ਮੁੰਬਈ : ਬਿੱਗ ਬੌਸ 18 (Bigg Boss 18) ਦਾ ਗ੍ਰੈਂਡ ਪ੍ਰੀਮੀਅਰ 6 ਅਕਤੂਬਰ ਨੂੰ ਹੋਣ ਜਾ ਰਿਹਾ ਹੈ ਅਤੇ ਇਸ ਦੇ ਕੁਝ ਹੀ ਦਿਨ ਬਾਕੀ ਹਨ। ਨਿਰਮਾਤਾਵਾਂ ਨੇ ਸਲਮਾਨ ਖਾਨ ਦੇ ਸ਼ੋਅ ਦਾ ਪ੍ਰੋਮੋ ਜਾਰੀ ਕੀਤਾ ਹੈ, ਸ਼ੋਅ ਦੀ ਪਹਿਲੀ ਪ੍ਰਤੀਯੋਗੀ ਦਾ ਨਾਂ ਸਾਹਮਣੇ ਆਇਆ ਹੈ ਅਤੇ ਉਸ ਦਾ ਨਾਂ ਨਿਆ ਸ਼ਰਮਾ ਹੈ। ਨਿਆ ਤੋਂ ਇਲਾਵਾ ਅਜੇ ਤੱਕ ਕਿਸੇ ਦਾ ਨਾਂ ਸਾਹਮਣੇ ਨਹੀਂ ਆਇਆ ਹੈ। ਇਸ ਦੌਰਾਨ ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ ਦੇ ਅਦਾਕਾਰ ਗੁਰੂਚਰਨ ਸਿੰਘ (Actor Gurcharan Singh) ਨਾਲ ਸੰਪਰਕ ਕੀਤਾ ਗਿਆ ਹੈ।
ਬਿੱਗ ਬੌਸ 18 ‘ਚ ਨਜ਼ਰ ਆਉਣਗੇ ਗੁਰੂਚਰਨ ਸਿੰਘ?
ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ ਫੇਮ ਅਦਾਕਾਰ ਗੁਰਚਰਨ ਸਿੰਘ ਨੂੰ ਬਿੱਗ ਬੌਸ 18 ਲਈ ਅਪ੍ਰੋਚ ਕੀਤਾ ਗਿਆ ਹੈ। ਰਿਪੋਰਟ ਮੁਤਾਬਕ ਉਨ੍ਹਾਂ ਦਾ ਸ਼ੋਅ ‘ਚ ਜਾਣਾ ਲਗਭਗ ਪੱਕਾ ਮੰਨਿਆ ਜਾ ਰਿਹਾ ਹੈ। ਹਾਲਾਂਕਿ ਮੇਕਰਸ ਵਲੋਂ ਇਸ ਦੀ ਕੋਈ ਪੁਸ਼ਟੀ ਨਹੀਂ ਕੀਤੀ ਗਈ ਹੈ। ਅਦਾਕਾਰ ਨੂੰ ਪਹਿਲਾਂ ਬਿੱਗ ਬੌਸ ਓਟੀਟੀ ਅਤੇ ਬਿੱਗ ਬੌਸ 15 ਲਈ ਵੀ ਸੰਪਰਕ ਕੀਤਾ ਗਿਆ ਸੀ।
ਬਿੱਗ ਬੌਸ 18 ‘ਚ ਹਿੱਸਾ ਲੈਣ ਲਈ ਕਿਹੜੇ-ਕਿਹੜੇ ਨਾਵਾਂ ‘ਤੇ ਹੋ ਰਹੀ ਹੈ ਚਰਚਾ?
ਕਿਹਾ ਜਾ ਰਿਹਾ ਹੈ ਕਿ ਸ਼ੋਏਬ ਇਬਰਾਹਿਮ, ਧੀਰਜ ਧੂਪਰ, ਕਰਮ ਰਾਜਪਾਲ, ਨਾਇਰਾ ਬੈਨਰਜੀ, ਕਰਣਵੀਰ ਮਹਿਰਾ, ਸ਼ਿਲਪਾ ਸ਼ਿਰੋਡਕਰ, ਰਿਤਵਿਕ ਧੰਜਾਨੀ, ਦੇਬ ਚੰਦਰੀਮਾ ਸਿੰਘਾ ਰਾਏ, ਸ਼ਹਿਜ਼ਾਦਾ ਧਾਮੀ ਬਿੱਗ ਬੌਸ 18 ਵਿੱਚ ਆ ਸਕਦੇ ਹਨ। ਹਾਲਾਂਕਿ ਅਧਿਕਾਰਤ ਤੌਰ ‘ਤੇ ਕਿਸੇ ਨਾਂ ਦਾ ਐਲਾਨ ਨਹੀਂ ਕੀਤਾ ਗਿਆ ਹੈ। ਸਿਰਫ਼ ਨਿਰਮਾਤਾ ਹੀ ਅੰਤਿਮ ਨਾਂ ਦਾ ਖੁਲਾਸਾ ਕਰਨਗੇ।
