Health News : ਬੱਚਿਆਂ ਦੀ ਸਕੀਨ ਬਹੁਤ ਨਰਮ ਹੁੰਦੀ ਹੈ। ਥੋੜ੍ਹੀ ਜਿਹੀ ਲਾਪਰਵਾਹੀ ਜਾਂ ਰਸਾਇਣਕ ਉਤਪਾਦਾਂ ਦੀ ਵਰਤੋਂ ਸਕੀਨ ਨੂੰ ਖੁਸ਼ਕ ਅਤੇ ਬੇਜਾਨ ਬਣਾ ਸਕਦੀ ਹੈ। ਇਸ ਲਈ ਬੱਚਿਆਂ ਦੀ ਸਕੀਨ ਦਾ ਖਾਸ ਧਿਆਨ ਰੱਖਣਾ ਚਾਹੀਦਾ ਹੈ। ਕਈ ਵਾਰ ਬੱਚਿਆਂ ਦੇ ਚਿਹਰਿਆਂ ‘ਤੇ ਚਿੱਟੇ ਧੱਬੇ ਦਿਖਾਈ ਦੇਣ ਲੱਗ ਪੈਂਦੇ ਹਨ। ਬੱਚਿਆਂ ਦੇ ਚਿਹਰਿਆਂ ‘ਤੇ ਚਿੱਟੇ ਧੱਬੇ ਦੇਖ ਕੇ ਮਾਪੇ ਚਿੰਤਤ ਹੋ ਜਾਂਦੇ ਹਨ। ਉਹ ਡਰਦੇ ਹਨ ਕਿ ਇਹ ਕੋਈ ਬਿਮਾਰੀ ਜਾਂ ਸਰੀਰ ਵਿੱਚ ਕਿਸੇ ਪੌਸ਼ਟਿਕ ਤੱਤ ਦੀ ਘਾਟ ਹੋ ਸਕਦੀ ਹੈ। ਕੁਝ ਲੋਕ ਸੋਚਦੇ ਹਨ ਕਿ ਚਿਹਰੇ ‘ਤੇ ਚਿੱਟੇ ਧੱਬੇ ਵਿਟਾਮਿਨ ਡੀ ਅਤੇ ਕੈਲਸ਼ੀਅਮ ਦੀ ਕਮੀ ਕਾਰਨ ਹੁੰਦੇ ਹਨ। ਇਸ ਲਈ ਕੁਝ ਇਸਨੂੰ ਵਿਟਿਲਿਗੋ ਵਰਗੀ ਬਿਮਾਰੀ ਨਾਲ ਜੋੜਨਾ ਸ਼ੁਰੂ ਕਰ ਦਿੰਦੇ ਹਨ। ਆਓ ਜਾਣਦੇ ਹਾਂ ਬੱਚਿਆਂ ਦੇ ਚਿਹਰੇ ‘ਤੇ ਚਿੱਟੇ ਧੱਬੇ ਕਿਉਂ ਹੁੰਦੇ ਹਨ ਅਤੇ ਇਸਨੂੰ ਘੱਟ ਕਰਨ ਲਈ ਕੀ ਉਪਾਅ ਕਰਨੇ ਚਾਹੀਦੇ ਹਨ?
ਚਿਹਰੇ ‘ਤੇ ਚਿੱਟੇ ਧੱਬੇ ਹੋਣ ਦੇ ਕਾਰਨ
ਸ਼ਾਰਦਾ ਹਸਪਤਾਲ ਦੇ ਇੰਟਰਨਲ ਮੈਡੀਸਨ ਵਿਭਾਗ ਦੇ ਪ੍ਰੋਫੈਸਰ ਡਾ. ਭੂਮੇਸ਼ ਤਿਆਗੀ ਦੇ ਅਨੁਸਾਰ, ਬੱਚਿਆਂ ਦੇ ਚਿਹਰੇ ‘ਤੇ ਅਜਿਹੇ ਚਿੱਟੇ ਧੱਬਿਆਂ ਨੂੰ ਆਮ ਤੌਰ ‘ਤੇ ਡਾਕਟਰੀ ਭਾਸ਼ਾ ਵਿੱਚ ਪਾਈਟੀਰੀਆਸਿਸ ਐਲਬਾ ਕਿਹਾ ਜਾਂਦਾ ਹੈ। ਇਹ ਖੁਸ਼ਕ ਸਕੀਨ ਕਾਰਨ ਹੋ ਸਕਦਾ ਹੈ। ਇੰਨਾਂ ਸਫੈਦ ਧੱਬਿਆਂ ਨੂੰ ਦੂਰ ਕਰਨ ਲਈ ਸਕਿਨ ਨੂੰ ਮੋਇਸ਼ਚਰਾਈਜ਼ ਕਰੋ। ਵਰਜਿਨ ਕੋਕੋਨਟ ਆਇਲ ਲਗਾਓ ਜਿਸ ਨਾਲ ਖੁਸ਼ਕੀ ਦੂਰ ਹੋ ਸਕੇ।
ਕੈਮੀਕਲ ਤੋਂ ਬਚਾਓ- ਬੱਚਿਆਂ ਦੀ ਸਕੀਨ ਨੂੰ ਕੈਮੀਕਲ ਤੋਂ ਬਚਾਓ। ਚਿਹਰੇ ‘ਤੇ ਸਖ਼ਤ ਸਾਬਣ ਜਾਂ ਫੇਸ ਵਾਸ਼ ਦੀ ਵਰਤੋਂ ਕਰਨ ਤੋਂ ਬਚੋ। ਸਖ਼ਤ ਕੈਮੀਕਲ ਵਾਲੇ ਉਤਪਾਦ ਬੱਚੇ ਦੀ ਸਕੀਨ ਨੂੰ ਨੁਕਸਾਨ ਪਹੁੰਚਾ ਸਕਦੇ ਹਨ। ਇਸ ਨਾਲ ਸਕੀਨ ਖੁਸ਼ਕ ਹੋ ਸਕਦੀ ਹੈ ਅਤੇ ਚਿੱਟੇ ਧੱਬੇ ਦਿਖਣੇ ਸ਼ੁਰੂ ਹੋ ਜਾਦੇ ਹਨ।
ਬੱਚਿਆਂ ਨੂੰ ਸਨਸਕ੍ਰੀਨ ਲਗਾਓ- ਬੱਚਿਆਂ ਦੀ ਸਕੀਨ ਧੁੱਪ ਨਾਲ ਵੀ ਖਰਾਬ ਹੋ ਸਕਦੀ ਹੈ। ਇਸ ਲਈ, 6 ਮਹੀਨਿਆਂ ਤੋਂ ਵੱਧ ਉਮਰ ਦੇ ਬੱਚਿਆਂ ਦੇ ਚਿਹਰਿਆਂ ‘ਤੇ ਰੋਜ਼ਾਨਾ ਸਨਸਕ੍ਰੀਨ ਲਗਾਓ। ਖਾਸ ਕਰਕੇ ਧੁੱਪ ਵਿੱਚ ਬਾਹਰ ਜਾਣ ਤੋਂ ਪਹਿਲਾਂ ਬੱਚਿਆਂ ਨੂੰ ਸਨਸਕ੍ਰੀਨ ਲਗਾਓ। ਇਹ ਸਕੀਨ ਟੈਨਿੰਗ ਤੋਂ ਰੋਕੇਗਾ ਅਤੇ ਚਿਹਰੇ ‘ਤੇ ਚਿੱਟੇ ਧੱਬੇ ਨਹੀਂ ਦਿਖਾਈ ਦੇਣਗੇ। ਜੇਕਰ ਤੁਸੀਂ ਇਨ੍ਹਾਂ ਗੱਲਾਂ ਦਾ ਧਿਆਨ ਰੱਖੋਗੇ, ਤਾਂ ਬੱਚੇ ਦੇ ਚਿਹਰੇ ‘ਤੇ ਦਿਖਾਈ ਦੇਣ ਵਾਲੇ ਚਿੱਟੇ ਧੱਬੇ ਹਲਕੇ ਹੋਣੇ ਸ਼ੁਰੂ ਹੋ ਜਾਣਗੇ ਅਤੇ ਹੌਲੀ-ਹੌਲੀ ਅਲੋਪ ਹੋ ਜਾਣਗੇ।
ਡਾਕਟਰ ਨੂੰ ਕਦੋਂ ਦਿਖਾਉਣਾ ਚਾਹੀਦਾ ਹੈ?
ਡਾਕਟਰ ਦਾ ਕਹਿਣਾ ਹੈ ਕਿ ਜੇਕਰ ਚਿਹਰੇ ‘ਤੇ ਦਿਖਾਈ ਦੇਣ ਵਾਲੇ ਇਹ ਚਿੱਟੇ ਧੱਬੇ ਤੇਜ਼ੀ ਨਾਲ ਵਧ ਰਹੇ ਹਨ ਜਾਂ ਆਲੇ-ਦੁਆਲੇ ਫੈਲ ਰਹੇ ਹਨ, ਤਾਂ ਡਾਕਟਰ ਦੀ ਸਲਾਹ ਲਓ। ਜੇਕਰ ਚਿੱਟੇ ਧੱਬੇ ਲਾਲ ਹੋਣ ਲੱਗਦੇ ਹਨ ਜਾਂ ਉਨ੍ਹਾਂ ਤੇ ਖੁਜਲੀ ਸ਼ੁਰੂ ਹੋਣ ਲੱਗੇ , ਤਾਂ ਇੱਕ ਵਾਰ ਡਾਕਟਰ ਨੂੰ ਜ਼ਰੂਰ ਦਿਖਾਓ।
