ਪਟਨਾ: ਬਿਹਾਰ ਵਿਧਾਨ ਸਭਾ (Bihar Vidhan Sabha) ਦੇ ਬਜਟ ਸੈਸ਼ਨ (Budget Session) ਦੇ ਦੂਜੇ ਦਿਨ ਅੱਜ ਵਿੱਤ ਮੰਤਰੀ ਸਮਰਾਟ ਚੌਧਰੀ (Finance Minister Samrat Chaudhary) ਵੱਲੋਂ ਬਜਟ ਪੇਸ਼ ਕੀਤਾ ਜਾ ਰਿਹਾ ਹੈ। ਬਜਟ ‘ਤੇ ਹਰ ਕਿਸੇ ਦੀ ਨਜ਼ਰ ਹੈ। ਇਸ ਤੋਂ ਪਹਿਲਾਂ ਐਨਡੀਏ ਦੀ ਤਰਫ਼ੋਂ ਭਾਜਪਾ ਦੇ ਸੀਨੀਅਰ ਆਗੂ ਨੰਦ ਕਿਸ਼ੋਰ ਯਾਦਵ ਨੇ ਵਿਧਾਨ ਸਭਾ ਦੇ ਨਵੇਂ ਸਪੀਕਰ ਵਜੋਂ ਨਾਮਜ਼ਦਗੀ ਦਾਖ਼ਲ ਕੀਤੀ ਹੈ। ਸਦਨ ਵਿੱਚ ਸਭ ਤੋਂ ਪਹਿਲਾਂ ਸਵਾਲ-ਜਵਾਬ ਦਾ ਦੌਰ ਚੱਲੇਗਾ।
ਲਾਈਵ ਅੱਪਡੇਟ:-
ਤੇਜਸਵੀ ਯਾਦਵ ਅਜੇ ਤੱਕ ਨਹੀਂ ਪਹੁੰਚੇ ਹਨ ਸਦਨ ਵਿੱਚ
ਸਿੱਖਿਆ ਨਾਲ ਸਬੰਧਤ ਸਵਾਲਾਂ ’ਤੇ ਕੀਤੀ ਚਰਚਾ
ਨੰਦਕਿਸ਼ੋਰ ਯਾਦਵ ਨੇ ਦਾਖਲ ਕੀਤੀ ਨਾਮਜ਼ਦਗੀ
ਨੰਦਕਿਸ਼ੋਰ ਯਾਦਵ ਨੇ 4 ਸੈੱਟਾਂ ਵਿੱਚ ਨਾਮਜ਼ਦਗੀ ਦਾਖ਼ਲ ਕੀਤੀ ਹੈ। ਨੰਦਕਿਸ਼ੋਰ ਯਾਦਵ 7 ਵਾਰ ਵਿਧਾਇਕ ਰਹਿ ਚੁੱਕੇ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਨੰਦ ਕਿਸ਼ੋਰ ਯਾਦਵ ਬਿਨਾਂ ਮੁਕਾਬਲਾ ਚੁਣੇ ਜਾਣਗੇ। ਇਸ ਤੋਂ ਪਹਿਲਾਂ 12 ਫਰਵਰੀ ਨੂੰ ਵਿਧਾਨ ਸਭਾ ਸਪੀਕਰ ਅਵਧ ਬਿਹਾਰੀ ਚੌਧਰੀ ‘ਤੇ ਬੇਭਰੋਸਗੀ ਮਤਾ ਲਿਆਂਦਾ ਗਿਆ ਸੀ।
ਬੇਭਰੋਸਗੀ ਮਤੇ ਵਿੱਚ 125 ਵਿਧਾਇਕਾਂ ਨੇ ਉਨ੍ਹਾਂ ਦੇ ਖਿਲਾਫ ਵੋਟ ਪਾਈ ਅਤੇ ਅਵਧ ਬਿਹਾਰੀ ਚੌਧਰੀ ਨੂੰ ਹਟਾ ਦਿੱਤਾ ਗਿਆ ਸੀ। ਇਸ ਤੋਂ ਬਾਅਦ ਬਿਹਾਰ ਵਿਧਾਨ ਸਭਾ ਦੇ ਡਿਪਟੀ ਸਪੀਕਰ ਮਹੇਸ਼ਵਰ ਹਜ਼ਾਰੀ ਨੂੰ ਵਿਧਾਨ ਸਭਾ ਦਾ ਤਤਕਾਲੀ ਸਪੀਕਰ ਬਣਾਇਆ ਗਿਆ ਸੀ।
ਤੁਹਾਨੂੰ ਦੱਸ ਦੇਈਏ ਕਿ ਵਿਧਾਨ ਸਭਾ ਸੈਸ਼ਨ ਦੇ ਪਹਿਲੇ ਦਿਨ ਰਾਜਪਾਲ ਦੇ ਭਾਸ਼ਣ ਤੋਂ ਬਾਅਦ ਨਿਤੀਸ਼ ਸਰਕਾਰ ਫਲੋਰ ਟੈਸਟ ਪਾਸ ਕਰ ਗਈ ਸੀ। ਇਸ ਵਾਰ ਬਜਟ ਸੈਸ਼ਨ 11 ਦਿਨਾਂ ਦਾ ਹੈ। 1 ਮਾਰਚ ਨੂੰ ਬਜਟ ਸੈਸ਼ਨ ਖਤਮ ਹੋਵੇਗਾ।
