ਪਲੇਆਫ ਲਈ ਅਹਿਮਦਾਬਾਦ ਅਤੇ ਚੇਨਈ ਨੂੰ ਚੁਣਨਾ ਕੋਈ ਹੈਰਾਨੀ ਵਾਲੀ ਗੱਲ ਨਹੀਂ ਹੈ। ਪਿਛਲੇ ਸਾਲ ਚੇਨਈ ਸੁਪਰ ਕਿੰਗਜ਼ ਅਤੇ ਗੁਜਰਾਤ ਟਾਈਟਨਜ਼ ਨੇ ਫਾਈਨਲ ਖੇਡਿਆ ਸੀ, ਇਸ ਲਈ ਉਨ੍ਹਾਂ ਦੇ ਘਰੇਲੂ ਮੈਦਾਨ ਨੂੰ ਚੁਣਿਆ ਗਿਆ ਹੈ। ਚੈਂਪੀਅਨ ਬਣਨ ਵਾਲਾ ਸ਼ਹਿਰ ਚੇਨਈ ਫਾਈਨਲ ਦੀ ਮੇਜ਼ਬਾਨੀ ਕਰੇਗਾ, ਜਿੱਥੇ ਸੀਜ਼ਨ ਦਾ ਪਹਿਲਾ ਮੈਚ ਵੀ ਖੇਡਿਆ ਗਿਆ ਸੀ। 21 ਮੈਚਾਂ ਦੀਆਂ ਤਰੀਕਾਂ ਦਾ ਐਲਾਨ ਪਹਿਲਾਂ ਹੀ ਕਰ ਦਿੱਤਾ ਗਿਆ ਸੀ। ਹੁਣ ਬਾਕੀ ਮੈਚ 8 ਅਪ੍ਰੈਲ ਸੋਮਵਾਰ ਤੋਂ ਸ਼ੁਰੂ ਹੋਣਗੇ। ਦੂਜੇ ਪੜਾਅ ਦੀ ਸ਼ੁਰੂਆਤ ਵੀ ਚੇਨਈ ਸੁਪਰ ਕਿੰਗਜ਼ ਦੇ ਮੈਚ ਨਾਲ ਹੋਵੇਗੀ। ਮੌਜੂਦਾ ਚੈਂਪੀਅਨ 8 ਅਪ੍ਰੈਲ ਨੂੰ ਚੇਪੌਕ ‘ਚ ਕੋਲਕਾਤਾ ਨਾਈਟ ਰਾਈਡਰਜ਼ ਨਾਲ ਭਿੜੇਣਗੇ। ਇਹ ਮੈਚ ਰਾਤ ਨੂੰ ਹੋਵੇਗਾ।
ਇਸ ਸਾਲ ਆਈ.ਪੀ.ਐਲ ਨੂੰ ਲੈ ਕੇ ਬੀ.ਸੀ.ਸੀ.ਆਈ ਲਈ ਸਭ ਤੋਂ ਵੱਡੀ ਚੁਣੌਤੀ ਆਮ ਚੋਣਾਂ ਸੀ। ਦੇਸ਼ ਭਰ ਵਿੱਚ ਸੱਤ ਪੜਾਵਾਂ ਵਿੱਚ 19 ਅਪ੍ਰੈਲ ਤੋਂ 1 ਜੂਨ ਤੱਕ ਚੋਣਾਂ ਹੋਣੀਆਂ ਹਨ ਅਤੇ ਵੋਟਾਂ ਦੀ ਗਿਣਤੀ 4 ਜੂਨ ਨੂੰ ਹੋਵੇਗੀ। ਬੀ.ਸੀ.ਸੀ.ਆਈ ਨੇ ਚੋਣ ਸਥਾਨਾਂ ‘ਤੇ ਮੈਚਾਂ ਦੀਆਂ ਤਰੀਕਾਂ ਨੂੰ ਚੋਣਾਂ ਤੋਂ ਵੱਖ ਰੱਖਿਆ ਹੈ। ਇਸ ਤੋਂ ਇਲਾਵਾ, ਘਰੇਲੂ ਅਤੇ ਦੂਰ ਮੈਦਾਨਾਂ ਵਿਚਕਾਰ ਸੰਤੁਲਨ ਵੀ ਕਾਇਮ ਰੱਖਿਆ ਗਿਆ ਹੈ। ਸ਼ਡਿਊਲ ਮੁਤਾਬਕ ਦੋ ਮੈਚ ਧਰਮਸ਼ਾਲਾ ‘ਚ ਹੋਣਗੇ, ਜਿਸ ਨੂੰ ਪੰਜਾਬ ਕਿੰਗਜ਼ ਦਾ ਦੂਜਾ ਘਰੇਲੂ ਮੈਦਾਨ ਮੰਨਿਆ ਜਾਂਦਾ ਹੈ। ਇਹ ਸ਼ਹਿਰ 5 ਮਈ ਨੂੰ ਚੇਨਈ ਸੁਪਰ ਕਿੰਗਜ਼ ਦੇ ਖ਼ਿਲਾਫ਼ ਅਤੇ 9 ਮਈ ਨੂੰ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਦੇ ਖ਼ਿਲਾਫ਼ ਪੰਜਾਬ ਕਿੰਗਜ਼ ਦੇ ਘਰੇਲੂ ਮੈਚਾਂ ਦੀ ਮੇਜ਼ਬਾਨੀ ਕਰੇਗਾ।
ਗੁਹਾਟੀ ਵਿੱਚ ਵੀ ਦੋ ਮੈਚ ਹੋਣਗੇ, ਜੋ ਰਾਜਸਥਾਨ ਰਾਇਲਜ਼ ਦਾ ਦੂਜਾ ਪਸੰਦੀਦਾ ਮੈਦਾਨ ਹੈ। ਉਹ 15 ਮਈ ਨੂੰ ਪੰਜਾਬ ਕਿੰਗਜ਼ ਅਤੇ 19 ਮਈ ਨੂੰ ਕੋਲਕਾਤਾ ਨਾਈਟ ਰਾਈਡਰਜ਼ ਨਾਲ ਖੇਡਣਗੇ। ਧਿਆਨ ਯੋਗ ਹੈ ਕਿ ਆਰ.ਆਰ-ਕੇ.ਕੇ.ਆਰ ਦਾ ਮੈਚ ਲੀਗ ਪੜਾਅ ਦਾ ਆਖਰੀ ਮੈਚ ਹੈ। ਸੀ.ਐਸ.ਕੇ ਅਤੇ ਗੁਜਰਾਤ ਟਾਈਟਨਸ ਜੋ ਪਿਛਲੇ ਸਾਲ ਅਹਿਮਦਾਬਾਦ ‘ਚ ਫਾਈਨਲ ਵਿੱਚ ਖੇਡੇ ਸੀ ਇਸ ਸੀਜ਼ਨ ‘ਚ ਉਸੇ ਮੈਦਾਨ ‘ਤੇ 10 ਮਈ ਨੂੰ ਆਹਮੋ-ਸਾਹਮਣੇ ਹੋਣਗੇ। ਮੁੰਬਈ ਅਤੇ ਚੇਨਈ ਵਿਚਾਲੇ ਵਾਨਖੇੜੇ ਸਟੇਡੀਅਮ ‘ਚ ਵੱਡਾ ਮੈਚ 14 ਅਪ੍ਰੈਲ ਨੂੰ ਹੋਣਾ ਤੈਅ ਕੀਤਾ ਗਿਆ ਹੈ। 20 ਮਈ ਨੂੰ ਇੱਕ ਦਿਨ ਦੇ ਬ੍ਰੇਕ ਤੋਂ ਬਾਅਦ ,ਪਲੇਆਫ 21 ਮਈ ਨੂੰ ਸ਼ੁਰੂ ਹੋਵੇਗਾ।
%20had%20earlier%20announced%20the%20schedule%20till%20April%207.%20The%20schedule%20of%20remaining%20matches%20of%20IPL%202024%20has%20been%20released.){kind=link}