ਪੰਜਾਬ: ਗੈਂਗਸਟਰ ਗੋਲਡੀ ਬਰਾੜ (Gangster Goldy Brar) ਦੀ ਮੌਤ ਦੀ ਖ਼ਬਰ ਪਿਛਲੇ ਦਿਨ ਕਾਫੀ ਚਰਚਾ ‘ਚ ਰਹੀ ਸੀ ਪਰ ਇਸ ਖਬਰ ਦੀ ਪੂਰੀ ਤਰ੍ਹਾਂ ਪੁਸ਼ਟੀ ਨਹੀਂ ਹੋ ਸਕੀ ਸੀ। ਅਮਰੀਕੀ ਚੈਨਲ ਨੇ ਗੋਲਡੀ ਦੀ ਮੌਤ ਦੀ ਖ਼ਬਰ ਚਲਾਈ ਸੀ।
ਸੂਤਰਾਂ ਅਨੁਸਾਰ ਲਾਰੈਂਸ ਬਿਸ਼ਨੋਈ ਗੈਂਗ ਦੇ ਮੈਂਬਰ ਗੈਂਗਸਟਰ ਗੋਲਡੀ ਬਰਾੜ ਦੀ ਮੌਤ ਦੀ ਖ਼ਬਰ ਝੂਠੀ ਹੈ। ਦੱਸ ਦੇਈਏ ਕਿ ਅਮਰੀਕੀ ਪੁਲਿਸ ਅਧਿਕਾਰੀ ਲੈਸਲੀ ਵਿਲੀਅਮਜ਼ ਨੇ ਦੱਸਿਆ ਕਿ ਦੋ ਲੋਕਾਂ ਨੂੰ ਗੋਲੀ ਲੱਗੀ ਸੀ ਅਤੇ ਉਨ੍ਹਾਂ ਨੂੰ ਹਸਪਤਾਲ ਲਿਜਾਇਆ ਗਿਆ। ਫਰਿਸਨੋ ਪੁਲਿਸ ਨੇ ਰਿਪੋਰਟ ਦਾ ਵਿਰੋਧ ਕੀਤਾ ਅਤੇ ਲੈਫਟੀਨੈਂਟ ਵਿਲੀਅਮ ਜੇ.ਡੋਲੇ ਨੇ ਦੱਸਿਆ ਕਿ ਮ੍ਰਿਤਕ ਵਿਅਕਤੀ ਗੋਲਡੀ ਬਰਾੜ ਨਹੀਂ ਹੈ। ਉਸ ਵਿਅਕਤੀ ਦਾ ਨਾਮ ਜ਼ੇਵੀਅਰ ਗਾਲਡਨੀ ਹੈ ਅਤੇ ਉਹ ਅਫਰੀਕਾ ਦਾ ਰਹਿਣ ਵਾਲਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਐਫ.ਬੀ.ਆਈ ਨੇ ਇਸ ਗੋਲੀਬਾਰੀ ਵਿੱਚ ਦੋ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਨ੍ਹਾਂ ਵਿਚੋਂ ਇਕ ਹੁਸਨਦੀਪ ਸਿੰਘ ਅਤੇ ਦੂਜਾ ਪਵਿੱਤਰ ਸਿੰਘ ਹੈ।
ਜਾਣਕਾਰੀ ਮੁਤਾਬਕ ਗੋਲੀਬਾਰੀ ਫੇਅਰਮੌਂਟ ਹੋਟਲ ਦੇ ਬਾਹਰ ਹੋਈ ਉਹ ਅਫਰੀਕੀ ਲੋਕਾਂ ਦੁਆਰਾ ਆਪਣੇ ਹੀ ਲੋਕਾਂ ‘ਤੇ ਚਲਾਈ ਜਾਂਦੀ ਸੀ। ਜਦੋਂ ਉਹ ਉੱਥੋਂ ਭੱਜਿਆ ਤਾਂ ਉਥੋਂ ਪੰਜਾਬੀ ਮੂਲ ਦਾ ਇਕ ਵਿਅਕਤੀ ਬਾਹਰ ਆਇਆ। ਉਸ ਨੇ ਉਸ ਅਫਰੀਕੀ ਵਿਅਕਤੀ ਨੂੰ ਗੋਲਡੀ ਬਰਾੜ ਸਮਝ ਲਿਆ, ਜਿਸ ਤੋਂ ਬਾਅਦ ਇਹ ਅਫਵਾਹ ਫੈਲ ਗਈ।
