ਸ਼ਾਰਟ ਪਿੱਚ ਨੂੰ ਲੈ ਕੇ ਲਗਾਤਾਰ ਅਭਿਆਸ ਕਰ ਰਹੇ ਹਨ ਇਹ ਖਿਡਾਰੀ

ਸਪੋਰਟਸ ਨਿਊਜ਼ : ਲੰਬੇ ਛੱਕੇ ਲਗਾਉਣ ‘ਚ ਮਾਹਰ ਭਾਰਤੀ ਆਲਰਾਊਂਡਰ ਸ਼ਿਵਮ ਦੂਬੇ (Shivam Dubey) ਨੇ ਅੱਜ ਕਿਹਾ ਕਿ ਸਪਿਨਰਾਂ ਖ਼ਿਲਾਫ਼ ਕਈ ਤਰ੍ਹਾਂ ਦੇ ਸ਼ਾਟ ਖੇਡਣਾ ਉਨ੍ਹਾਂ ਨੂੰ ਪਰਮਾਤਮਾ ਵੱਲੋਂ ਦਿੱਤਾ ਇੱਕ ਵਿਸ਼ੇਸ਼ ਤੋਹਫ਼ਾ ਹੈ ਪਰ ਤੇਜ਼ ਅਤੇ ਉਛਾਲ ਵਾਲੀਆਂ ਗੇਂਦਾਂ ਦਾ ਚੰਗੀ ਤਰ੍ਹਾਂ ਸਾਹਮਣਾ ਕਰਨ ਲਈ ਉਨ੍ਹਾਂ ਨੂੰ ਸਖਤ ਮਿਹਨਤ ਕਰਨੀ ਪਵੇਗੀ । ਦੁਬੇ ਸਪਿਨਰਾਂ ਦੇ ਖ਼ਿਲਾਫ਼ ਖੁੱਲ੍ਹ ਕੇ ਖੇਡਦੇ ਹਨ ਅਤੇ ਇਹੀ ਕਾਰਨ ਹੈ ਕਿ ਅਫਗਾਨਿਸਤਾਨ ਦਾ ਚੰਗਾ ਸਪਿਨ ਹਮਲਾ ਪਹਿਲੇ ਦੋ ਟੀ-20 ਅੰਤਰਰਾਸ਼ਟਰੀ ਮੈਚਾਂ ਵਿੱਚ ਉਨ੍ਹਾਂ ਦੇ ਖ਼ਿਲਾਫ਼ ਕੰਮ ਨਹੀਂ ਕਰ ਸਕਿਆ।

ਦੁਬੇ ਨੇ ਕਿਹਾ, ‘ਮੈਂ ਖੁਸ਼ ਹਾਂ ਕਿ ਮੇਰੀ ਖੇਡ ‘ਚ ਲਗਾਤਾਰ ਸੁਧਾਰ ਹੋ ਰਿਹਾ ਹੈ। ਮੈਂ ਜਿਸ ਤਰ੍ਹਾਂ ਦੇ ਸ਼ਾਟ ਖੇਡਦਾ ਹਾਂ ਉਹ ਮੇਰੇ ਲਈ ਰੱਬ ਦਾ ਤੋਹਫ਼ਾ ਹੈ ਅਤੇ ਮੈਂ ਉਨ੍ਹਾਂ ‘ਤੇ ਕਾਫੀ ਕੰਮ ਵੀ ਕੀਤਾ ਹੈ। ਮੈਂ ਆਪਣੀ ਖੇਡ ਦੇ ਕਈ ਖੇਤਰਾਂ ਵਿੱਚ ਸੁਧਾਰ ਕੀਤਾ ਹੈ ਅਤੇ ਮੈਂ ਚੰਗੀਆਂ ਦੌੜਾਂ ਵੀ ਬਣਾ ਰਿਹਾ ਹਾਂ। ਦੁਬੇ ਨੇ ਬੀਤੇ ਦਿਨ ਦੂਜੇ ਟੀ-20 ਮੈਚ ‘ਚ 32 ਗੇਂਦਾਂ ‘ਤੇ ਅਜੇਤੂ 63 ਦੌੜਾਂ ਬਣਾ ਕੇ ਭਾਰਤ ਦੀ 6 ਵਿਕਟਾਂ ਦੀ ਜਿੱਤ ‘ਚ ਅਹਿਮ ਭੂਮਿਕਾ ਨਿਭਾਈ ਸੀ। ਉਨ੍ਹਾਂ ਨੇ ਕਿਹਾ, ‘ਅਤੀਤ ਵਿੱਚ ਮੈਂ ਭਵਿੱਖ ਬਾਰੇ ਬਹੁਤ ਸੋਚਦਾ ਸੀ ਪਰ ਹੁਣ ਮੈਨੂੰ ਅਹਿਸਾਸ ਹੋਇਆ ਕਿ ਮੈਨੂੰ ਵਰਤਮਾਨ ‘ਤੇ ਧਿਆਨ ਦੇਣਾ ਚਾਹੀਦਾ ਹੈ। ਮੈਨੂੰ ਇਸ ਗੱਲ ‘ਤੇ ਧਿਆਨ ਦੇਣਾ ਚਾਹੀਦਾ ਹੈ ਕਿ ਮੈਂ ਆਪਣੇ ਹੁਨਰ ਚ ਕਿਵੇਂ ਸੁਧਾਰ ਲਿਆਵਾ । ਇਹ ਮੇਰੇ ਲਈ ਵਧੇਰੇ ਮਹੱਤਵਪੂਰਨ ਹੈ।

ਦੂਬੇ ਨੂੰ ਸ਼ਾਰਟ ਪਿੱਚ ਵਾਲੀ ਗੇਂਦ ਨੂੰ ਚੰਗੀ ਰਫਤਾਰ ਨਾਲ ਖੇਡਣਾ ਮੁਸ਼ਕਲ ਲੱਗਦਾ ਹੈ ਪਰ ਕਿਹਾ ਕਿ ਉਹ ਇਸ ਖੇਤਰ ‘ਤੇ ਕੰਮ ਕਰ ਰਹੇ ਹਨ। ਉਨ੍ਹਾਂ ਨੇ ਕਿਹਾ, ‘ਮੈਂ ਇਸ ‘ਤੇ ਕਾਫੀ ਕੰਮ ਕੀਤਾ ਹੈ। ਜਦੋਂ ਮੈਂ ਘਰੇਲੂ ਕ੍ਰਿਕਟ ਖੇਡਦਾ ਸੀ ਤਾਂ ਮੈਂ ਹਰ ਤਰ੍ਹਾਂ ਦੇ ਗੇਂਦਬਾਜ਼ਾਂ ‘ਤੇ ਹਾਵੀ ਹੁੰਦਾ ਸੀ ਪਰ ਆਈਪੀਐਲ ਅਤੇ ਭਾਰਤ ਲਈ ਖੇਡਣਾ ਆਸਾਨ ਨਹੀਂ ਹੈ ਕਿਉਂਕਿ ਗੇਂਦਬਾਜ਼ 140 ਕਿਲੋਮੀਟਰ ਪ੍ਰਤੀ ਘੰਟੇ ਤੋਂ ਵੱਧ ਦੀ ਰਫ਼ਤਾਰ ਨਾਲ ਗੇਂਦਬਾਜ਼ੀ ਕਰਦੇ ਹਨ।