ਝਾਰਖੰਡ : ਝਾਰਖੰਡ ਸਰਕਾਰ ਨੇ ਸ਼ਰਾਬ ਦੀ ਕੀਮਤ ਘਟਾਉਣ ਦਾ ਫ਼ੈਸਲਾ ਕੀਤਾ ਹੈ। ਰਾਜ ਆਬਕਾਰੀ ਵਿਭਾਗ ਨੇ ਸ਼ਰਾਬ ‘ਤੇ ਲਾਗੂ ਵੈਟ ਨੂੰ 75٪ ਤੋਂ ਘਟਾ ਕੇ 5٪ ਕਰਨ ਦੀ ਯੋਜਨਾ ਬਣਾਈ ਹੈ। ਇਹ ਤਬਦੀਲੀ ਜਲਦੀ ਹੀ ਮੰਤਰੀ ਮੰਡਲ ਦੀ ਮਨਜ਼ੂਰੀ ਤੋਂ ਬਾਅਦ ਲਾਗੂ ਹੋਵੇਗੀ, ਜਿਸ ਨਾਲ ਸ਼ਰਾਬ ਦੀਆਂ ਕੀਮਤਾਂ ਵਿੱਚ ਭਾਰੀ ਕਮੀ ਆਵੇਗੀ।
ਇਨ੍ਹਾਂ ਸੂਬਿਆਂ ਦੇ ਮੱਦੇਨਜ਼ਰ ਲਿਆ ਗਿਆ ਹੈ ਇਹ ਫ਼ੈੈਸਲਾ –
ਇਹ ਫ਼ੈਸਲਾ ਮੁੱਖ ਤੌਰ ‘ਤੇ ਛੱਤੀਸਗੜ੍ਹ ਅਤੇ ਪੱਛਮੀ ਬੰਗਾਲ ਵਰਗੇ ਗੁਆਂਢੀ ਰਾਜਾਂ ਦੀਆਂ ਘੱਟ ਵੈਟ ਦਰਾਂ ਦੇ ਮੱਦੇਨਜ਼ਰ ਲਿਆ ਗਿਆ ਹੈ, ਜਿੱਥੇ ਝਾਰਖੰਡ ਦੇ ਲੋਕ ਸਸਤੀ ਸ਼ਰਾਬ ਕਾਰਨ ਉੱਥੋਂ ਖਰੀਦਦੇ ਹਨ, ਜਿਸ ਨਾਲ ਰਾਜ ਨੂੰ ਮਾਲੀਏ ਦਾ ਨੁਕਸਾਨ ਹੁੰਦਾ ਹੈ। ਸਰਕਾਰ ਨੂੰ ਉਮੀਦ ਹੈ ਕਿ ਇਸ ਫ਼ੈਸਲੇ ਨਾਲ ਸ਼ਰਾਬ ਦੀ ਵਿਕਰੀ ਵਧੇਗੀ ਅਤੇ ਝਾਰਖੰਡ ਨੂੰ ਸਾਲਾਨਾ 4500 ਕਰੋੜ ਰੁਪਏ ਤੱਕ ਦਾ ਮਾਲੀਆ ਹੋਣ ਦਾ ਅਨੁਮਾਨ ਹੈ। ਪਿਛਲੇ ਸਾਲ ਸੂਬੇ ਨੂੰ ਸ਼ਰਾਬ ਤੋਂ 2700 ਕਰੋੜ ਰੁਪਏ ਦਾ ਮਾਲੀਆ ਮਿ ਲਿਆ ਸੀ।
ਇਸ ਬਦਲਾਅ ਤੋਂ ਬਾਅਦ 5000 ਰੁਪਏ ਦੀ ਸ਼ਰਾਬ ਦੀ ਬੋਤਲ ਦੀ ਕੀਮਤ ਘਟਾ ਕੇ 3200 ਰੁਪਏ ਕੀਤੀ ਜਾ ਸਕਦੀ ਹੈ। ਸਰਕਾਰ ਨੂੰ ਉਮੀਦ ਹੈ ਕਿ ਇਸ ਨਾਲ ਸ਼ਰਾਬ ਦੀ ਖਰੀਦ ਵਧੇਗੀ ਅਤੇ ਸੂਬੇ ਦਾ ਮਾਲੀਆ ਵੀ ਵਧੇਗਾ। ਇਹ ਪ੍ਰਸਤਾਵ ਜਲਦੀ ਹੀ ਮੰਤਰੀ ਮੰਡਲ ਵਿੱਚ ਪੇਸ਼ ਕੀਤਾ ਜਾਵੇਗਾ ਅਤੇ ਪ੍ਰਵਾਨਗੀ ਤੋਂ ਬਾਅਦ ਲਾਗੂ ਕੀਤਾ ਜਾਵੇਗਾ।
