ਕੈਨੇਡਾ : ਕੈਨੇਡਾ ਦਾ ਇਮੀਗ੍ਰੇਸ਼ਨ ਸੁਰੱਖਿਆ ਕਾਨੂੰਨ ਤਹਿਤ ਹਰ ਉਹ ਵਿਅਕਤੀ ਅਪਰਾਧ ਕਰਦਾ ਹੈ ਜੋ ਕੈਨੇਡਾ ਵਿੱਚ ਕਿਸੇ ਵਿਦੇਸ਼ੀ ਨਾਗਰਿਕ ਨੂੰ ਅਜਿਹੀ ਸਮਰੱਥਾ ਵਿੱਚ ਨੌਕਰੀ ਦਿੰਦਾ ਹੈ ਜਿਸ ਵਿੱਚ ਵਿਦੇਸ਼ੀ ਨਾਗਰਿਕ ਇਸ ਐਕਟ ਦੇ ਤਹਿਤ ਨੌਕਰੀ ‘ਤੇ ਰੱਖਣ ਲਈ ਅਧਿਕਾਰਤ ਨਹੀਂ ਹੈ।
ਅੱਜ ਬਰੈਂਪਟਨ ਵਿੱਚ ਸਥਿਤ ਇੱਕ ਮਿਲਣੀ ਵਿੱਚ ਨਾਮਵਰ ਪੱਤਰਕਾਰ ਸਤਪਾਲ ਸਿੰਘ ਜੌਹਲ ਨੇ ਦੱਸਿਆ ਕਿ ਓਨਟਾਰੀਓ ਵਿੱਚ, ਅਣਅਧਿਕਾਰਤ ਵਿਦੇਸ਼ੀ ਕਾਮਿਆਂ ਨੂੰ ਨੌਕਰੀ ‘ਤੇ ਰੱਖਣ ਵਾਲੇ ਮਾਲਕਾਂ ਨੂੰ ਗੰਭੀਰ ਜੁਰਮਾਨੇ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ, ਜਿਸ ਵਿੱਚ ਪ੍ਰਤੀ ਉਲੰਘਣਾ $25000 ਤੋਂ $400000/ਪ੍ਰਤੀ ਉਲੰਘਣਾ ਤੱਕ ਦੇ ਜੁਰਮਾਨੇ ਹੋ ਸਕਦੇ ਹਨ, ਜੁਰਮਾਨੇ ਜੋ ਕਿ ਉਲੰਘਣਾ ਦੀ ਗੰਭੀਰਤਾ ਅਤੇ ਗਿਣਤੀ ਦੇ ਅਧਾਰ ਤੇ ਹੁੰਦਾ ਹਨ। ਯਾਦ ਰਹੇ ਬੀਤੇ ਦਿਨੀ ਓਨਟਾਰੀਓ ਵਿੱਚ ਸੱਤ ਸੋ ਕਰੀਬ ਗੈਰ ਕਾਨੂੰਨੀ ਕਾਮਿਆਂ ਨੂੰ ਉਹਨਾ ਦੇ ਦੇਸ਼ਾਂ ਵਿੱਚ ਵਾਪਿਸ ਡਿਪੋਰਟ ਕੀਤਾ ਗਿਆ।
ਇਸ ਬਾਰੇ ਉਘੇ ਪੱਤਰਕਾਰ ਸਤਪਾਲ ਸਿੰਘ ਜੌਹਲ ਨੇ ਦੱਸਿਆ ਕਿ ਬਿਨਾ ਵਰਕ ਪਰਮਿਟ ਤੋਂ ਕੰਮ ਕਰਨ ਅਤੇ ਕੰਮ ਤੇ ਰੱਖਣ ਬਾਰੇ ਕੈਨੇਡਾ ਦੇ ਕਾਨੂੰਨ ਸਖਤ ਤੇ ਸਪੱਸ਼ਟ ਹਨ ਜਿਸ ਬਾਰੇ ਲੋਕਾਂ ਨੂੰ ਜਾਗਰੂਕ ਕਰਨਾ ਸਮੇਂ ਦੀ ਲੋੜ ਹੈ। ਸ. ਜੌਹਲ ਨੇ 2016 ਤੋਂ 2024 ਤੱਕ ਐਲ.ਐਮ.ਆਈ ਨਾਲ ਜੁੜੇ ਅਪਰਾਧਾਂ ਵਿਰੁੱਧ ਲਗਾਤਾਰ ਜਦੋਜਹਿਦ ਕੀਤੀ ਤਾਂ ਸਰਕਾਰੀ ਢਿੱਲਾ ਸਿਸਟਮ ਸੋਧਿਆ ਗਿਆ।
