ਨਵੀਂ ਦਿੱਲੀ : ਕੀ ਸ਼ੁਭਮਨ ਗਿੱਲ (Shubman Gill ) ਸਾਲ 2023 ‘ਚ ਸਭ ਤੋਂ ਵੱਧ ਸੈਂਕੜੇ ਲਗਾਉਣ ਦਾ ਰਿਕਾਰਡ ਬਣਾ ਸਕਣਗੇ? ਕੀ ਸ਼ੁਭਮਨ ਆਪਣੇ ਸੀਨੀਅਰ ਵਿਰਾਟ ਕੋਹਲੀ (Virat Kohli) ਦਾ ਇਹ ਰਿਕਾਰਡ ਤੋੜ ਦੇਣਗੇ ? ਭਾਰਤ ਅਤੇ ਦੱਖਣੀ ਅਫਰੀਕਾ ਦੀ ਸੀਰੀਜ਼ ਸ਼ੁਰੂ ਹੁੰਦੇ ਹੀ ਇਹ ਸਵਾਲ ਸਭ ਤੋਂ ਜ਼ਿਆਦਾ ਪੁੱਛੇ ਜਾਣ ਵਾਲੇ ਹਨ। ਅਤੇ ਜੇਕਰ ਤੁਹਾਡੇ ਦਿਮਾਗ ਵਿੱਚ ਅਜਿਹਾ ਸਵਾਲ ਆ ਰਿਹਾ ਹੈ ਕਿ ਸਿਰਫ ਸ਼ੁਭਮਨ ਗਿੱਲ ਹੀ ਕਿਉਂ? ਕੋਈ ਹੋਰ ਨੂੰ ਕਿਉਂ ਨਹੀਂ? ਤਾਂ ਇਸ ਦਾ ਸਿੱਧਾ ਜਵਾਬ ਹੈ ਕਿ ਸ਼ੁਭਮਨ ਗਿੱਲ ਉਹ ਕ੍ਰਿਕਟਰ ਹੈ ਜਿਸ ਨੇ 2023 ਵਿੱਚ ਤਿੰਨੋਂ ਫਾਰਮੈਟਾਂ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਈਆਂ। ਪਰ ਸੈਂਕੜਿਆਂ ਦੇ ਮਾਮਲੇ ‘ਚ ਉਹ ਵਿਰਾਟ ਕੋਹਲੀ ਤੋਂ ਪਿੱਛੇ ਹਨ।
ਸ਼ੁਭਮਨ ਗਿੱਲ ਅਤੇ ਵਿਰਾਟ ਕੋਹਲੀ ਦੋਵਾਂ ਲਈ ਸਾਲ 2023 ਸ਼ਾਨਦਾਰ ਸਾਲ ਰਿਹਾ ਹੈ। ਵਿਰਾਟ ਕੋਹਲੀ ਨੇ ਇਸ ਸਾਲ ਕੁੱਲ 8 ਸੈਂਕੜੇ ਲਗਾਏ ਹਨ, ਜੋ ਦੁਨੀਆ ਦੇ ਕਿਸੇ ਵੀ ਬੱਲੇਬਾਜ਼ ਤੋਂ ਵੱਧ ਹਨ। ਸ਼ੁਭਮਨ ਗਿੱਲ (7) ਸਭ ਤੋਂ ਵੱਧ ਸੈਂਕੜੇ ਲਗਾਉਣ ਦੀ ਸੂਚੀ ਵਿੱਚ ਦੂਜੇ ਸਥਾਨ ‘ਤੇ ਹਨ। ਵਿਰਾਟ ਅਤੇ ਸ਼ੁਭਮਨ ਗਿੱਲ ਵਿਚਾਲੇ ਸਿਰਫ ਇਕ ਸੈਂਕੜੇ ਦਾ ਫਰਕ ਹੈ। ਯਾਨੀ ਜੇਕਰ ਸ਼ੁਭਮਨ ਗਿੱਲ ਦੱਖਣੀ ਅਫਰੀਕਾ ਦੇ ਖ਼ਿਲਾਫ਼ 3 ਟੀ-20 ਮੈਚ ਜਾਂ 3 ਵਨਡੇ ਸੀਰੀਜ਼ ‘ਚ ਸੈਂਕੜਾ ਲਗਾਉਂਦੇ ਹਨ ਤਾਂ ਉਹ ਵਿਰਾਟ ਕੋਹਲੀ ਦੀ ਬਰਾਬਰੀ ਕਰ ਲੈਣਗੇ । ਜੇਕਰ ਸ਼ੁਭਮਨ ਇਨ੍ਹਾਂ 6 ਮੈਚਾਂ ‘ਚ 2 ਸੈਂਕੜੇ ਬਣਾ ਲੈਂਦੇ ਹਨ ਦੇਣਗੇ ਤਾਂ ਉਹ ਵਿਰਾਟ ਨੂੰ ਪਿੱਛੇ ਛੱਡ ਦੇਣਗੇ ।
ਕ੍ਰਿਕਟ ਪ੍ਰੇਮੀ ਜਾਣਦੇ ਹਨ ਕਿ ਵਿਰਾਟ ਕੋਹਲੀ ਦੱਖਣੀ ਅਫਰੀਕਾ ਖ਼ਿਲਾਫ਼ ਟੀ-20 ਜਾਂ ਵਨਡੇ ਸੀਰੀਜ਼ ‘ਚ ਨਹੀਂ ਖੇਡਣਗੇ। ਕੋਹਲੀ ਸਿੱਧੇ ਟੈਸਟ ਸੀਰੀਜ਼ ‘ਚ ਸ਼ਾਮਲ ਹੋਣਗੇ, ਜਿੱਥੇ ਸ਼ੁਭਮਨ ਵੀ ਉਨ੍ਹਾਂ ਦਾ ਸਾਥ ਦੇਣਗੇ। ਭਾਵ, ਇਸ ਗੱਲ ਦੀ ਪੂਰੀ ਸੰਭਾਵਨਾ ਹੈ ਕਿ ਸ਼ੁਭਮਨ ਗਿੱਲ ਦੱਖਣੀ ਅਫਰੀਕਾ ਦੌਰੇ ‘ਤੇ ਵਿਰਾਟ ਤੋਂ 6 ਮੈਚ ਵੱਧ ਖੇਡਣਗੇ।
ਸਾਲ 2023 ‘ਚ ਜ਼ਿਆਦਾ ਸੈਂਕੜੇ ਲਗਾਉਣ ਦੀ ਸੂਚੀ ‘ਚ ਵਿਰਾਟ ਕੋਹਲੀ ਅਤੇ ਸ਼ੁਭਮਨ ਗਿੱਲ ਤੋਂ ਬਾਅਦ ਡੇਰਿਲ ਮਿਸ਼ੇਲ ਤੀਜੇ ਸਥਾਨ ‘ਤੇ ਹਨ। ਨਿਊਜ਼ੀਲੈਂਡ ਦੇ ਡੇਰਿਲ ਮਿਸ਼ੇਲ ਨੇ ਇਸ ਸਾਲ ਤਿੰਨੋਂ ਫਾਰਮੈਟਾਂ ‘ਚ 6 ਸੈਂਕੜੇ ਲਗਾਏ ਹਨ। ਬੰਗਲਾਦੇਸ਼ ਦੇ ਕਪਤਾਨ ਨਜ਼ਮੁਲ ਹਸਨ ਸ਼ਾਂਤੋ ਅਤੇ ਨਿਊਜ਼ੀਲੈਂਡ ਦੇ ਡੇਵੋਨ ਕੋਨਵੇ 5-5 ਸੈਂਕੜਿਆਂ ਨਾਲ ਸਾਂਝੇ ਤੌਰ ‘ਤੇ ਚੌਥੇ ਸਥਾਨ ‘ਤੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਇੱਕ ਕੈਲੰਡਰ ਸਾਲ ਵਿੱਚ ਸਭ ਤੋਂ ਵੱਧ ਸੈਂਕੜੇ ਲਗਾਉਣ ਦਾ ਰਿਕਾਰਡ ਸਚਿਨ ਤੇਂਦੁਲਕਰ ਦੇ ਨਾਮ ਹੈ। ਸਚਿਨ ਤੇਂਦੁਲਕਰ ਨੇ 1998 ‘ਚ 12 ਸੈਂਕੜੇ ਲਗਾਏ ਸਨ।
