ਰੂਸ : ਰੂਸ ਅਤੇ ਯੂਕਰੇਨ ਵਿਚਕਾਰ ਪਿਛਲੇ 3 ਸਾਲਾਂ ਤੋਂ ਭਿਆਨਕ ਯੁੱਧ ਚੱਲ ਰਿਹਾ ਹੈ। ਰੂਸ ਨੇ ਬੀਤੀ ਰਾਤ ਨੂੰ ਯੂਕਰੇਨ ‘ਤੇ ਸਭ ਤੋਂ ਵੱਡਾ ਹਵਾਈ ਹਮਲਾ ਕੀਤਾ। ਦੱਸਿਆ ਜਾ ਰਿਹਾ ਹੈ ਕਿ ਯੂਕਰੇਨ ‘ਤੇ ਇੱਕੋ ਸਮੇਂ 537 ਡਰੋਨ ਅਤੇ ਮਿਜ਼ਾਈਲਾਂ ਦਾਗੀਆਂ ਗਈਆਂ। ਯੂਕਰੇਨ ਨੇ ਹਮਲੇ ਨੂੰ ਰੋਕਣ ਦੀ ਪੂਰੀ ਕੋਸ਼ਿਸ਼ ਕੀਤੀ। ਇਸ ਦੌਰਾਨ ਉਸਦਾ ਇੱਕ F-16 ਵੀ ਕਰੈਸ਼ ਹੋ ਗਿਆ। ਯੂਕਰੇਨ ‘ਤੇ ਰੂਸ ਲਗਾਤਾਰ ਤਬਾਹੀ ਮਚਾ ਰਿਹਾ ਹੈ।
ਕੀਵ ਤੋਂ ਲੈ ਕੇ ਲਵੀਵ ਤੱਕ ਲਗਾਤਾਰ ਧਮਾਕਿਆਂ ਦੀਆਂ ਆਵਾਜ਼ਾਂ ਸੁਣਾਈ ਦੇ ਰਹੀਆਂ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਬੀਤੀ ਰਾਤ ਹੁਣ ਤੱਕ ਦਾ ਸਭ ਤੋਂ ਵੱਡਾ ਹਵਾਈ ਹਮਲਾ ਕੀਤਾ ਗਿਆ ਹੈ। ਰੂਸ ਦੀ ਸਟ੍ਰਾਈਕ ਵਿੱਚ ਹੁਣ ਤੱਕ ਲਗਭਗ 3 ਐੱਫ-16 ਐਡਵਾਂਸਡ ਫਾਈਟਰ ਜੈੱਟ ਡੇਗ ਦਿੱਤੇ ਗਏ ਹਨ। ਇਸ ਜੰਗ ਵਿੱਚ ਇੱਕ ਪਾਇਲਟ ਵੀ ਮਾਰਿਆ ਗਿਆ ਹੈ। ਰੂਸੀ ਫੌਜ ਨੇ ਆਪਣੇ ਹਮਲੇ ਵਿੱਚ 477 ਡਰੋਨ, ਡਿਕੋਏ ਅਤੇ 60 ਮਿਜ਼ਾਈਲਾਂ ਦਾਗੀਆਂ।
ਕਈ ਹਮਲਿਆਂ ਨੂੰ ਨਾਕਾਮ ਕਰ ਦਿੱਤਾ ਗਿਆ
ਯੂਕਰੇਨ ਨੇ ਦਾਅਵਾ ਕੀਤਾ ਹੈ ਕਿ ਉਸਦੀ ਹਵਾਈ ਸੈਨਾ ਨੇ 249 ਡਰੋਨਾਂ ਨੂੰ ਮਾਰ ਸੁੱਟਿਆ। 226 ਮਿਜ਼ਾਈਲਾਂ ਅਤੇ ਡਰੋਨਾਂ ਨੂੰ ਇਲੈਕਟ੍ਰਾਨਿਕ ਜੈਮਿੰਗ ਰਾਹੀਂ ਰਾਡਾਰ ਤੋਂ ਗਾਇਬ ਕਰ ਦਿੱਤਾ ਗਿਆ। ਯੂਕਰੇਨ ਦੇ ਅਨੁਸਾਰ ਐਫ-16 ਦੇ ਪਾਇਲਟ ਨੇ 7 ਹਮਲਿਆਂ ਨੂੰ ਪੂਰੀ ਤਰ੍ਹਾਂ ਨਾਕਾਮ ਕਰ ਦਿੱਤਾ। ਆਖਰੀ ਮਿਜ਼ਾਈਲ ਸੁੱਟਦੇ ਸਮੇਂ ਜਹਾਜ਼ ਲਪੇਟ ਵਿੱਚ ਆ ਗਿਆ। ਇਸ ਤੋਂ ਬਾਅਦ ਜਹਾਜ਼ ਵਿੱਚ ਅੱਗ ਲੱਗ ਗਈ।
ਪਾਇਲਟ ਨੇ ਆਪਣੀ ਜਾਨ ਦੀ ਪਰਵਾਹ ਕੀਤੇ ਬਿਨਾਂ ਜਹਾਜ਼ ਨੂੰ ਆਬਾਦੀ ਤੋਂ ਦੂਰ ਲੈ ਜਾ ਕੇ ਸੁੱਟ ਦਿੱਤਾ। ਪਾਇਲਟ ਆਪਣੀ ਜਾਨ ਨਹੀਂ ਬਚਾ ਸਕਿਆ। ਅਮਰੀਕਾ ਨੇ ਹੀ ਯੂਕਰੇਨ ਨੂੰ ਡਿਫੈਂਸ ਕਰਨ ਲਈ ਐਫ-16 ਪ੍ਰਦਾਨ ਕੀਤੇ ਸਨ। ਹੁਣ ਤੱਕ ਯੂਕਰੇਨ ਆਪਣੇ 3 F-16 ਗੁਆ ਚੁੱਕਾ ਹੈ।
ਗੱਲਬਾਤ ਲਈ ਤਿਆਰ
28 ਜੂਨ ਦੀ ਰਾਤ ਨੂੰ, ਰੂਸ ਨੇ ਯੂਕਰੇਨ ਵੱਲ ਆਪਣੇ ਓਲੇਨੀਆ ਏਅਰਬੇਸ (ਮਰਮੇਸਕ) ਤੋਂ 3 ਟੀਯੂ-95 ਬੰਬਾਰ ਜਹਾਜ਼ ਲਾਂਚ ਕੀਤੇ. ਇਹ ਦੱਸਿਆ ਗਿਆ ਹੈ ਕਿ ਇਹ ਬੰਬਾਰ ਕਿਨਜ਼ਲ ਵਰਗੀਆਂ ਹਾਈਪਰਸੋਨਿਕ ਮਿਜ਼ਾਈਲਾਂ ਲਿਜਾਣ ਦੇ ਸਮਰੱਥ ਹਨ। ਹਾਲ ਹੀ ਵਿੱਚ ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੇ ਕਿਹਾ ਸੀ ਕਿ ਉਹ ਇਸਤਾਂਬੁਲ ਵਿੱਚ ਗੱਲਬਾਤ ਕਰਨ ਲਈ ਤਿਆਰ ਹਨ। ਹੁਣ ਰੂਸ ਦੇ ਹਮਲੇ ਤੋਂ ਬਾਅਦ ਸਥਿਤੀ ਬਦਲ ਗਈ ਹੈ।
