੱਖ ਵਕੀਲ ਅਤੇ ਸੁਸ਼ੀਲਾ ਕਾਰਕੀ ਦੇ ਇੱਕ ਭਰੋਸੇਮੰਦ ਸਹਾਇਕ ਰਹੇ ਹਨ। ਓਮ ਪ੍ਰਕਾਸ਼ ਨੇ ਓਲੀ ਸਰਕਾਰ ਵਿਰੁੱਧ 50 ਤੋਂ ਵੱਧ ਪਟੀਸ਼ਨਾਂ ਦਾਇਰ ਕੀਤੀਆਂ ਸਨ। ਜੋ ਕਿ ਪੁਲਿਸ ਸੁਧਾਰ, ਭ੍ਰਿਸ਼ਟਾਚਾਰ ਅਤੇ ਨਾਗਰਿਕ ਅਧਿਕਾਰਾਂ ਨਾਲ ਸਬੰਧਤ ਸਨ।
- ਕੁਲਮਨ ਘਿਸਿੰਗ- ਉਨ੍ਹਾਂ ਦਾ ਨਾਮ ਪ੍ਰਧਾਨ ਮੰਤਰੀ ਦੇ ਦਾਅਵੇਦਾਰਾਂ ਦੀ ਸੂਚੀ ਵਿੱਚ ਵੀ ਸ਼ਾਮਲ ਸੀ। ਹਾਲਾਂਕਿ, ਹੁਣ ਲਈ, ਉਨ੍ਹਾਂ ਨੂੰ ਊਰਜਾ ਮੰਤਰੀ ਦੀ ਅਗਵਾਈ ਦੀ ਕਮਾਨ ਸੌਂਪੀ ਜਾਵੇਗੀ। ਨੇਪਾਲ ਬਿਜਲੀ ਅਥਾਰਟੀ ਦੇ ਸਾਬਕਾ ਡਾਇਰੈਕਟਰ ਜਨਰਲ ਘਿਸਿੰਗ ਨੂੰ ਊਰਜਾ ਦੇ ਖੇਤਰ ਵਿੱਚ ਕ੍ਰਾਂਤੀ ਲਿਆਉਣ ਵਾਲਾ ਮੰਨਿਆ ਜਾਂਦਾ ਹੈ। ਕੁਲਮਨ ਨੇ ਲੋਡ ਸ਼ੈਡਿੰਗ ਅਤੇ ਪਣ-ਬਿਜਲੀ ਪ੍ਰੋਜੈਕਟਾਂ ‘ਤੇ ਵੀ ਕੰਮ ਕੀਤਾ ਸੀ। ਉਨ੍ਹਾਂ ਨੇ ਭਾਰਤ ਅਤੇ ਨੇਪਾਲ ਵਿਚਕਾਰ ਊਰਜਾ ਸਮਝੌਤੇ ਵਿੱਚ ਵੀ ਮਹੱਤਵਪੂਰਨ ਭੂਮਿਕਾ ਨਿਭਾਈ।
- ਰਾਮੇਸ਼ਵਰ ਖਨਾਲ- ਰਾਮੇਸ਼ਵਰ ਨੇਪਾਲ ਦੇ ਸਾਬਕਾ ਵਿੱਤ ਸਕੱਤਰ ਰਹਿ ਚੁੱਕੇ ਹਨ। ਉਨ੍ਹਾਂ ਨੂੰ ਕਾਰਕੀ ਸਰਕਾਰ ਵਿੱਚ ਵਿੱਤ ਮੰਤਰਾਲੇ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ। ਉਨ੍ਹਾਂ ਨੂੰ ਆਰਥਿਕ ਸੁਧਾਰਾਂ ਦਾ ਸਮਰਥਕ ਮੰਨਿਆ ਜਾਂਦਾ ਹੈ। ਉਨ੍ਹਾਂ ਨੂੰ ਟੈਕਸ ਪ੍ਰਣਾਲੀ, ਬਜਟ ਸੁਧਾਰ ਅਤੇ ਵਿਦੇਸ਼ੀ ਨਿਵੇਸ਼ ਨੂੰ ਉਤਸ਼ਾਹਿਤ ਕਰਨ ‘ਤੇ ਜ਼ੋਰ ਦੇਣ ਲਈ ਕਈ ਵਾਰ ਜਾਣਿਆ ਜਾਂਦਾ ਹੈ।
ਹੋਰ ਵੀ ਕਈ ਨਾਮ ਸ਼ਾਮਲ
ਦੱਸ ਦੇਈਏ ਕਿ ਫਿਲਹਾਲ ਮੰਤਰੀ ਮੰਡਲ ਵਿੱਚ ਇਹ ਤਿੰਨ ਤੈਅ ਹੋ ਚੁੱਕੇ ਹਨ। ਅੱਜ ਇਨ੍ਹਾਂ ਨੂੰ ਸਹੁੰ ਚੁਕਾਈ ਜਾਵੇਗੀ। ਪਰ ਕੁਝ ਹੋਰ ਲੋਕਾਂ ਦੇ ਨਾਵਾਂ ‘ਤੇ ਵੀ ਚਰਚਾਵਾਂ ਹੋ ਰਹੀਆਂ ਹਨ।
- ਬਾਲਾਨੰਦ ਸ਼ਰਮਾ-ਰੱਖਿਆ ਮੰਤਰੀ।
- ਪਾਰਸ ਖੜਕਾ-ਯੁਵਾ ਅਤੇ ਖੇਡ ਮੰਤਰੀ।
- ਅਸੀਮ ਮਾਨ ਸਿੰਘ ਬਾਸਨੇਟ-ਭੌਤਿਕ ਬੁਨਿਆਦੀ ਢਾਂਚਾ ਅਤੇ ਆਵਾਜਾਈ ਮੰਤਰੀ।
