ਮੁੰਬਈ : ਸਾਲ 2023 ਵਿੱਚ ਬਲਾਕਬਸਟਰ ਫਿਲਮ ਦੀ ਸ਼ੁਰੂਆਤ ‘ਪਠਾਨ’ ਨਾਲ ਹੋਈ ਸੀ ਅਤੇ ਹਾਲੇ ਵੀ ਇਹ ਸਿਲਸਿਲਾ ਜਾਰੀ ਹੈ। ‘ਗਦਰ 2 (Gadar 2), ‘ਜਵਾਨ’ (Jawan) ਅਤੇ ‘ਟਾਈਗਰ 3’ (Tiger3) ਤੋਂ ਬਾਅਦ ਰਣਬੀਰ ਕਪੂਰ (Ranbir Kapoor) ਦੀ ਫਿਲਮ ‘ਜਾਨਵਰ’ (Animal) ਬਾਕਸ ਆਫਿਸ ‘ਤੇ ਹਲਚਲ ਮਚਾ ਰਹੀ ਹੈ। ਫਿਲਮ ਨੇ ਤਿੰਨ ਦਿਨਾਂ ‘ਚ 200 ਕਰੋੜ ਰੁਪਏ ਤੋਂ ਪਾਰ ਦੀ ਕਮਾਈ ਕਰ ਲਈ ਹੈ।
ਸੰਦੀਪ ਰੈੱਡੀ ਵਾਂਗਾ ਦੁਆਰਾ ਡਾਇਰੈਕਟ ਫਿਲਮ ‘ਐਨੀਮਲ’ 1 ਦਸੰਬਰ 2023 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਈ ਸੀ। ਇਸ ਫਿਲਮ ‘ਚ ਰਣਬੀਰ ਕਪੂਰ ਹੀਰੋ ਬਣੇ ਅਤੇ ਬੌਬੀ ਦਿਓਲ ਨੇ ਵਿਲੇਨ ਬਣ ਕੇ ਦਰਸ਼ਕਾਂ ਦੇ ਦਿਲਾਂ ‘ਤੇ ਕਬਜ਼ਾ ਕਰ ਲਿਆ। ਐਕਸ਼ਨ ਸੀਨਜ਼ ਤੋਂ ਲੈ ਕੇ ਰੋਮਾਂਸ ਤੱਕ ‘ਐਨੀਮਲ’ ਨੂੰ ਦਰਸ਼ਕਾਂ ਦਾ ਖੂਬ ਪਿਆਰ ਮਿਿਲਆ। ਸ਼ਾਨਦਾਰ ਓਪਨਿੰਗ ਤੋਂ ਬਾਅਦ ਫਿਲਮ ਨੇ ਵੀਕੈਂਡ ‘ਤੇ ਜ਼ਬਰਦਸਤ ਕਮਾਈ ਕੀਤੀ ਹੈ।
ਐਨੀਮਲ ਸੁਨਾਮੀ ਬੀਤੇ ਦਿਨ
ਗੈਂਗਸਟਰ ਫਿਲਮ ‘ਐਨੀਮਲ’ ਨੇ ਘਰੇਲੂ ਬਾਕਸ ਆਫਿਸ ‘ਤੇ 63 ਕਰੋੜ ਰੁਪਏ ਨਾਲ ਆਪਣਾ ਖਾਤਾ ਖੋਲ੍ਹਿਆ ਹੈ। ਸ਼ਨੀਵਾਰ ਨੂੰ ਫਿਲਮ ਦੀ ਕਮਾਈ ‘ਚ ਉਛਾਲ ਆਇਆ ਅਤੇ ਬੀਤੇ ਦਿਨ ਬਾਕਸ ਆਫਿਸ ‘ਤੇ ਫਿਲਮ ਦੀ ਸੁਨਾਮੀ ਆ ਗਈ। ਸੈਕਨਿਲਕ ਦੇ ਸ਼ੁਰੂਆਤੀ ਵਪਾਰ ਦੇ ਅਨੁਸਾਰ, ‘ਐਨੀਮਲ’ ਨੇ ਬੀਤੇ ਦਿਨ ਘਰੇਲੂ ਬਾਕਸ ਆਫਿਸ ‘ਤੇ 72.50 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ ਹੈ।
ਐਨੀਮਲ ਨੇ ਤਿੰਨ ਦਿਨਾਂ ਵਿੱਚ ਕੀਤਾ ਇੰਨਾ ਕਾਰੋਬਾਰ
ਰਣਬੀਰ ਕਪੂਰ, ਬੌਬੀ ਦਿਓਲ ਅਤੇ ਰਸ਼ਮਿਕਾ ਮੰਡਾਨਾ ਸਟਾਰਰ ਫਿਲਮ ‘ਐਨੀਮਲ’ ਦੀ ਕਮਾਈ ਦੀ ਰਫਤਾਰ ਹੋਰ ਵਧ ਰਹੀ ਹੈ। ਫਿਲਮ ਨੇ ਹੁਣ ਤੱਕ ਕੁੱਲ 203 ਕਰੋੜ ਰੁਪਏ ਦਾ ਕਾਰੋਬਾਰ ਕਰ ਲਿਆ ਹੈ। ਪਹਿਲੇ ਦਿਨ ਦੀ ਕਮਾਈ 63.8 ਕਰੋੜ ਰੁਪਏ ਸੀ, ਦੂਜੇ ਦਿਨ ਇਹ ਕਮਾਈ 67.27 ਕਰੋੜ ਰੁਪਏ ਸੀ ਅਤੇ ਤੀਜੇ ਦਿਨ ਕਮਾਈ ‘ਚ 5 ਕਰੋੜ ਰੁਪਏ ਦਾ ਵਾਧਾ ਹੋਇਆ ਹੈ। ਹਾਲਾਂਕਿ, ਇਹ ਸਿਰਫ ਸ਼ੁਰੂਆਤੀ ਅੰਕੜੇ ਹਨ। ਸਹੀ ਸੰਖਿਆ ਇਸ ਤੋਂ ਵੱਧ ਜਾਂ ਘੱਟ ਹੋ ਸਕਦੀ ਹੈ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਵੀਕੈਡ ‘ਚ ਫਿਲਮ ਦਾ ਕੀ ਹੁੰਦਾ ਹੈ।
ਫਿਲਮ ਦੀ ਕਹਾਣੀ ਦੀ ਗੱਲ ਕਰੀਏ ਤਾਂ ਇਹ ਫਿਲਮ ਪਿਤਾ ਅਤੇ ਬੇਟੇ ਦੇ ਰਿਸ਼ਤੇ ‘ਤੇ ਆਧਾਰਿਤ ਹੈ। ਰਣਵਿਜੇ (ਰਣਬੀਰ) ਆਪਣੇ ਪਿਤਾ ਬਲਬੀਰ (ਅਨਿਲ ਕਪੂਰ) ਨੂੰ ਆਪਣਾ ਪ੍ਰੇਰਨਾ ਸਰੋਤ ਮੰਨਦਾ ਹੈ ਅਤੇ ਉਸ ਨੂੰ ਇੰਨਾ ਪਿਆਰ ਕਰਦਾ ਹੈ ਕਿ ਜੇ ਉਸ ਨੂੰ ਇੱਕ ਝਰੀਟ ਵੀ ਲੱਗ ਜਾਵੇ ਤਾਂ ਉਹ ਦੁਨੀਆ ਨਾਲ ਲੜਦਾ ਹੈ। ਰਸ਼ਮਿਕਾ ਨੇ ਰਣਬੀਰ ਦੀ ਪਤਨੀ ਦਾ ਕਿਰਦਾਰ ਨਿਭਾਇਆ ਹੈ। ਜਦਕਿ ਬੌਬੀ ਵਿਲੇਨ ਹੈ।
