ਨਵੀਂ ਦਿੱਲੀ: ਅਗਸਤ ਮਹੀਨੇ ਵਿੱਚ ਛੁੱਟੀਆਂ ਹੀ ਛੁੱਟੀਆਂ ਹਨ, ਹੁਣ ਦੋ ਹੋਰ ਛੁੱਟੀਆਂ ਲੋਕਾਂ ਨੂੰ ਮਿਲਣਗੀਆਂ। ਪਹਿਲਾਂ 15 ਅਗਸਤ ਨੂੰ ਲੋਕਾਂ ਨੂੰ ਲੰਬੇ ਵੀਕਐਂਡ ਤੋਂ ਰਾਹਤ ਮਿਲੀ ਸੀ, ਜਦਕਿ ਹੁਣ ਜਨਮ ਅਸ਼ਟਮੀ (Janmashtami) ‘ਤੇ ਵੀ ਛੁੱਟੀ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਮੱਧ ਪ੍ਰਦੇਸ਼ ਸਰਕਾਰ (The Madhya Pradesh Government) ਨੇ 26 ਅਗਸਤ ਨੂੰ ਜਨਮ ਅਸ਼ਟਮੀ ‘ਤੇ ਜਨਤਕ ਛੁੱਟੀ ਦਾ ਐਲਾਨ ਕੀਤਾ ਹੈ।
ਸੀ.ਐਮ ਮੋਹਨ ਯਾਦਵ ਨੇ ਖੁਦ ਟਵੀਟ ਕਰਕੇ 26 ਅਗਸਤ ਨੂੰ ਜਨਤਕ ਛੁੱਟੀ ਦੀ ਜਾਣਕਾਰੀ ਦਿੱਤੀ ਹੈ। ਜਿਸ ਕਾਰਨ ਹੁਣ 26 ਅਗਸਤ ਨੂੰ ਸਾਰੇ ਬੈਂਕ ਅਤੇ ਸਕੂਲ ਬੰਦ ਰਹਿਣਗੇ। ਅਜਿਹੇ ‘ਚ ਲੋਕ ਐਤਵਾਰ ਅਤੇ ਸੋਮਵਾਰ ਦੋ ਛੁੱਟੀਆਂ ਦਾ ਆਨੰਦ ਲੈ ਸਕਣਗੇ।
ਦਰਅਸਲ, 25 ਅਗਸਤ ਨੂੰ ਐਤਵਾਰ ਹੈ, ਇਸ ਲਈ ਸਾਰੇ ਸਕੂਲ, ਦਫ਼ਤਰ ਅਤੇ ਬੈਂਕ ਬੰਦ ਰਹਿਣਗੇ। ਇਸ ਤੋਂ ਬਾਅਦ 26 ਅਗਸਤ ਨੂੰ ਜਨਮ ਅਸ਼ਟਮੀ ਦਾ ਤਿਉਹਾਰ ਮਨਾਇਆ ਜਾਵੇਗਾ, ਜਿਸ ਲਈ ਜਨਤਕ ਛੁੱਟੀ ਦਾ ਐਲਾਨ ਕੀਤਾ ਗਿਆ ਹੈ। ਇਸ ਮਹੀਨੇ 24 ਅਗਸਤ ਸ਼ਨੀਵਾਰ, 25 ਅਗਸਤ ਐਤਵਾਰ ਅਤੇ 26 ਅਗਸਤ ਸੋਮਵਾਰ ਨੂੰ ਲਗਾਤਾਰ ਤਿੰਨ ਦਿਨ ਛੁੱਟੀਆਂ ਹੋਣਗੀਆਂ, ਤਾਂ ਜੋ ਲੋਕ ਲੰਬੇ ਵੀਕਐਂਡ ਦਾ ਆਨੰਦ ਲੈ ਸਕਣ।
ਦੱਸ ਦਈਏ ਕਿ ਬੀਤੇ ਦਿਨ ਹੋਈ ਮੋਹਨ ਯਾਦਵ ਦੀ ਕੈਬਨਿਟ ਬੈਠਕ ‘ਚ ਵੀ ਇਸ ਮਾਮਲੇ ‘ਤੇ ਚਰਚਾ ਹੋਈ ਸੀ। ਕੈਬਨਿਟ ਮੀਟਿੰਗ ਦੌਰਾਨ ਮੁੱਖ ਮੰਤਰੀ ਮੋਹਨ ਯਾਦਵ ਨੇ ਸਾਰੇ ਮੰਤਰੀਆਂ ਨੂੰ ਕਿਹਾ ਕਿ ਉਹ 26 ਅਗਸਤ ਨੂੰ ਜਨਮ ਅਸ਼ਟਮੀ ‘ਤੇ ਆਪਣੇ ਅਧੀਨ ਜ਼ਿਲ੍ਹਿਆਂ ‘ਚ ਰਹਿਣ ਅਤੇ ਉਥੇ ਆਯੋਜਿਤ ਪ੍ਰੋਗਰਾਮਾਂ ‘ਚ ਹਿੱਸਾ ਲੈ ਕੇ ਜਨਮ ਅਸ਼ਟਮੀ ਦਾ ਤਿਉਹਾਰ ਧੂਮਧਾਮ ਨਾਲ ਮਨਾਉਣ।
ਜਨਮ ਅਸ਼ਟਮੀ ਦਾ ਮਹੱਤਵ
ਜਨਮ ਅਸ਼ਟਮੀ ਨੂੰ ਭਗਵਾਨ ਵਿਸ਼ਨੂੰ ਦਾ ਅੱਠਵਾਂ ਅਵਤਾਰ ਮੰਨੇ ਜਾਣ ਵਾਲੇ ਭਗਵਾਨ ਕ੍ਰਿਸ਼ਨ ਦੇ ਜਨਮ ਦਿਨ ਵਜੋਂ ਮਨਾਇਆ ਜਾਂਦਾ ਹੈ। ਸ਼੍ਰੀ ਕ੍ਰਿਸ਼ਨ ਦਾ ਜਨਮ ਮੱਧ ਰਾਤ ਨੂੰ ਮਥੁਰਾ, ਉੱਤਰ ਪ੍ਰਦੇਸ਼ ਵਿੱਚ ਇੱਕ ਕਾਲ ਕੋਠੜੀ ਵਿੱਚ ਹੋਇਆ ਸੀ, ਇਸ ਲਈ ਕ੍ਰਿਸ਼ਨ ਜਨਮ ਅਸ਼ਟਮੀ ਦੀ ਅੱਧੀ ਰਾਤ ਨੂੰ ਪੂਜਾ ਕੀਤੀ ਜਾਂਦੀ ਹੈ। ਇਸ ਸਾਲ ਜਨਮ ਅਸ਼ਟਮੀ ਦਾ ਤਿਉਹਾਰ 26 ਅਗਸਤ ਨੂੰ ਮਨਾਇਆ ਜਾਵੇਗਾ।