ਮੁੰਬਈ : ਦੇਸ਼ ਦੇ ਸਭ ਤੋਂ ਵੱਡੇ ਕਾਰੋਬਾਰੀ ਮੁਕੇਸ਼ ਅੰਬਾਨੀ ਦੇ ਬੇਟੇ ਅਨੰਤ ਅੰਬਾਨੀ (Anant Ambani) ਜਲਦ ਹੀ ਵਿਆਹ ਦੇ ਬੰਧਨ ਵਿੱਚ ਬੱਝ ਜਾਣਗੇ। ਅਨੰਤ 12 ਜੁਲਾਈ ਨੂੰ ਮੰਗੇਤਰ ਰਾਧਿਕਾ ਮਰਚੈਂਟ ਨਾਲ ਸੱਤ ਫੇਰੇ ਲੈਣਗੇ। ਅਜਿਹੇ ‘ਚ ਜੋੜੇ ਦੇ ਵਿਆਹ ‘ਚ ਕੁਝ ਹੀ ਦਿਨ ਬਚੇ ਹਨ ਅਤੇ ਇਸ ਤੋਂ ਪਹਿਲਾਂ ਅੰਬਾਨੀ ਪਰਿਵਾਰ ਨੇ 50 ਜੋੜਿਆਂ ਦਾ ਵਿਆਹ ਬਹੁਤ ਧੂਮਧਾਮ ਨਾਲ ਕੀਤਾ ਹੈ। ਜਿਸ ਦੀਆਂ ਕੁਝ ਝਲਕੀਆਂ ਸੋਸ਼ਲ ਮੀਡੀਆ ‘ਤੇ ਸਾਹਮਣੇ ਆਈਆਂ ਹਨ।
ਅਨੰਤ ਅਤੇ ਰਾਧਿਕਾ ਦੇ ਵਿਆਹ ਤੋਂ ਪਹਿਲਾਂ ਮੁਕੇਸ਼ ਅੰਬਾਨੀ ਅਤੇ ਨੀਤਾ ਅੰਬਾਨੀ ਨੇ ਮਹਾਰਾਸ਼ਟਰ ਦੇ ਪਾਲਘਰ ‘ਚ 50 ਜੋੜਿਆਂ ਦੇ ਵਿਆਹ ਦਾ ਆਯੋਜਨ ਕੀਤਾ, ਜਿਸ ‘ਚ ਕਰੀਬ 800 ਲੋਕਾਂ ਨੇ ਸ਼ਿਰਕਤ ਕੀਤੀ।
ਅੰਬਾਨੀ ਪਰਿਵਾਰ ਨੇ ਨਾ ਸਿਰਫ ਇਸ ਨੂੰ ਪੂਰਾ ਕੀਤਾ, ਸਗੋਂ ਹਰ ਜੋੜੇ ਨੂੰ ਤੋਹਫੇ ਵਜੋਂ ਕੀਮਤੀ ਤੋਹਫਾ ਵੀ ਦਿੱਤਾ। ਜਿਨ੍ਹਾਂ ਦੇ ਵਿਆਹ ਹੋਏ ਹਨ ਉਹ ਗਰੀਬ ਪਰਿਵਾਰਾਂ ਤੋਂ ਆਏ ਸਨ।
ਅੰਬਾਨੀ ਪਰਿਵਾਰ ਨੇ ਵਿਆਹ ਦੇ ਜੋੜੇ ਨੂੰ ਸੋਨੇ ਦੇ ਗਹਿਣੇ, ਮੰਗਲਸੂਤਰ, ਅੰਗੂਠੀ ਅਤੇ ਨੱਕ ਦੀ ਮੁੰਦਰੀ ਤੋਹਫੇ ਵਜੋਂ ਦਿੱਤੀ। ਇਸ ਦੇ ਨਾਲ ਹੀ ਚਾਂਦੀ ਦੇ ਗਹਿਣੇ ਵੀ ਦਿੱਤੇ ਗਏ ਹਨ। ਹਰ ਲਾੜੀ ਨੂੰ 1.01 ਲੱਖ ਰੁਪਏ ਦਾ ਚੈੱਕ ਦਿੱਤਾ ਗਿਆ। ਇੰਨਾ ਹੀ ਨਹੀਂ ਅੰਬਾਨੀ ਪਰਿਵਾਰ ਨੇ ਨਵੀਆਂ ਵਿਆਹੀਆਂ ਕੁੜੀਆਂ ਨੂੰ ਕੁਝ ਘਰੇਲੂ ਸਮਾਨ ਵੀ ਗਿਫਟ ਕੀਤਾ ਹੈ।
