ਉੱਤਰ ਪ੍ਰਦੇਸ਼ : ਉੱਤਰ ਪ੍ਰਦੇਸ਼ ( Uttar Pradesh) ਦੇ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ (Chief Minister Yogi Adityanath) ਨੇ ਕਿਹਾ ਕਿ ਨਵੀਂ ਅਯੁੱਧਿਆ ਵਿੱਚ ਹੁਣ ਕਦੇ ਵੀ ਕਰਫਿਊ ਨਹੀਂ ਲਗਾਇਆ ਜਾਵੇਗਾ, ਸਗੋਂ ਰਾਮ ਨਾਮ ਦਾ ਸੰਕੀਰਤਨ ਹੋਵੇਗਾ। ਮੁੱਖ ਮੰਤਰੀ ਨੇ ਕਿਹਾ ਕਿ ਹੁਣ ਇੱਥੇ ਗੋਲੀਆਂ ਨਹੀਂ ਚਲਾਈਆਂ ਜਾਣਗੀਆਂ, ਸਗੋਂ ਰਾਮ ਭਗਤਾਂ ਨੂੰ ਲੱਡੂ ਦੇ ਗੋਲੇ ਮਿਲਣਗੇ। ਉਨ੍ਹਾਂ ਨੇ 1990 ‘ਚ ਤਤਕਾਲੀ ਮੁਲਾਇਮ ਸਿੰਘ ਯਾਦਵ ਦੀ ਅਗਵਾਈ ਵਾਲੀ ਸਰਕਾਰ ਵੱਲੋਂ ਕਾਰ ਸੇਵਕਾਂ ‘ਤੇ ਗੋਲੀ ਚਲਾਉਣ ਦੇ ਹੁਕਮਾਂ ਦੇ ਸੰਦਰਭ ‘ਚ ਇਹ ਗੱਲ ਕਹੀ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਹੁਣ ਕੋਈ ਵੀ ਅਯੁੱਧਿਆ ਵਿੱਚ ਪੰਚਕੋਸੀ, 14 ਕੋਸੀ ਅਤੇ 84 ਕੋਸੀ ਦੀ ਪਰਿਕਰਮਾ ਨੂੰ ਰੋਕਣ ਦੀ ਹਿੰਮਤ ਨਹੀਂ ਕਰੇਗਾ।
ਭਾਰਤ ‘ਚ ਰਾਮ ਤੋਂ ਬਿਨਾਂ ਕੋਈ ਕੰਮ ਨਹੀਂ ਹੁੰਦਾ: ਯੋਗੀ
ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਇਥੇ ਜਾਰੀ ਇਕ ਬਿਆਨ ਅਨੁਸਾਰ ਮੁੱਖ ਮੰਤਰੀ ਯੋਗੀ ਬੀਤੇ ਦਿਨ ‘ਹੈਰੀਟੇਜ ਹੈਂਡਵੀਵਿੰਗ ਰਿਵਾਈਵਲ ਚੈਰੀਟੇਬਲ ਟਰੱਸਟ’ ਦੇ ਯਤਨਾਂ ਤਹਿਤ ਦੇਸ਼ ਦੇ 12 ਲੱਖ ਦਸਤਕਾਰੀਆਂ ਨੂੰ ਸ਼੍ਰੀ ਰਾਮ ਲੱਲਾ ਲਈ ਤਿਆਰ ਕੀਤੇ ਵਿਸ਼ੇਸ਼ ਕੱਪੜਿਆਂ ਨੂੰ ਸ੍ਰੀ ਰਾਮ ਜਨਮ ਭੂਮੀ ਤੀਰਥ ਖੇਤਰ ਟਰੱਸਟ ਨੂੰ ਸੌਂਪਣ ਲਈ ਇਸ ਮੌਕੇ ਲੋਕਾਂ ਨੂੰ ਸੰਬੋਧਨ ਕਰ ਰਹੇ ਸਨ। ਇੱਥੇ 5 ਕਾਲੀਦਾਸ ਮਾਰਗ ਸਥਿਤ ਆਪਣੀ ਸਰਕਾਰੀ ਰਿਹਾਇਸ਼ ‘ਤੇ ਆਯੋਜਿਤ ਇਸ ਪ੍ਰੋਗਰਾਮ ‘ਚ ਮੁੱਖ ਮੰਤਰੀ ਯੋਗੀ ਨੇ ਕਿਹਾ ਕਿ ਭਾਰਤ ‘ਚ ਰਾਮ ਤੋਂ ਬਿਨਾਂ ਕੋਈ ਕੰਮ ਨਹੀਂ ਹੁੰਦਾ।
