ਚੰਡੀਗੜ੍ਹ : ਵਰਲਡ ਮਿਊਜਿਕ ਦਿਵਸ ਮੌਕੇ, ਚੰਡੀਗੜ੍ਹ ਸੰਗੀਤ ਨਾਟਕ ਅਕੈਡਮੀ ਵੱਲੋਂ ਆਯੋਜਿਤ ਸੰਗੀਤਮਈ ਪ੍ਰੋਗਰਾਮ ਦੌਰਾਨ ਮਿਊਜਿ਼ਕ ਅਰੈਂਜਰ ਡਾ. ਅਰੂਨ ਕਾਂਤ ਦੀ ਟੀਮ ਵੱਲੋਂ ਪੁਰਾਣੇ ਗੀਤਾਂ ਨੂੰ ਨਵੇਂ ਕਲਾਕਾਰਾਂ ਤੋਂ ਗਵਾਇਆ ਗਿਆ । ਪ੍ਰੋਗਰਾਮ ਵਿੱਚ ਮੁੱਖ ਮਹਿਮਾਨ ਵਜੋਂ ਪਹੁੰਚੇ ਸਾਬਕਾ ਸਾਂਸਦ ਸ੍ਰੀ ਸਤਿਆਪਾਲ ਜੈਨ ਵਲੋਂ ਸ਼ਮਾ ਰੋਸ਼ਨ ਕੀਤੀ ਗਈ ਅਤੇ ਜਸਪ੍ਰੀਤ ਕੌਰ ਅਤੇ ਸ਼ਵੇਤਾ ਵਲੋਂ ਰਾਸ਼ਟਰੀ ਗੀਤ ਨਾਲ ਪ੍ਰੋਗਰਾਮ ਦਾ ਆਗਾਜ਼ ਕੀਤਾ ਗਿਆ । ਮੈਡਮ ਅਰਵਿੰਦਰ ਕੌਰ ਅਤੇ ਕੈਲਾਸ਼ ਅਟਵਾਲ ਵਲੋਂ ਗਾਏ ਪੰਜਾਬੀ ਗੀਤ “ਪਿਆਰ ਦੇ ਭੂਲੇਖੇ” ਨੇ ਖੂਬ ਤਾਲੀਆ ਬਟੋਰੀਆਂ । ਦੀਪਾਂਸ਼ੂ ਅਤੇ ਦੇਵੀ ਪ੍ਰਭਾ ਨੇ “ਅਭੀ ਨਾ ਜਾਓੁ ਛੋੜ ਕਰ”, ਬੀ.ਡੀ.ਸ਼ਰਮਾ ਅਤੇ ਪੁਸ਼ਪਾ ਸਕਸੇਨਾ ਨੇ “ਤੁਮਹਾਰੀ ਨਜ਼ਰ ਕਿਉਂ ਖ਼ਫਾ ਹੋ ਗਈ”, ਪੂਨਮ ਡੋਗਰਾ ਅਤੇ ਵਿਪੂਲ ਨੇ “ਓ ਸਾਥੀ ਚਲ”, ਤਰਸੇਮ ਅਤੇ ਮੈਡਮ ਅਰਵਿੰਦਰ ਕੌਰ ਨੇ “ਵੇ ਰਬ ਨਾ ਕਰੇ”, ਵਿਰਚੀ ਅਤੇ ਦਿਤੀ ਕੌਸਿ਼ਕ ਨੇ “ਤੇਰੇ ਚੇਹਰੇ ਸੇ ਨਜ਼ਰ ਨਹੀ ਹਟਤੀ”, ਦਲਜੀਤ ਠਕੁਰਾਲ ਨੇ “ਮੰਜਿ਼ਲੇ ਆਪਨੀ ਜਗ੍ਹਾ”, ਦੀਪਕ ਨੇ “ਕਹੀਂ ਦੂਰ ਜਬ ਦਿਨ ਢੱਲ ਜਾਏ” ਗੀਤ ਗਾਏ । ਡਾ. ਅਨਿਲ ਸ਼ਰਮਾ, ਅਨਨਯਾ ਸ਼ਰਮਾ, ਪੁਲਕਿਤ, ਸਾਗਰ, ਵੰਸਿ਼ਕਾ ਤੋਂ ਇਲਾਵਾ ਹੋਰ ਗਾਇਕਾਂ ਨੇ ਵੀ ਪੁਰਾਣੇ ਗੀਤਾਂ ਨੂੰ ਦੁਹਰਾਇਆ ।
ਚੰਡੀਗੜ੍ਹ ਸੰਗੀਤ ਨਾਟਕ ਅਕੈਡਮੀ ਤੋਂ ਸੁਦੇਸ਼ ਸ਼ਰਮਾ, ਵਿਕਰਾਂਤ ਸੇਠ, ਰਾਜੇਸ਼, ਪ੍ਰਸਿੱਧ ਸਰੰਗੀ ਵਾਦਕ ਪੰਡਿਤ ਵਿਨੋਦ ਪੰਵਾਰ ਅਤੇ ਜਗਪ੍ਰੀਤ ਸਿੰਘ ਮਹਾਜਨ (ਇਰੀਗੇਸ਼ਨ ਮਨਿਸਟੀਰੀਅਲ ਸਰਵਿਸਿਜ਼ ਐਸੋਸੀਏਸ਼ਨ ਪੰਜਾਬ ਰਜਿ: ਦੇ ਸੂਬਾ ਪ੍ਰੈਸ ਸਕੱਤਰ) ਤੋਂ ਇਲਾਵਾ ਹੋਰ ਵੀ ਨਾਮਵਰ ਸਪਸ਼ੀਅਤਾਂ ਹਾਜ਼ਰ ਸਨ । ਸਟੇਜ਼ ਸੈਕਟਰੀ ਦੀ ਭੂਮਿਕਾ ਸ੍ਰੀ ਵਿਜੈ ਟਿਕੂ ਅਤੇ ਉਨ੍ਹਾਂ ਦੀ ਸਾਥੀ ਵਲੋਂ ਬਾਖ਼ੂਬੀ ਨਿਭਾਈ ਗਈ ।
