ਮੁੰਬਈ : ਸੁਪਰਸਟਾਰ ਸਲਮਾਨ ਖਾਨ ਦੇ ਪ੍ਰਸ਼ੰਸਕ ਉਨ੍ਹਾਂ ਦੀ ਆਉਣ ਵਾਲੀ ਫਿਲਮ ਨੂੰ ਲੈ ਕੇ ਬਹੁਤ ਉਤਸ਼ਾਹਿਤ ਹਨ। 2025 ਦੀ ਈਦ ‘ਤੇ ਰਿਲੀਜ਼ ਹੋਈ ਫਿਲਮ ਸਿਕੰਦਰ ਤੋਂ ਬਾਅਦ, ਹੁਣ ਦਰਸ਼ਕਾਂ ਵਿੱਚ ਉਨ੍ਹਾਂ ਦੇ ਅਗਲੇ ਪ੍ਰੋਜੈਕਟ ਨੂੰ ਲੈ ਕੇ ਬਹੁਤ ਉਤਸੁਕਤਾ ਹੈ। ਹਾਲ ਹੀ ਵਿੱਚ ਅਜਿਹੀਆਂ ਖਬਰਾਂ ਆਈਆਂ ਸਨ ਕਿ ਸਲਮਾਨ ਆਉਣ ਵਾਲੀ ਫਿਲਮ ਨੂੰ ਲੈ ਕੇ ਮੀਟਿੰਗਾਂ ਕਰ ਰਹੇ ਹਨ ਜਿਸ ਵਿੱਚ ਉਹ ਇੱਕ ਫੌਜੀ ਅਫਸਰ ਦੀ ਭੂਮਿਕਾ ਵਿੱਚ ਨਜ਼ਰ ਆ ਸਕਦੇ ਹਨ। ਇਸ ਦੌਰਾਨ, ਇੱਕ ਵੱਡੀ ਖ਼ਬਰ ਹੈ ਕਿ ਸਲਮਾਨ ਖਾਨ ਅਤੇ ਅਦਾਕਾਰਾ ਚਿਤਰਾਂਗਦਾ ਸਿੰਘ ਪਹਿਲੀ ਵਾਰ ਇਕੱਠੇ ਸਕ੍ਰੀਨ ਸਾਂਝੀ ਕਰਨ ਜਾ ਰਹੇ ਹਨ। ਦੋਵਾਂ ਨੂੰ ਨਿਰਦੇਸ਼ਕ ਅਪੂਰਵ ਲੱਖੀਆ ਦੀ ਅਗਲੀ ਐਕਸ਼ਨ-ਡਰਾਮਾ ਫਿਲਮ ਵਿੱਚ ਕਾਸਟ ਕੀਤਾ ਗਿਆ ਹੈ, ਜੋ ਕਿ ਕਥਿਤ ਤੌਰ ‘ਤੇ ਫੌਜੀ ਘਟਨਾਵਾਂ ਤੋਂ ਪ੍ਰੇਰਿਤ ਹੈ।
ਪਹਿਲੀ ਵਾਰ ਸਲਮਾਨ-ਚਿਤਰਾਂਗਦਾ ਦੀ ਜੋੜੀ
ਇੱਕ ਮੀਡੀਆ ਰਿਪੋਰਟ ਮੁਤਾਬਕ, ਚਿਤਰਾਂਗਦਾ ਸਿੰਘ ਨੂੰ ਫਿਲਮ ਵਿੱਚ ਲੀਡ ਐਕਟਰੈੱਸ ਵਜੋਂ ਚੁਣਿਆ ਗਿਆ ਹੈ। ਫਿਲਮ ਦਾ ਨਾਮ ਹੁਣ ਤੱਕ ਤੈਅ ਨਹੀਂ ਹੋਇਆ, ਪਰ ਇਹ ਅਪੂਰਵ ਲਾਖੀਆ ਦਾ ਅਪਕਮਿੰਗ ਪ੍ਰੋਜੈਕਟ ਕਿਹਾ ਜਾ ਰਿਹਾ ਹੈ। ਲਾਖੀਆ ਇਸ ਤੋਂ ਪਹਿਲਾਂ ‘ਸ਼ੂਟਆਊਟ ਐਟ ਲੋਖੰਡਵਾਲਾ’ ਅਤੇ ‘ਹਸੀਨਾ ਪਰਕਾਰ’ ਵਰਗੀਆਂ ਗੰਭੀਰ ਅਤੇ ਰੀਅਲਿਸ੍ਟਿਕ ਫਿਲਮਾਂ ਦਾ ਨਿਰਦੇਸ਼ਨ ਕਰ ਚੁੱਕੇ ਹਨ। ਉਨ੍ਹਾਂ ਦੀ ਅਗਲੀ ਫਿਲਮ ਵੀ ਸੱਚੀ ਘਟਨਾਵਾਂ ‘ਤੇ ਆਧਾਰਿਤ ਦੱਸੀ ਜਾ ਰਹੀ ਹੈ, ਹਾਲਾਂਕਿ ਇਸ ਦੀ ਕਹਾਣੀ ਨਾਲ ਜੁੜੀ ਹੋਰ ਜਾਣਕਾਰੀ ਇਸ ਵੇਲੇ ਗੁਪਤ ਰੱਖੀ ਗਈ ਹੈ।
ਸਲਮਾਨ ਖਾਨ ਅਤੇ ਚਿਤਰਾਂਗਦਾ ਸਿੰਘ ਦੀ ਜੋੜੀ
ਸਲਮਾਨ ਖਾਨ ਪਿਛਲੇ ਇਕ ਦਹਾਕੇ ਵਿੱਚ ‘ਟਾਈਗਰ’ ਫ੍ਰੈਂਚਾਈਜ਼ੀ, ‘ਸੁਲਤਾਨ’ ਅਤੇ ‘ਬਜਰੰਗੀ ਭਾਈਜਾਨ’ ਵਰਗੀਆਂ ਵੱਡੀਆਂ ਹਿੱਟ ਫ਼ਿਲਮਾਂ ਨਾਲ ਦਰਸ਼ਕਾਂ ਦੇ ਦਿਲਾਂ ‘ਤੇ ਰਾਜ ਕਰ ਚੁੱਕੇ ਹਨ। ਹਾਲਾਂਕਿ, ਹਾਲ ਦੀਆਂ ਕੁਝ ਫ਼ਿਲਮਾਂ ਦੇ ਪ੍ਰਦਰਸ਼ਨ ਤੋਂ ਬਾਅਦ ਉਹ ਆਪਣੇ ਕਰੀਅਰ ਵਿੱਚ ਨਵੀਂ ਦਿਸ਼ਾ ਲੱਭ ਰਹੇ ਹਨ।
ਦੂਜੇ ਪਾਸੇ, ਚਿਤਰਾਂਗਦਾ ਸਿੰਘ ਆਪਣੀ ਪ੍ਰਭਾਵਸ਼ਾਲੀ ਸਕ੍ਰੀਨ ਪ੍ਰਜ਼ੈਂਸ ਅਤੇ ਸੰਜ਼ੀਦਾ ਅਦਾਕਾਰੀ ਲਈ ਮਸ਼ਹੂਰ ਹਨ, ਪਰ ਉਨ੍ਹਾਂ ਨੂੰ ਅਜੇ ਤੱਕ ਬਾਲੀਵੁੱਡ ਵਿੱਚ ਵੱਡੇ ਮੌਕੇ ਨਹੀਂ ਮਿਲੇ। ਹਾਲ ਹੀ ਵਿੱਚ ਉਹ ਮਲਟੀਸਟਾਰਰ ਫ਼ਿਲਮ ‘ਹਾਊਸਫੁੱਲ 5’ ਅਤੇ ਨੈਟਫਲਿਕਸ ਦੀ ਵੈੱਬ ਸੀਰੀਜ਼ ‘ਖਾਕੀ: ਦ ਬੰਗਾਲ ਚੈਪਟਰ’ ਵਿੱਚ ਦਿਖਾਈ ਦਿੱਤੀ ਸੀ, ਜਿਸ ਵਿੱਚ ਉਨ੍ਹਾਂ ਨੇ ਇੱਕ ਰਾਜਨੇਤਾ ਦੀ ਭੂਮਿਕਾ ਨਿਭਾਈ ਸੀ।
ਚਿਤਰਾਂਗਦਾ ਲਈ ਵੱਡਾ ਮੌਕਾ
ਜੇ ਇਹ ਖ਼ਬਰ ਸੱਚੀ ਹੈ ਤਾਂ ਅਪੂਰਵ ਲਾਖੀਆ ਦੀ ਇਹ ਫ਼ਿਲਮ ਚਿਤਰਾਂਗਦਾ ਸਿੰਘ ਲਈ ਇੱਕ ਵੱਡਾ ਵਪਾਰਕ ਮੌਕਾ ਸਾਬਤ ਹੋ ਸਕਦੀ ਹੈ, ਕਿਉਂਕਿ ਇਹ ਪਹਿਲੀ ਵਾਰ ਹੋਵੇਗਾ ਜਦੋਂ ਉਹ ਸਲਮਾਨ ਵਰਗੇ ਸੂਪਰਸਟਾਰ ਦੇ ਨਾਲ ਮੁੱਖ ਭੂਮਿਕਾ ਵਿੱਚ ਨਜ਼ਰ ਆਵੇਗੀ । ਇਸ ਸਮੇਂ ਫ਼ਿਲਮ ਦੀ ਸ਼ੂਟਿੰਗ ਦੀ ਤਾਰੀਖ ਅਤੇ ਰਿਲੀਜ਼ ਨਾਲ ਸਬੰਧਤ ਜਾਣਕਾਰੀ ਜਲਦੀ ਹੀ ਘੋਸ਼ਿਤ ਕੀਤੀ ਜਾਣ ਦੀ ਉਮੀਦ ਹੈ।
