ਗੁਰੂਗ੍ਰਾਮ : ਹਰਿਆਣਾ ਦੇ ਗੁਰੂਗ੍ਰਾਮ ਜ਼ਿਲ੍ਹੇ ਵਿੱਚ ਟੈਨਿਸ ਖਿਡਾਰਨ ਰਾਧਿਕਾ ਯਾਦਵ ਦਾ ਕਤਲ ਕਰ ਦਿੱਤਾ ਗਿਆ। ਰਾਧਿਕਾ ਦਾ ਕਤਲ ਉਸ ਦੇ ਪਿਤਾ ਨੇ ਕੀਤਾ ਸੀ। ਰਾਧਿਕਾ ਦੇ ਪਿਤਾ ਨੇ ਉਸਨੂੰ ਗੋਲੀ ਮਾਰ ਦਿੱਤੀ। ਟੈਨਿਸ ਦੀ ਦੁਨੀਆ ਵਿੱਚ ਭਾਰਤ ਦੇ ਉੱਭਰਦੇ ਚਿਹਰਿਆਂ ਵਿੱਚੋਂ ਇੱਕ ਰਾਧਿਕਾ ਯਾਦਵ ਨਾ ਸਿਰਫ਼ ਇੱਕ ਪ੍ਰਤਿਭਾਸ਼ਾਲੀ ਖਿਡਾਰਨ ਸੀ, ਸਗੋਂ ਇੱਕ ਪ੍ਰੇਰਨਾਦਾਇਕ ਸ਼ਖਸੀਅਤ ਵੀ ਸੀ। ਹਰਿਆਣਾ ਦੀ ਰਹਿਣ ਵਾਲੀ ਰਾਧਿਕਾ ਨੇ ਆਪਣੀ ਸ਼ਾਨਦਾਰ ਖੇਡ ਨਾਲ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪੱਧਰ ‘ਤੇ ਆਪਣੀ ਛਾਪ ਛੱਡੀ।
- ਰਾਧਿਕਾ ਯਾਦਵ ਇੱਕ ਉੱਭਰਦੀ ਭਾਰਤੀ ਟੈਨਿਸ ਖਿਡਾਰਨ ਸੀ, ਜਿਸਦਾ ਜਨਮ 23 ਮਾਰਚ 2000 ਨੂੰ ਹੋਇਆ ਸੀ। ਉਹ ਅੰਤਰਰਾਸ਼ਟਰੀ ਟੈਨਿਸ ਫੈਡਰੇਸ਼ਨ (ITF) ਦੀ ਡਬਲਜ਼ ਰੈਂਕਿੰਗ ਵਿੱਚ 113ਵੇਂ ਸਥਾਨ ‘ਤੇ ਸੀ ਅਤੇ ਹਰਿਆਣਾ ਦੀ ਮਹਿਲਾ ਡਬਲਜ਼ ਸ਼੍ਰੇਣੀ ਵਿੱਚ ਪੰਜਵੇਂ ਸਥਾਨ ‘ਤੇ ਸੀ। ਰਾਧਿਕਾ ਦੇ ਆਪਣੇ ਕਰੀਅਰ ਵਿੱਚ ਕੋਈ ਵੀ ਮੀਲ ਪੱਥਰ ਹਾਸਲ ਕਰਨ ਤੋਂ ਪਹਿਲਾਂ, ਉਸਦੇ ਪਿਤਾ ਨੇ ਉਸਨੂੰ ਗੋਲੀ ਮਾਰ ਦਿੱਤੀ।
- ਉਸਨੇ AITA (ਆਲ ਇੰਡੀਆ ਟੈਨਿਸ ਐਸੋਸੀਏਸ਼ਨ) ਅੰਡਰ-18 ਸ਼੍ਰੇਣੀ ਵਿੱਚ ਜਨਵਰੀ 2018 ਵਿੱਚ, ਆਪਣਾ ਸਭ ਤੋਂ ਉੱਚਾ 75ਵਾਂ ਰੈਂਕ ਪ੍ਰਾਪਤ ਕੀਤਾ ਅਤੇ ਲਗਾਤਾਰ 11 ਹਫ਼ਤਿਆਂ ਤੱਕ ਚੋਟੀ ਦੇ 100 ਵਿੱਚ ਰਹੀ। ਉਸਦੀ ਸਭ ਤੋਂ ਵਧੀਆ ਰੈਂਕਿੰਗ ਮਹਿਲਾ ਸਿੰਗਲਜ਼ ਵਿੱਚ 35 ਅਤੇ ਡਬਲਜ਼ ਵਿੱਚ 53 ਸੀ।
- 25 ਸਾਲਾ ਰਾਧਿਕਾ ਨੂੰ ਭਾਰਤ ਦੀਆਂ ਉੱਭਰਦੀਆਂ ਟੈਨਿਸ ਖਿਡਾਰੀਆਂ ਵਿੱਚ ਗਿਣਿਆ ਜਾਂਦਾ ਸੀ, ਨਾਲ ਹੀ ਸ਼੍ਰੀਵੱਲੀ ਭਾਮਿਦੀਪਤੀ, ਪੂਰਵੀ ਭੱਟ ਅਤੇ ਥਨੀਆ ਸਰਾਏ ਗੋਗੁਲਾਮੰਡਾ ਵਰਗੀਆਂ ਪ੍ਰਤਿਭਾਵਾਂ ਵੀ ਸਨ। ਰਾਧਿਕਾ ਯਾਦਵ ਦੇ ਸਾਬਕਾ ਕੋਚ ਮਨੋਜ ਭਾਰਦਵਾਜ ਨੇ ਕਿਹਾ ਕਿ ਇਹ ਇੱਕ ਵੱਡਾ ਨੁਕਸਾਨ ਹੈ। ਉਸਨੇ ਕਿਹਾ ਕਿ ਰਾਧਿਕਾ ਧਿਆਨ ਕੇਂਦਰਿਤ, ਅਨੁਸ਼ਾਸਿਤ ਅਤੇ ਬਹੁਤ ਪ੍ਰਤਿਭਾਸ਼ਾਲੀ ਸੀ।
- ਰਾਧਿਕਾ ਨੇ ਇੱਕ ਪ੍ਰਸਿੱਧ ਟੈਨਿਸ ਅਕੈਡਮੀ ਵੀ ਸ਼ੁਰੂ ਕੀਤੀ ਸੀ, ਜਿਸ ਤੋਂ ਉਸਦੇ ਪਿਤਾ ਨਾ ਖੁਸ਼ ਸਨ। ਦੱਸਿਆ ਗਿਆ ਕਿ ਉਹ ਅਕਸਰ ਰਾਧਿਕਾ ਦੀ ਕਮਾਈ ‘ਤੇ ਨਿਰਭਰ ਹੋਣ ਦੇ ਤਾਅਨੇ ਮਾਰਦੇ ਸੀ।
