ਅੱਜ ਸੋਨੇ ਦੀਆਂ ਕੀਮਤਾਂ ‘ਚ ਆਈ ਗਿਰਾਵਟ ‘ਤੇ ਚਾਂਦੀ ਦੀ ਕੀਮਤਾਂ ‘ਚ ਨਜ਼ਰ ਆਇਆ ਵਾਧਾ

ਨਵੀਂ ਦਿੱਲੀ :  ਸੋਨੇ ਦੇ ਵਾਇਦਾ ਕਾਰੋਬਾਰ ਦੀ ਸ਼ੁਰੂਆਤ ਵੀਰਵਾਰ ਨੂੰ ਸੁਸਤ ਰਹੀ, ਜਦਕਿ ਚਾਂਦੀ ਵਾਇਦਾ ਵਾਧੇ ਨਾਲ ਖੁੱਲ੍ਹਿਆ। ਸੋਨੇ ਦੇ ਵਾਇਦਾ ਭਾਅ 71,100 ਰੁਪਏ ਦੇ ਨੇੜੇ , ਜਦੋਂ ਕਿ ਚਾਂਦੀ ਵਾਇਦਾ 83 ਹਜ਼ਾਰ ਰੁਪਏ ਤੋਂ ਉੱਪਰ ਕਾਰੋਬਾਰ ਕਰ ਰਹੇ ਸੀ। ਗਲੋਬਲ ਬਾਜ਼ਾਰ ‘ਚ ਸੋਨੇ-ਚਾਂਦੀ ਦੀਆਂ ਕੀਮਤਾਂ (Gold-Silver Prices) ਦੀ ਸ਼ੁਰੂਆਤ ਕਮਜ਼ੋਰੀ ਨਾਲ ਹੋਈ ਹੈ। ਸੋਨੇ ਦੇ ਵਾਇਦਾ ਦੀ ਸ਼ੁਰੂਆਤ ਸੁਸਤ ਰਹੀ ਹੈ। ਮਲਟੀ ਕਮੋਡਿਟੀ ਐਕਸਚੇਂਜ (ਐਮਸੀਐਕਸ) ‘ਤੇ ਸੋਨੇ ਦਾ ਬੈਂਚਮਾਰਕ ਜੂਨ ਇਕਰਾਰਨਾਮਾ 77 ਰੁਪਏ ਦੀ ਗਿਰਾਵਟ ਨਾਲ 71,050 ਰੁਪਏ ਦੀ ਕੀਮਤ ‘ਤੇ ਖੁੱਲ੍ਹਣ ਤੋਂ ਬਾਅਦ 41 ਰੁਪਏ ਡਿੱਗ ਕੇ 71,086 ਰੁਪਏ ‘ਤੇ ਕਾਰੋਬਾਰ ਕਰ ਰਿਹਾ ਸੀ। ਚਾਂਦੀ ਵਾਇਦਾ ਕੀਮਤਾਂ ਦੀ ਸ਼ੁਰੂਆਤ ਅੱਜ ਤੇਜ਼ੀ ਨਾਲ ਹੋਈ।

ਐਮ.ਸੀ.ਐਕਸ ‘ਤੇ ਚਾਂਦੀ ਦਾ ਬੈਂਚਮਾਰਕ ਜੁਲਾਈ ਇਕਰਾਰਨਾਮਾ 125 ਰੁਪਏ ਦੇ ਵਾਧੇ ਨਾਲ 83,119 ਰੁਪਏ ‘ਤੇ ਖੁੱਲ੍ਹਣ ਤੋਂ ਬਾਅਦ,181 ਰੁਪਏ ਦੇ ਵਾਧੇ ਨਾਲ 83,175 ਰੁਪਏ ਦੀ ਕੀਮਤਾਂ ‘ਤੇ ਕਾਰੋਬਾਰ ਕਰ ਰਿਹਾ ਸੀ। ਕੌਮਾਂਤਰੀ ਬਾਜ਼ਾਰ ‘ਚ ਸੋਨੇ-ਚਾਂਦੀ ਦੀਆਂ ਵਾਇਦਾ ਕੀਮਤਾਂ ਦੀ ਸ਼ੁਰੂਆਤ ਕਮਜ਼ੋਰੀ ਨਾਲ ਹੋਈ ਹੈ। ਹਾਲਾਂਕਿ ਬਾਅਦ ‘ਚ ਚਾਂਦੀ ਦੀਆਂ ਕੀਮਤਾਂ ‘ਚ ਸੁਧਾਰ ਹੋਇਆ। ਕਾਮੈਕਸ ‘ਤੇ ਸੋਨਾ 2,316.50 ਡਾਲਰ ਪ੍ਰਤੀ ਔਂਸ ‘ਤੇ ਖੁੱਲ੍ਹਿਆ। ਪਿਛਲੀ ਬੰਦ ਕੀਮਤ $2,322.30 ਸੀ। ਵਰਤਮਾਨ ਵਿੱਚ ਇਹ 4.90 ਡਾਲਰ ਦੀ ਗਿਰਾਵਟ ਦੇ ਨਾਲ $2,317.40 ਪ੍ਰਤੀ ਔਂਸ ਦੀ ਕੀਮਤ ‘ਤੇ ਵਪਾਰ ਕਰ ਰਿਹਾ ਹੈ। ਕਾਮੈਕਸ ‘ਤੇ ਚਾਂਦੀ ਦਾ ਵਾਇਦਾ ਕੀਮਤ $27.56 ਦੀ ਕੀਮਤ ‘ਤੇ ਖੁੱਲ੍ਹਿਆ, ਪਿਛਲੀ ਬੰਦ ਕੀਮਤ $27.60 ਸੀ। ਵਰਤਮਾਨ ਵਿੱਚ ਇਹ $0.09 ਦੇ ਵਾਧੇ ਨਾਲ $27.69 ਪ੍ਰਤੀ ਔਂਸ ਦੀ ਕੀਮਤ ‘ਤੇ ਵਪਾਰ ਕਰ ਰਿਹਾ ਹੈ।