ਗੈਜੇਟ ਡੈਸਕ : ਜੀਮੇਲ ਦੀ ਵਰਤੋਂ ਜ਼ਿਆਦਾਤਰ ਯੂਜ਼ਰਸ ਦੁਆਰਾ ਕੀਤੀ ਜਾਂਦੀ ਹੈ। ਇਹ ਕਾਰਪੋਰੇਟ ਅਤੇ ਦਫ਼ਤਰੀ ਕੰਮ ਲਈ ਵੱਡੀ ਗਿਣਤੀ ਵਿੱਚ ਵਰਤਿਆ ਜਾਂਦਾ ਹੈ। ਧੋਖਾਧੜੀ ਨੂੰ ਰੋਕਣ ਲਈ ਜੀਮੇਲ ਆਪਣੇ ਯੂਜ਼ਰਸ ਲਈ ਇਕ ਨਵਾਂ ਫੀਚਰ ਲਿਆਉਣ ਜਾ ਰਿਹਾ ਹੈ। ਇਸ ਫੀਚਰ ਨੂੰ ਦੱਸ ਦੇਈਏ ਕਿ ਜੇਕਰ ਕੋਈ ਜੀਮੇਲ ਪਾਸਵਰਡ ਭੁੱਲ ਗਿਆ ਹੈ ਤਾਂ ਇਸ ਨੂੰ ਰੀਸੈੱਟ ਕਰਨ ਲਈ ਐੱਸ.ਐੱਮ.ਐੱਸ ‘ਤੇ ਓ.ਟੀ.ਪੀ ਨਹੀਂ ਮਿਲੇਗਾ ਪਰ ਇਸ ਲਈ ਕਿਊਆਰ ਕੋਡ ਦੀ ਵਰਤੋਂ ਕਰਨੀ ਹੋਵੇਗੀ। ਗੂਗਲ ਲੰਬੇ ਸਮੇਂ ਤੋਂ ਜੀਮੇਲ ਨੂੰ ਦੋ-ਕਾਰਕ ਪ੍ਰਮਾਣਿਕਤਾ ਕੋਡ ਪ੍ਰਾਪਤ ਕਰਨ ਲਈ ਐਸ.ਐਮ.ਐਸ ਦਾ ਵਿਕਲਪ ਪੇਸ਼ ਕਰ ਰਿਹਾ ਹੈ।
ਕੁਝ ਮੀਡੀਆ ਰਿਪੋਰਟਾਂ ਦੇ ਦਾਅਵਿਆਂ ਅਨੁਸਾਰ, ਅਪਰਾਧੀ ਐਸ.ਐਮ.ਐਸ ਵੈਰੀਫਿਕੇਸ਼ਨ ਰਾਹੀਂ ਆਸਾਨੀ ਨਾਲ ਜੀਮੇਲ ਅਕਾਊਂਟ ਹੈਕ ਕਰਨ ਵਿੱਚ ਸਫਲ ਰਹੇ। ਜੀਮੇਲ ਨੂੰ ਲੰਬੇ ਸਮੇਂ ਤੋਂ ਇਸ ਬਾਰੇ ਸ਼ਿਕਾਇਤਾਂ ਮਿਲ ਰਹੀਆਂ ਹਨ। ਗੂਗਲ ਦੀ ਟੀਮ ਇਸ ਮਾਮਲੇ ਨੂੰ ਲੈ ਕੇ ਅਲਰਟ ਮੋਡ ‘ਤੇ ਆ ਗਈ ਹੈ। ਫੋਰਬਸ ਦੀ ਰਿਪੋਰਟ ਮੁਤਾਬਕ ਅਗਲੇ ਕੁਝ ਮਹੀਨਿਆਂ ‘ਚ ਨਵਾਂ ਕਿਊ.ਆਰ ਕੋਡ ਵੈਰੀਫਿਕੇਸ਼ਨ ਸਿਸਟਮ ਜੀਮੇਲ ਆਪਣੇ ਯੂਜ਼ਰਸ ਲਈ ਲਿਆ ਸਕਦਾ ਹੈ। ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਜੀਮੇਲ ਵੈਰੀਫਿਕੇਸ਼ਨ ਲਈ ਸਮਾਰਟਫੋਨ ਆਧਾਰਿਤ ਐੱਸ.ਐੱਮ.ਐੱਸ ਦੀ ਜ਼ਰੂਰਤ ਖਤਮ ਹੋ ਜਾਵੇਗੀ। ਕਿਊ.ਆਰ ਸਕੈਨਰ ਸੇਵਾ ਜੀਮੇਲ ਨੂੰ ਐਕਸੈਸ ਕਰਨ ਲਈ 6 ਅੰਕਾਂ ਦੇ ਕੋਡ ਦੀ ਥਾਂ ਲਵੇਗੀ।
ਦੱਸ ਦੇਈਏ ਕਿ ਗੂਗਲ ਨੇ ਜੀਮੇਲ ਅਕਾਊਂਟ ਨੂੰ ਹੈਕਿੰਗ ਤੋਂ ਬਚਾਉਣ ਲਈ ਐੱਸ.ਐੱਮ.ਐੱਸ ਆਧਾਰਿਤ ਟੂ-ਫੈਕਟਰ ਪ੍ਰਮਾਣਿਕਤਾ ਪ੍ਰਕਿ ਰਿਆ ਸ਼ੁਰੂ ਕੀਤੀ ਸੀ। ਗੂਗਲ ਦੁਆਰਾ ਵੀ ਇਸ ਦਾ ਜ਼ੋਰਦਾਰ ਪ੍ਰਚਾਰ ਕੀਤਾ ਗਿਆ ਸੀ। ਪਰ ਬਦਲਦੇ ਸਮੇਂ ‘ਤੇ ਇਸ ਦਾ ਜ਼ਿਆਦਾ ਅਸਰ ਨਹੀਂ ਪਿਆ। ਇਸ ਕਾਰਨ ਯੂਜ਼ਰਸ ਲਈ ਜਲਦ ਹੀ ਇਕ ਨਵਾਂ ਫੀਚਰ ਰੋਲਆਊਟ ਕੀਤਾ ਜਾ ਸਕਦਾ ਹੈ।
