ਜਲੰਧਰ : ਚੋਰੀ ਦੀਆਂ ਵਾਰਦਾਤਾਂ ਨੂੰ ਅੰਜਾਮ ਦੇਣ ਵਾਲੇ ਗਿਰੋਹ ਦਾ ਪਰਦਾਫਾਸ਼ ਕਰਦੇ ਹੋਏ ਥਾਣਾ ਫਤਿਹਪੁਰ ਦੀ ਪੁਲਿਸ ਨੇ ਚੋਰੀ ਕਰਨ ਵਾਲੇ ਗਿਰੋਹ ਦੇ 3 ਮੈਂਬਰਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਨ੍ਹਾਂ ਦੇ ਕਬਜ਼ੇ ‘ਚੋਂ ਲੈਂਟਰ ਪਾਉਣ ਵਾਲੀਆਂ 8 ਲੋਹੇ ਦੀਆਂ ਪਲੇਟਾਂ ਅਤੇ ਇਕ ਆਲਟੋ ਕਾਰ ਤੋਂ ਇਲਾਵਾ ਹੋਰ ਚੋਰੀ ਦਾ ਸਾਮਾਨ ਬਰਾਮਦ ਹੋਇਆ ਹੈ ।
ਉਪਰੋਕਤ ਜਾਣਕਾਰੀ ਦਿੰਦਿਆਂ ਥਾਣਾ ਸਦਰ ਦੇ ਐਸ.ਐਚ.ਓ. ਭਰਤ ਮਸੀਹ (SHO Bharat Mashih) ਨੇ ਦੱਸਿਆ ਕਿ ਫਤਿਹਪੁਰ (ਪ੍ਰਤਾਪਪੁਰਾ) ਪੁਲਿਸ ਚੌਕੀ ਇੰਚਾਰਜ ਵਿਕਟਰ ਮਸੀਹ ਦੀ ਅਗਵਾਈ ਹੇਠ ਏ.ਐੱਸ.ਆਈ. ਵਿਪਨ ਕੁਮਾਰ ਵੱਲੋਂ ਫੜੇ ਗਏ ਮੁਲਜ਼ਮਾਂ ਦੀ ਪਛਾਣ ਪਰਮੀਤ ਸਿੰਘ ਉਰਫ਼ ਰੇਕਮ ਪੁੱਤਰ ਹਰਪ੍ਰੀਤ ਸਿੰਘ, ਸੁਧਾਂਸ਼ੂ ਪੁੱਤਰ ਰਾਕੇਸ਼ ਸੋਬਤੀ ਅਤੇ ਗਗਨ ਮਿੱਤਲ ਗੋਗੀ ਪੁੱਤਰ ਨਰੇਸ਼ ਮਿੱਤਲ ਵਾਸੀ 28-ਏ ਮੁਹੱਲਾ ਸ਼ੰਕਰ ਗਾਰਡਨ ਨੇੜੇ ਮਾਡਲ ਟਾਊਨ, ਥਾਣਾ ਨੰਬਰ 6 ਜਲੰਧਰ ਵਜੋਂ ਹੋਈ ਹੈ। .
ਉਨ੍ਹਾਂ ਦੇ ਖ਼ਿਲਾਫ਼ 114 ਮੁਹੱਲਾ ਨਿਊ ਗਣੇਸ਼ ਨਗਰ ਰਾਮਾ ਮੰਡੀ ਜਲੰਧਰ ਦੇ ਬਿਆਨਾਂ ‘ਤੇ ਜਸਵਿੰਦਰ ਸਿੰਘ ਪੁੱਤਰ ਜਸਵੰਤ ਸਿੰਘ ਵਾਸੀ ਥਾਣਾ ਸਦਰ ਜਮਸ਼ੇਰ ‘ਚ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਇੰਸਪੈਕਟਰ ਭਰਤ ਮਸੀਹ ਨੇ ਦੱਸਿਆ ਕਿ ਮੁਲਜ਼ਮਾਂ ਨੂੰ ਮਾਣਯੋਗ ਅਦਾਲਤ ਵਿੱਚ ਪੇਸ਼ ਕਰਕੇ ਇੱਕ ਦਿਨ ਦਾ ਪੁਲਿਸ ਰਿਮਾਂਡ ਹਾਸਲ ਕੀਤਾ ਗਿਆ ਹੈ ਤਾਂ ਜੋ ਇਨ੍ਹਾਂ ਕੋਲੋਂ ਚੋਰੀ ਦੀਆਂ ਹੋਰ ਵਾਰਦਾਤਾਂ ਸਬੰਧੀ ਪੁੱਛਗਿੱਛ ਕੀਤੀ ਜਾ ਸਕੇ। ਇਸ ਗਿਰੋਹ ਦੇ ਫੜੇ ਜਾਣ ਨਾਲ ਇਲਾਕੇ ਦੇ ਲੋਕਾਂ ਨੂੰ ਰਾਹਤ ਮਿਲੀ ਹੈ।
