ਸਪੋਰਟਸ ਡੈਸਕ : ਟੋਕੀਓ ਓਲੰਪਿਕ ਦੀ ਕਾਂਸੀ ਤਮਗਾ ਜੇਤੂ ਲਵਲੀਨਾ ਬੋਰਗੋਹੇਨ (Lavlina Borgohen) (75 ਕਿਲੋਗ੍ਰਾਮ) ਨੇ ਅੱਜ ਨਾਰਵੇ ਦੀ ਸਨੀਵਾ ਹੋਫਸਟੇਡ ਨੂੰ ਆਸਾਨੀ ਨਾਲ ਹਰਾ ਕੇ ਪੈਰਿਸ ਓਲੰਪਿਕ (Paris Olympics) ਖੇਡਾਂ ਦੇ ਕੁਆਰਟਰ ਫਾਈਨਲ ਵਿਚ ਪ੍ਰਵੇਸ਼ ਕਰ ਲਿਆ।
ਬੋਰਗੋਹੇਨ ਨੇ ਇਹ ਮੈਚ 5-0 ਨਾਲ ਜਿੱਤਿਆ ਅਤੇ ਉਹ ਲਗਾਤਾਰ ਦੂਜੇ ਓਲੰਪਿਕ ਤਮਗੇ ਦੇ ਰਾਹ ‘ਤੇ ਹੈ। ਮੌਜੂਦਾ ਵਿਸ਼ਵ ਚੈਂਪੀਅਨ ਨੇ 69 ਕਿਲੋਗ੍ਰਾਮ ਵਰਗ ਵਿੱਚ ਟੋਕੀਓ ਵਿੱਚ ਕਾਂਸੀ ਦਾ ਤਗ਼ਮਾ ਜਿੱਤਿਆ ਸੀ। ਉਨ੍ਹਾਂ ਦਾ ਸਾਹਮਣਾ 4 ਅਗਸਤ ਨੂੰ ਆਖ਼ਰੀ-ਅੱਠ ਵਿਚ ਚੋਟੀ ਦਾ ਦਰਜਾ ਪ੍ਰਾਪਤ ਚੀਨੀ ਲੀ ਕਿਆਨ ਨਾਲ ਹੋਵੇਗਾ। ਕਿਆਨ ਟੋਕੀਓ ਖੇਡਾਂ ਦੇ ਮਿਡਲਵੇਟ (75 ਕਿਲੋਗ੍ਰਾਮ) ਭਾਗ ਵਿੱਚ ਚਾਂਦੀ ਦਾ ਤਗਮਾ ਜੇਤੂ ਹੈ।
ਲੋਵਲੀਨਾ ਬੋਰਗੋਹੇਨ ਦੇ ਮੁੱਖ ਰਿਕਾਰਡ ਅਤੇ ਪ੍ਰਾਪਤੀਆਂ:
- 2020 ਟੋਕੀਓ ਓਲੰਪਿਕ: ਕਾਂਸੀ ਦਾ ਤਗਮਾ: ਲਵਲੀਨਾ ਨੇ 2020 ਟੋਕੀਓ ਓਲੰਪਿਕ ਵਿੱਚ ਔਰਤਾਂ ਦੇ 69 ਕਿਲੋ ਭਾਰ ਵਰਗ ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ। ਓਲੰਪਿਕ ਵਿੱਚ ਭਾਰਤ ਲਈ ਮੁੱਕੇਬਾਜ਼ੀ ਵਿੱਚ ਇਹ ਪਹਿਲਾ ਮਹਿਲਾ ਤਮਗਾ ਸੀ।
- ਵਿਸ਼ਵ ਮੁੱਕੇਬਾਜ਼ੀ ਚੈਂਪੀਅਨਸ਼ਿਪ 2021: ਲਵਲੀਨਾ ਨੇ 2021 AIBA ਵਿਸ਼ਵ ਮੁੱਕੇਬਾਜ਼ੀ ਚੈਂਪੀਅਨਸ਼ਿਪ ਵਿੱਚ ਵੀ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ, ਜਿਸ ਵਿੱਚ ਉਨ੍ਹਾਂ ਨੇ ਕਾਂਸੀ ਦਾ ਤਗਮਾ ਜਿੱਤਿਆ।
- ਏਸ਼ੀਅਨ ਚੈਂਪੀਅਨਸ਼ਿਪ 2019: ਲੋਵਲੀਨਾ ਨੇ 2019 ਏਸ਼ੀਅਨ ਮੁੱਕੇਬਾਜ਼ੀ ਚੈਂਪੀਅਨਸ਼ਿਪ ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ।
- ਰਾਸ਼ਟਰੀ ਪੱਧਰ ‘ਤੇ: ਲਵਲੀਨਾ ਨੇ ਭਾਰਤੀ ਮੁੱਕੇਬਾਜ਼ੀ ਚੈਂਪੀਅਨਸ਼ਿਪ ਵਿੱਚ ਕਈ ਵਾਰ ਸੋਨ ਤਗਮੇ ਜਿੱਤੇ ਹਨ ਅਤੇ ਭਾਰਤੀ ਮੁੱਕੇਬਾਜ਼ੀ ਵਿੱਚ ਇੱਕ ਪ੍ਰਮੁੱਖ ਸਥਾਨ ਬਣਾਇਆ ਹੈ।
%20today%20easily%20defeated%20Norway's%20Sniva%20Hofstede%20to%20enter%20the%20quarterfinals....){kind=link}