Health News : ਕਣਕ ਦੇ ਆਟੇ ਤੋਂ ਬਣੀਆਂ ਰੋਟੀਆਂ ਸਿਹਤ ਲਈ ਬਹੁਤ ਫਾਇਦੇਮੰਦ ਹੁੰਦੀਆਂ ਹਨ। ਰੋਟੀ ਵਿੱਚ ਫਾਈਬਰ, ਪ੍ਰੋਟੀਨ, ਵਿਟਾਮਿਨ ਅਤੇ ਹੋਰ ਕਈ ਪੋਸ਼ਕ ਤੱਤ ਪਾਏ ਜਾਂਦੇ ਹਨ। ਇਸ ਲਈ, ਤੁਹਾਨੂੰ ਆਪਣੀ ਖੁਰਾਕ ਵਿੱਚ ਖਾਸ ਤੌਰ ‘ਤੇ ਰੋਟੀਆਂ ਨੂੰ ਸ਼ਾਮਲ ਕਰਨਾ ਚਾਹੀਦਾ ਹੈ। ਚੌਲਾਂ ਦੇ ਮੁਕਾਬਲੇ ਰੋਟੀ ਬਣਾਉਣ ਵਿਚ ਜ਼ਿਆਦਾ ਸਮਾਂ ਅਤੇ ਮਿਹਨਤ ਲੱਗਦੀ ਹੈ, ਇਸ ਲਈ ਬਹੁਤ ਸਾਰੇ ਲੋਕ ਇਸ ਨੂੰ ਬਣਾਉਣ ਤੋਂ ਬਚਦੇ ਹਨ, ਪਰ ਜੇਕਰ ਤੁਸੀਂ ਸਰੀਰ ਦੀ ਤਾਕਤ ਵਧਾਉਣਾ ਚਾਹੁੰਦੇ ਹੋ ਤਾਂ ਰੋਟੀ ਖਾਣਾ ਬਹੁਤ ਜ਼ਰੂਰੀ ਹੈ।
ਤੁਸੀਂ ਰੋਟੀ ਦੇ ਫਾਇਦਿਆਂ ਬਾਰੇ ਤਾਂ ਜਾਣ ਲਿਆ ਹੈ, ਪਰ ਇਹ ਯਕੀਨੀ ਬਣਾਉਣ ਲਈ ਕਿ ਇਸ ਵਿਚ ਮੌਜੂਦ ਪੌਸ਼ਟਿਕ ਤੱਤਾਂ ਦਾ ਸਰੀਰ ਨੂੰ ਵੱਧ ਤੋਂ ਵੱਧ ਲਾਭ ਮਿਲੇ, ਇਸ ਨੂੰ ਸਹੀ ਤਰੀਕੇ ਨਾਲ ਤਿਆਰ ਕਰਨਾ ਬਹੁਤ ਜ਼ਰੂਰੀ ਹੈ। ਸਾਡੇ ਵਿੱਚੋਂ ਜ਼ਿਆਦਾਤਰ ਲੋਕ ਇਸ ਗੱਲ ਤੋਂ ਅਣਜਾਣ ਹਨ ਕਿ ਰੋਟੀ ਬਣਾਉਣ ਦਾ ਇੱਕ ਸਹੀ ਤਰੀਕਾ ਹੁੰਦਾ ਹੈ। ਡਾ: ਲਵਲੀਨ ਕੌਰ, ਜੋ ਕਿ ਇੱਕ ਡਾਈਟੀਸ਼ੀਅਨ ਹੈ, ਨੇ ਆਪਣੇ ਸੋਸ਼ਲ ਮੀਡੀਆ ‘ਤੇ ਇੱਕ ਪੋਸਟ ਸ਼ੇਅਰ ਕੀਤੀ ਹੈ ਅਤੇ ਇਸ ਵਿੱਚ ਉਸਨੇ ਦੱਸਿਆ ਹੈ ਕਿ ਆਮ ਤੌਰ ‘ਤੇ ਰੋਟੀ ਬਣਾਉਂਦੇ ਸਮੇਂ ਲੋਕ ਕਿਹੜੀਆਂ ਗਲਤੀਆਂ ਕਰਦੇ ਹਨ, ਜਿਸ ਤੋਂ ਸਾਨੂੰ ਭਵਿੱਖ ਵਿੱਚ ਬਚਣਾ ਚਾਹੀਦਾ ਹੈ। ਤਾਂ ਆਓ ਜਾਣਦੇ ਹਾਂ ਰੋਟੀ ਬਣਾਉਣ ਦਾ ਸਹੀ ਤਰੀਕਾ ਕੀ ਹੈ ।
1. ਪਹਿਲੀ ਗਲਤੀ ਇਹ ਹੈ ਕਿ ਰੋਟੀ ਬਣਾਉਣ ਲਈ ਕਦੇ ਵੀ ਮਲਟੀ-ਗ੍ਰੇਨ ਆਟੇ ਦੀ ਵਰਤੋਂ ਨਾ ਕਰੋ। ਇੱਕ ਸਮੇਂ ਵਿੱਚ ਇੱਕ ਅਨਾਜ ਦੀ ਵਰਤੋਂ ਕਰੋ। ਭਾਵ ਜੋ ਵੀ ਰੋਟੀ ਤੁਸੀਂ ਰਾਗੀ, ਜੌਂ ਜਾਂ ਜਵਾਰ ਬਣਾਉਣਾ ਚਾਹੁੰਦੇ ਹੋ, ਉਸ ਵਿੱਚ ਕੋਈ ਹੋਰ ਆਟਾ ਨਾ ਮਿਲਾਓ।
2. ਰੋਟੀ ਬਣਾਉਣ ਲਈ ਨਾਨ-ਸਟਿਕ ਪੈਨ ਦੀ ਵਰਤੋਂ ਨਾ ਕਰੋ, ਸਗੋਂ ਇਸ ਨੂੰ ਲੋਹੇ ਦੇ ਤਵੇ ‘ਤੇ ਹੀ ਬਣਾਓ।
3. ਰੋਟੀ ਬਣਾਉਣ ਲਈ, ਘੱਟ ਤੋਂ ਘੱਟ 10-15 ਮਿੰਟਾਂ ਲਈ ਆਟੇ ਨੂੰ ਹਲਕਾ ਜਿਹਾ ਗੁਨ੍ਹੋ। ਇਸ ਦੇ ਦੋ ਫਾਇਦੇ ਹਨ, ਇੱਕ ਇਹ ਕਿ ਇਸ ਨੂੰ ਥੋੜਾ ਟਾਇਮ ਗੁੰਨ ਕੇ ਰੱਖਣ ਨਾਲ ਇਸ ਵਿੱਚ ਚੰਗੇ ਬੈਕਟੀਰੀਆ ਪੈਦਾ ਹੋ ਜ਼ਾਂਦੇ ਹਨ ਅਤੇ ਦੂਜਾ ਇਹ ਕਿ ਇਸ ਆਟੇ ਨਾਲ ਰੋਟੀ ਨਰਮ ਬਣਦੀ ਹੈ।
4. ਰੋਟੀ ਨੂੰ ਪੈਕ ਕਰਨ ਲਈ ਐਲੂਮੀਨੀਅਮ ਫੋਇਲ ਦੀ ਬਜਾਏ ਕੱਪੜੇ ਦੀ ਵਰਤੋਂ ਕਰੋ। ਇਸ ਨਾਲ ਰੋਟੀ ਨਰਮ ਰਹੇਗੀ ਅਤੇ ਇਸ ਦੇ ਪੋਸ਼ਕ ਤੱਤ ਵੀ ਬਰਕਰਾਰ ਰਹਿਣਗੇ।
