ਮੁੰਬਈ : ਦਿੱਗਜ ਅਭਿਨੇਤਾ ਮਨੋਜ ਵਾਜਪਾਈ (Manoj Vajpayee) ਅਤੇ ਮਸ਼ਹੂਰ ਅਭਿਨੇਤਰੀ ਕੋਂਕਣਾ ਸੇਨ ਸ਼ਰਮਾ (Konkana Sen Sharma) ਦੀ ਆਉਣ ਵਾਲੀ ਸਟ੍ਰੀਮਿੰਗ ਸੀਰੀਜ਼ ‘ਕਿਲਰ ਸੂਪ’ ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਇਹ ਸ਼ਕਤੀਸ਼ਾਲੀ ਟ੍ਰੇਲਰ ਇੱਕ ਅਭਿਲਾਸ਼ੀ ਸ਼ੈੱਫ ਸਵਾਤੀ ਸ਼ੈੱਟੀ ਦੀ ਕਹਾਣੀ ਦੱਸਦਾ ਹੈ, ਜੋ ਚਾਹੁੰਦੀ ਹੈ ਕਿ ਦੁਨੀਆ ਉਨ੍ਹਾਂ ਦੇ ‘ਪਾਇਆ ਸੂਪ’ ਦਾ ਆਨੰਦ ਮਾਣੇ। ਇਸ ‘ਚ ਸਸਪੈਂਸ ਦੇ ਨਾਲ-ਨਾਲ ਡਾਰਕ ਕਾਮੇਡੀ ਦੀ ਝਲਕ ਵੀ ਹੈ ।
‘ਕਿਲਰ ਸੂਪ’ ਵਿੱਚ ਮਨੋਜ ਬਾਜਪਾਈ ਦੋਹਰੀ ਭੂਮਿਕਾਵਾਂ ਵਿੱਚ ਹਨ, ਜਿਸ ਵਿੱਚ ਕੋਂਕਣਾ ਸੇਨ ਸ਼ਰਮਾ, ਨਾਸਿਰ, ਸਯਾਜੀ ਸ਼ਿੰਦੇ, ਲਾਲ, ਅੰਬੂਥਾਸਨ, ਅਨੁਲਾ ਨਾਵਲੇਕਰ ਅਤੇ ਕਾਨੀ ਕੁਸਰੂਤੀ ਹਨ। ਟ੍ਰੇਲਰ ਦੀ ਸ਼ੁਰੂਆਤ ਮਨੋਜ ਬਾਜਪਾਈ ਦੇ ਕਿਰਦਾਰ ਦੇ ਜ਼ਖਮੀ ਹੋਣ ਅਤੇ ਗੀਤ ‘ਤੂ ਹੀ ਰੇ’ ਨਾਲ ਹੁੰਦੀ ਹੈ। ਸੀਰੀਜ਼ ਦਾ ਪੂਰਾ ਟ੍ਰੇਲਰ ਰਹੱਸਾਂ ਨਾਲ ਭਰਿਆ ਹੋਇਆ ਹੈ। ਕੋਂਕਣਾ ਦੁਆਰਾ ਨਿਭਾਈ ਗਈ ਸਵਾਤੀ,ਹੱਤਿਆ ਕਰਨ ਅਤੇ ਅਪਣੇ ਪਤੀ ਦੀ ਜਗ੍ਹਾਂ ਉਨ੍ਹਾਂ ਦੇ ਪ੍ਰੇਮੀ ਨੂੰ ਲੈਣ ਦੀ ਯੋਜਨਾ ਬਣਾਉਂਦੀ ਹੈ । ਇਸ ਤੋਂ ਬਾਅਦ ਕਾਮੇਡੀ, ਥ੍ਰਿਲਰ ਅਤੇ ਹਾਈ-ਵੋਲਟੇਜ ਡਰਾਮਾ ਦਾ ਕਾਕਟੇਲ ਹੈ।
ਇਸ ਸੀਰੀਜ਼ ਬਾਰੇ ਗੱਲ ਕਰਦੇ ਹੋਏ ਮਨੋਜ ਵਾਜਪਾਈ ਨੇ ਕਿਹਾ, ‘ਮੈਂ ਆਪਣੇ ਕਰੀਅਰ ‘ਚ ਪਹਿਲੀ ਵਾਰ ਦੋਹਰੀ ਭੂਮਿਕਾ ਨਿਭਾਵਾਂਗਾ, ਦੋਵੇਂ ਇਕ ਦੂਜੇ ਤੋਂ ਬਿਲਕੁਲ ਵੱਖਰੇ ਹਨ। ਮੈਂ ਅਭਿਸ਼ੇਕ ਚੌਬੇ ਦੀ ਨਿਰਦੇਸ਼ਨ ਯੋਗਤਾ ਅਤੇ ਇੱਕ ਸ਼ਾਨਦਾਰ ਕਾਸਟ ‘ਤੇ ਭਰੋਸਾ ਕੀਤਾ ਜਿੰਨ੍ਹਾਂ ਨੇ ਕਿਸੇ ਵੀ ਹੋਰ ਫਿਲਮ ਦੇ ਉਲਟ ਕਿਰਦਾਰਾਂ ਵਿੱਚ ਜੀਵਨ ਲਿਆਂਦਾ। ‘ਕਿਲਰ ਸੂਪ’ ਇੱਕ ਕ੍ਰਾਈਮ ਥ੍ਰਿਲਰ ਹੈ।
ਕੋਂਕਣਾ ਸੇਨ ਸ਼ਰਮਾ ਨੇ ਕਿਹਾ, ‘ਸਵਾਤੀ ਸ਼ੈੱਟੀ ਦੇ ਕਿਰਦਾਰ ਵਿੱਚ ਕਦਮ ਰੱਖਣਾ ਮੇਰੇ ਲਈ ਇੱਕ ਵਿਲੱਖਣ ਅਨੁਭਵ ਸੀ ਕਿਉਂਕਿ ਇਸ ਕਿਰਦਾਰ ਵਿੱਚ ਡੂੰਘਾਈ, ਹਨੇਰਾ ਅਤੇ ਬਹੁਤ ਸਾਰੇ ਪੰਚ ਹਨ। ਅਭਿਸ਼ੇਕ ਚੌਬੇ ਅਤੇ ਪ੍ਰਤਿਭਾਸ਼ਾਲੀ ਕਲਾਕਾਰਾਂ ਦੇ ਸਮੂਹ ਨਾਲ ਲੜੀ ‘ਤੇ ਕੰਮ ਕਰਨਾ ਬਹੁਤ ਖੁਸ਼ੀ ਦੀ ਗੱਲ ਸੀ। ਟ੍ਰੇਲਰ ਉਸ ਅਜੀਬ ਦੁਨੀਆ ਦੀ ਝਲਕ ਪੇਸ਼ ਕਰਦਾ ਹੈ।’ ਚੇਤਨਾ ਕੌਸ਼ਿਕ ਅਤੇ ਹਨੀ ਤ੍ਰੇਹਨ ਦੁਆਰਾ ਡਾਇਰੈਕਟ, ‘ਕਿਲਰ ਸੂਪ’ 11 ਜਨਵਰੀ, 2024 ਨੂੰ ਨੈੱਟਫਲਿਕਸ ‘ਤੇ ਰਿਲੀਜ਼ ਹੋਵੇਗੀ।
