ਵ੍ਹਾਈਟ ਰੌਕ (ਬੀ.ਸੀ.) – ਕੈਨੇਡਾ ਡੇ ਮੌਕੇ ਵ੍ਹਾਈਟ ਰੌਕ ਵਾਸੀਆਂ ਲਈ ਇੱਕ ਵੱਡੀ ਖੁਸ਼ਖਬਰੀ ਸਾਹਮਣੇ ਆਈ ਹੈ। ਫੈਡਰਲ ਸਰਕਾਰ ਨੇ ਵ੍ਹਾਈਟ ਰੌਕ ਦੇ ਇਤਿਹਾਸਕ ਪੀਅਰ (Pier) ਦੇ ਪੁਨਰ ਨਿਰਮਾਣ ਦੇ ਦੂਜੇ ਪੜਾਅ ਲਈ 25.9 ਮਿਲੀਅਨ ਡਾਲਰ ਤੋਂ ਵੱਧ ਦੀ ਫੰਡਿੰਗ ਦਾ ਐਲਾਨ ਕੀਤਾ ਹੈ। ਇਹ ਰਕਮ ਪੀਅਰ ਨੂੰ ਹੋਰ ਸੁਰੱਖਿਅਤ, ਮਜ਼ਬੂਤ ਅਤੇ ਭਵਿੱਖ ਦੀਆਂ ਲੋੜਾਂ ਅਨੁਸਾਰ ਤਿਆਰ ਕਰਨ ਲਈ ਵਰਤੀ ਜਾਵੇਗੀ।
ਇਸ ਐਲਾਨ ਦੀ ਜਾਣਕਾਰੀ ਸਾਊਥ ਸਰੀ–ਵ੍ਹਾਈਟ ਰੌਕ ਤੋਂ ਸੰਸਦ ਮੈਂਬਰ ਅਰਨੀ ਕਲਾਸਨ ਨੇ ਵ੍ਹਾਈਟ ਰੌਕ ਦੀ ਮੇਅਰ ਮੇਗਨ ਨਾਈਟ ਦੀ ਮੌਜੂਦਗੀ ਵਿੱਚ ਦਿੱਤੀ। ਇਹ ਵ੍ਹਾਈਟ ਰੌਕ ਦੇ ਇਤਿਹਾਸ ਵਿੱਚ ਫੈਡਰਲ ਸਰਕਾਰ ਵੱਲੋਂ ਮਿਲਣ ਵਾਲੀਆਂ ਸਭ ਤੋਂ ਵੱਡੀਆਂ ਗ੍ਰਾਂਟਾਂ ਵਿੱਚੋਂ ਇੱਕ ਮੰਨੀ ਜਾ ਰਹੀ ਹੈ।
ਵ੍ਹਾਈਟ ਰੌਕ ਪੀਅਰ ਨੂੰ 2018 ਦੇ ਤੂਫ਼ਾਨ ਦੌਰਾਨ ਭਾਰੀ ਨੁਕਸਾਨ ਪਹੁੰਚਿਆ ਸੀ, ਜਦੋਂ ਇਸ ਦਾ ਇੱਕ ਵੱਡਾ ਹਿੱਸਾ ਤਬਾਹ ਹੋ ਗਿਆ ਸੀ। ਭਾਵੇਂ ਬਾਅਦ ਵਿੱਚ ਪੀਅਰ ਨੂੰ ਮੁੜ ਖੋਲ੍ਹ ਦਿੱਤਾ ਗਿਆ ਸੀ, ਪਰ ਬਾਕੀ ਢਾਂਚਾ ਆਪਣੀ ਉਮਰ ਪੂਰੀ ਕਰਨ ਦੇ ਨੇੜੇ ਹੈ। ਨਵੇਂ ਪ੍ਰੋਜੈਕਟ ਤਹਿਤ ਪੁਰਾਣੇ ਲੱਕੜੀ ਦੇ ਢਾਂਚੇ ਦੀ ਥਾਂ ਵਧੇਰੇ ਟਿਕਾਊ ਅਤੇ ਭੂਚਾਲ-ਰੋਧੀ ਢਾਂਚਾ ਬਣਾਇਆ ਜਾਵੇਗਾ।
ਪ੍ਰੋਜੈਕਟ ਵਿੱਚ ਹਰ ਉਮਰ ਅਤੇ ਸਮਰੱਥਾ ਵਾਲੇ ਲੋਕਾਂ ਲਈ ਬਿਹਤਰ ਪਹੁੰਚ, ਐਮਰਜੈਂਸੀ ਵਾਹਨਾਂ ਲਈ ਵਧੇਰੇ ਜਗ੍ਹਾ,
ਮੇਅਰ ਮੇਗਨ ਨਾਈਟ ਨੇ ਇਸ ਐਲਾਨ ਨੂੰ ਵ੍ਹਾਈਟ ਰੌਕ ਲਈ ਇਤਿਹਾਸਕ ਦੱਸਦਿਆਂ ਕਿਹਾ ਕਿ ਇਹ ਨਿਵੇਸ਼ ਸ਼ਹਿਰ ਦੀ ਸਭ ਤੋਂ ਪਿਆਰੀ ਨਿਸ਼ਾਨੀ ਨੂੰ ਆਉਣ ਵਾਲੀਆਂ ਪੀੜ੍ਹੀਆਂ ਲਈ ਸੁਰੱਖਿਅਤ ਰੱਖਣ ਵਿੱਚ ਮਦਦ ਕਰੇਗਾ। ਉਨ੍ਹਾਂ ਨੇ ਕਿਹਾ ਕਿ ਪੀਅਰ ਸਿਰਫ਼ ਇੱਕ ਸੈਰ-ਸਪਾਟਾ ਸਥਾਨ ਨਹੀਂ, ਸਗੋਂ ਸਥਾਨਕ ਲੋਕਾਂ ਦੀ ਪਛਾਣ ਅਤੇ ਵਿਰਾਸਤ ਦਾ ਮਹੱਤਵਪੂਰਨ ਹਿੱਸਾ ਹੈ।
