ਪੰਜਾਬ : ਪੰਜਾਬ ਦੇ ਫਰੀਦਕੋਟ ਤੋਂ ਹੈਰਾਨ ਕਰਨ ਵਾਲੀ ਖ਼ਬਰ ਸਾਹਮਣੇ ਆ ਰਹੀ ਹੈ। ਪਿੰਡ ਝੋਟੀਵਾਲਾ ‘ਚ ਇਕ ਕਿਸਾਨ ਦੇ ਖੇਤਾਂ ‘ਚ ਗਊਆਂ ਦੇ ਦਾਖਲ ਹੋਣ ‘ਤੇ ਖੇਤ ਦੇ ਮਾਲਕ ਨੇ ਗੁੱਸੇ ‘ਚ ਆ ਕੇ ਗਊਆਂ ‘ਤੇ ਗੋਲੀਆਂ ਚਲਾ ਦਿੱਤੀਆਂ।
ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਉਕਤ ਗਾਂ ਗੁੱਜਰ ਦੀ ਸੀ ਅਤੇ ਉਹ ਪਸ਼ੂਆਂ ਨੂੰ ਚਰਾਉਣ ਲਈ ਲੈ ਜਾ ਰਿਹਾ ਸੀ ਪਰ ਜਦੋਂ ਉਸ ਦੀ ਗਾਂ ਉਕਤ ਕਿਸਾਨ ਦੇ ਖੇਤਾਂ ‘ਚ ਦਾਖਲ ਹੋਈ ਤਾਂ ਕਿਸਾਨ ਅਤੇ ਗੁੱਜਰ ‘ਚ ਬਹਿਸ ਹੋ ਗਈ। ਮਾਮਲਾ ਇੰਨਾ ਵਧ ਗਿਆ ਕਿ ਕਿਸਾਨ ਨੇ ਗੁੱਸੇ ‘ਚ ਆ ਕੇ ਗੋਲੀਆਂ ਚਲਾ ਦਿੱਤੀਆਂ। ਇਸ ਘਟਨਾ ਵਿੱਚ ਇੱਕ ਗਾਂ ਦੀ ਮੌਤ ਹੋ ਗਈ। ਦੂਜੇ ਪਾਸੇ ਗੁੱਜਰ ਦਾ ਕਹਿਣਾ ਹੈ ਕਿ ਕਿਸਾਨ ਨੇ ਮੇਰੇ ‘ਤੇ ਗੋਲੀ ਚਲਾਈ ਸੀ, ਪਰ ਉਹ ਬੈਠ ਗਿਆ, ਜੋ ਗਾਂ ਨੂੰ ਲੱਗੀ ਅਤੇ ਉਸ ਦੀ ਮੌਤ ਹੋ ਗਈ। ਇਸ ਘਟਨਾ ਤੋਂ ਬਾਅਦ ਇਲਾਕੇ ‘ਚ ਦਹਿਸ਼ਤ ਦਾ ਮਾਹੌਲ ਹੈ।
