ਸੋਨੇ ਦੀਆਂ ਵਧੀਆਂ ਕੀਮਤਾਂ , ਚਾਂਦੀ ‘ਚ ਗਿਰਾਵਟ

ਜਲੰਧਰ: ਕਰਵਾ ਚੌਥ ਦੇ ਮੌਕੇ ‘ਤੇ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਤਬਦੀਲੀ ਦੇਖਣ ਨੂੰ ਮਿਲੀ ਹੈ। ਜਲੰਧਰ ਬੁਲੀਅਨ ਐਸੋਸੀਏਸ਼ਨ (ਸਰਾਫਾ ਐਸੋਸੀਏਸ਼ਨ) ਦੇ ਅਨੁਸਾਰ, ਅੱਜ 24-ਕੈਰੇਟ ਅਤੇ 22-ਕੈਰੇਟ ਸੋਨੇ ਦੀਆਂ ਕੀਮਤਾਂ ਵਿੱਚ ਵਾਧਾ ਦਰਜ ਕੀਤਾ ਗਿਆ, ਜਦਕਿ ਚਾਂਦੀ ਦੀ ਕੀਮਤ ਵਿੱਚ ਗਿਰਾਵਟ ਆਈ ਹੈ।

ਐਸੋਸੀਏਸ਼ਨ ਮੁਤਾਬਕ, 24-ਕੈਰੇਟ ਸੋਨੇ ਦੀ ਕੀਮਤ ਬੀਤੇ ਦਿਨ ਦੇ 1,46,350 ਰੁਪਏ ਤੋਂ ਵੱਧ ਕੇ ਅੱਜ 1,46,500 ਰੁਪਏ ਹੋ ਗਈ। ਇਸੇ ਤਰ੍ਹਾਂ, 22-ਕੈਰੇਟ ਸੋਨੇ ਦੀ ਕੀਮਤ ਬੀਤੇ ਦਿਨ ਦੇ 1,36,110 ਰੁਪਏ ਤੋਂ ਵੱਧ ਕੇ 1,36,250 ਰੁਪਏ ਹੋ ਗਈ। ਦੂਜੇ ਪਾਸੇ, ਚਾਂਦੀ ਦੀ ਕੀਮਤ ਵਿੱਚ ਗਿਰਾਵਟ ਦਰਜ ਕੀਤੀ ਗਈ। ਇਹ ਬੀਤੇ ਦਿਨ ਦੇ 2,01,000 ਰੁਪਏ ਤੋਂ ਘੱਟ ਕੇ ਅੱਜ 1,97,300 ਰੁਪਏ ਰਹਿ ਗਈ। ਕਰਵਾ ਚੌਥ ਦੇ ਮੌਕੇ ‘ਤੇ ਸੋਨੇ ਦੀਆਂ ਕੀਮਤਾਂ ਵਿੱਚ ਵਾਧੇ ਅਤੇ ਚਾਂਦੀ ਦੇ ਭਾਅ ਵਿੱਚ ਗਿਰਾਵਟ ਕਾਰਨ, ਖਰੀਦਦਾਰ ਬਾਜ਼ਾਰ ਦੀਆਂ ਤਾਜ਼ਾ ਕੀਮਤਾਂ ‘ਤੇ ਨੇੜਿਓਂ ਨਜ਼ਰ ਰੱਖ ਰਹੇ ਹਨ।