ਨਵੀਂ ਦਿੱਲੀ : ਟ੍ਰੇਨ ਤੋਂ ਸਫਰ ਕਰਨ ਵਾਲਿਆਂ ਦੇ ਲਈ ਵੱਡੀ ਖ਼ਬਰ ਸਾਹਮਣੇ ਆ ਰਹੀ ਹੈ। ਖਬਰ ਹੈ ਕਿ ਭਾਰਤੀ ਰੇਲਵੇ ਨੇ ਵੰਦੇ ਭਾਰਤ ਐਕਸਪ੍ਰੈਸ ਦੇ ਸਮੇਂ ਵਿੱਚ ਵੱਡਾ ਬਦਲਾਅ ਕੀਤਾ ਹੈ।
ਮਿਲੀ ਜਾਣਕਾਰੀ ਮੁਤਾਬਕ ਭਾਰਤੀ ਰੇਲਵੇ ਨੇ ਕੰਮਕਾਜੀ ਕੁਸ਼ਲਤਾ ਨੂੰ ਸੁਧਾਰਨ ਅਤੇ ਯਾਤਰੀਆਂ ਦੇ ਤਜਰਬੇ ਨੂੰ ਹੋਰ ਬਿਹਤਰ ਬਣਾਉਣ ਲਈ ਸਾਊਥ ਵੈਸਟਰਨ ਰੇਲਵੇ (SWR) ਜ਼ੋਨ ਦੀਆਂ 4 ਪ੍ਰਮੁੱਖ ਵੰਦੇ ਭਾਰਤ ਟਰੇਨਾਂ ਦੇ ਸਮੇਂ ਵਿੱਚ ਤਬਦੀਲੀ ਕਰਨ ਦਾ ਫੈਸਲਾ ਕੀਤਾ ਹੈ।
ਸਟੇਸ਼ਨ ’ਤੇ ਬਦਲਾਅ
ਦੇਸ਼ ਭਰ ਵਿੱਚ ਚੱਲ ਰਹੀਆਂ 164 ਵੰਦੇ ਭਾਰਤ ਟ੍ਰੇਨਾਂ ਦੇ ਨੈੱਟਵਰਕ ਦੇ ਵਿਚਕਾਰ, ਇਹਨਾਂ ਚੁਣੀਆਂ ਗਈਆਂ ਟ੍ਰੇਨਾਂ ਲਈ ਨਵਾਂ ਸਮਾਂ-ਸਾਰਣੀ 15 ਮਾਰਚ, 2026 ਤੋਂ ਲਾਗੂ ਹੋ ਜਾਵੇਗੀ। ਯਸ਼ਵੰਤਪੁਰ-ਕਾਚੇਗੁੜਾ ਵੰਦੇ ਭਾਰਤ ਐਕਸਪ੍ਰੈਸ (ਟ੍ਰੇਨ ਨੰਬਰ 20704), ਜੋ ਕਿ ਸਤੰਬਰ 2023 ਤੋਂ ਚੱਲ ਰਹੀ ਹੈ, ਦਾ ਸਮਾਂ ਹਿੰਦੂਪੁਰ ਸਟੇਸ਼ਨ ‘ਤੇ ਬਦਲ ਦਿੱਤਾ ਗਿਆ ਹੈ।
ਇਸ ਦੌਰਾਨ ਹੁਣ ਇਹ ਟ੍ਰੇਨ ਦੁਪਹਿਰ 12:08 ਵਜੇ ਦੀ ਬਜਾਏ ਦੁਪਹਿਰ 12:17 ਵਜੇ ਹਿੰਦੂਪੁਰ ਪਹੁੰਚੇਗੀ। ਇਸੇ ਤਰ੍ਹਾਂ, ਵਾਪਸੀ ਵਾਲੀ ਟ੍ਰੇਨ, ਕਾਚੇਗੁਡਾ-ਯਸ਼ਵੰਤਪੁਰ ਵੰਦੇ ਭਾਰਤ (ਟ੍ਰੇਨ ਨੰਬਰ 20703), ਜੋ ਸ਼ੁੱਕਰਵਾਰ ਨੂੰ ਛੱਡ ਕੇ ਹਫ਼ਤੇ ਵਿੱਚ ਛੇ ਦਿਨ ਚੱਲਦੀ ਹੈ, ਹੁਣ ਹਿੰਦੂਪੁਰ ਸਟੇਸ਼ਨ ‘ਤੇ 15:48 ਦੀ ਬਜਾਏ 15:55 ਵਜੇ ਪਹੁੰਚੇਗੀ।
ਦੋ ਪ੍ਰਮੁੱਖ ਸਟੇਸ਼ਨਾਂ ‘ਤੇ ਮੁੜ ਸਮਾਂ-ਸਾਰਣੀ
ਕਲਬੁਰਗੀ ਅਤੇ ਬੰਗਲੁਰੂ ਦੇ ਵਿਚਕਾਰ 550 ਕਿਲੋਮੀਟਰ ਦੀ ਦੂਰੀ ਤੈਅ ਕਰਨ ਵਾਲੇ ਇਸ ਟ੍ਰੇਨ ਦੇ ਸਮੇਂ ਵਿੱਚ ਦੋ ਪ੍ਰਮੁੱਖ ਸਟੇਸ਼ਨਾਂ ‘ਤੇ ਫੇਰਬਦਲ ਹੋਇਆ ਹੈ। 15 ਮਾਰਚ ਤੋਂ, ਟ੍ਰੇਨ ਸ਼੍ਰੀ ਸੱਤਿਆ ਸਾਈਂ ਪ੍ਰਸ਼ਾਂਤੀ ਨਿਲਯਮ ਸਟੇਸ਼ਨ ‘ਤੇ ਆਪਣੇ ਪਿਛਲੇ 11:00 ਵਜੇ ਦੀ ਬਜਾਏ ਹੁਣ 11:13 ਵਜੇ ਪਹੁੰਚੇਗੀ।
ਯੇਲਹਾਂਕਾ ਸਟੇਸ਼ਨ ‘ਤੇ ਪਹੁੰਚਣ ਦੇ ਸਮੇਂ ਵਿੱਚ ਵੀ ਇੱਕ ਵੱਡਾ ਬਦਲਾਅ ਆਇਆ ਹੈ; ਹੁਣ ਇਹ 12:28 ਦੀ ਬਜਾਏ 12:58 ਵਜੇ ਉੱਥੇ ਪਹੁੰਚੇਗੀ। ਵਾਪਸੀ ਵਾਲੀ ਟ੍ਰੇਨ ਨੰਬਰ 22232, ਜੋ ਵੀਰਵਾਰ ਨੂੰ ਛੱਡ ਕੇ ਰੋਜ਼ਾਨਾ ਚੱਲਦੀ ਹੈ, ਉਸ ਦੇ ਸਮੇਂ ਵਿੱਚ ਸੋਧਿਆ ਕੀਤਾ ਗਿਆ ਹੈ।
ਵਾਪਸੀ ਟ੍ਰੇਨ ਦਾ ਨਵਾਂ ਸ਼ਡਿਊਲ
ਨਵੇਂ ਸ਼ਡਿਊਲ ਦੇ ਅਨੁਸਾਰ, ਇਹ ਟ੍ਰੇਨ ਹੁਣ ਯੇਲਹਾਂਕਾ ਸਟੇਸ਼ਨ ‘ਤੇ ਦੁਪਹਿਰੇ 15:05 ਦੀ ਬਜਾਏ 15:09 ਵਜੇ ਪਹੁੰਚੇਗੀ। ਇਸ ਦੇ ਨਾਲ ਹੀ ਇਲਾਵਾ, ਸ਼੍ਰੀ ਸੱਤਿਆ ਸਾਈਂ ਪ੍ਰਸ਼ਾਂਤੀ ਨਿਲਯਮ ਸਟੇਸ਼ਨ ‘ਤੇ ਇਸ ਦੇ ਪਹੁੰਚਣ ਦਾ ਸਮਾਂ 16:23 ਤੋਂ 16:45 ਵਜੇ ਕਰ ਦਿੱਤਾ ਗਿਆ ਹੈ।
