ਗੈਜੇਟ : ਜੇਕਰ ਤੁਸੀਂ ਵੀ ਉਨ੍ਹਾਂ ਲੋਕਾਂ ਵਿੱਚੋਂ ਹੋ ਜੋ ਕਈ ਵਾਰ ਜ਼ਰੂਰੀ ਮੈਸੇਜ ਪੜ੍ਹਨਾ ਭੁੱਲ ਜਾਂਦੇ ਹਨ ਜਾਂ ਬਹੁਤ ਸਾਰੇ ਮੈਸੇਜ ਦੇਖ ਕੇ ਉਲਝਣ ਵਿੱਚ ਪੈ ਜਾਂਦੇ ਹਨ, ਤਾਂ ਹੁਣ ਤੁਹਾਡੇ ਲਈ ਖੁਸ਼ਖਬਰੀ ਹੈ। ਵਟਸਐਪ ਨੇ ਇੱਕ ਨਵਾਂ AI ਫੀਚਰ ਲਾਂਚ ਕੀਤਾ ਹੈ ਜੋ ਖਾਸ ਤੁਹਾਡੇ ਲਈ ਹੀ ਹੈ। ਇਸ ਫੀਚਰ ਦਾ ਨਾਮ ਹੈ AI Summarize, ਅਤੇ ਇਸਦਾ ਕੰਮ ਹੈ ਤੁਹਾਡੇ ਸਾਰੇ ਅਣਪੜ੍ਹੇ (ਅਨਰੀਡ) ਮੈਸੇਜ ਦਾ ਛੋਟਾ ਅਤੇ ਆਸਾਨ ਸਾਰ ਬਣਾਉਣਾ।
ਹੁਣ ਹਰ ਜਰੂਰੀ ਮੈਸੇਜ ਮਿਲੇਗਾ ਇੱਕ ਨਜ਼ਰ ਵਿੱਚ
WhatsApp ਦਾ ਇਹ ਨਵਾਂ AI ਫੀਚਰ ਗਰੁੱਪ ਚੈਟਾਂ ਅਤੇ ਪਰਸਨਲ ਦੋਵਾਂ ਤਰ੍ਹਾਂ ਦੇ ਮੈਸੇਜ ਲਈ ਕੰਮ ਕਰੇਗਾ। ਇਸਦਾ ਮਤਲਬ ਇਹ ਕਿ ਚਾਹੇ ਦੋਸਤਾਂ ਦੀ ਗਰੁੱਪ ਚੈਟ ਹੋਵੇ ਜਾਂ ਦਫਤਰ ਦੇ ਜ਼ਰੂਰੀ ਮੈਸੇਜ ਹੁਣ ਤੁਸੀਂ ਬਿਨਾਂ ਹਰ ਇੱਕ ਮੈਸੇਜ ਨੂੰ ਖੋਲ੍ਹੇ ਵੀ ਜਾਣ ਸਕੋਗੇ ਕਿ ਗੱਲ ਕੀ ਚੱਲ ਰਹੀ ਹੈ।
AI ਸੰਖੇਪ ਫੀਚਰ ਤੁਹਾਨੂੰ ਉਨ੍ਹਾਂ ਸਾਰੇ ਮੈਸੇਜ ਦੀ ਝਲਕ ਦੇਵੇਗਾ ਜੋ ਤੁਸੀਂ ਹੁਣ ਤੱਕ ਨਹੀਂ ਪੜ੍ਹੇ। ਇਸ ਨਾਲ ਤੁਹਾਨੂੰ ਕੋਈ ਵੀ ਜਰੂਰੀ ਜਾਣਕਾਰੀ ਮਿਸ ਨਹੀਂ ਕਰਨੀ ਪਵੇਗੀ ਅਤੇ ਤੁਸੀਂ ਹਰ ਸਮੇਂ ਅਪਡੇਟ ਰਹੋਗੇ।
ਪ੍ਰਾਈਵੇਸੀ ‘ਤੇ ਪੂਰਾ ਭਰੋਸਾ
ਵਟਸਐਪ ਹਮੇਸ਼ਾ ਤੋਂ ਆਪਣੀ ਪ੍ਰਾਈਵੇਸੀ ਪਾਲਿਸੀ ਨੂੰ ਲੈ ਕੇ ਗੰਭੀਰ ਰਿਹਾ ਹੈ, ਅਤੇ ਇਸ ਵਾਰ ਵੀ ਕੰਪਨੀ ਨੇ ਸਾਫ਼ ਕਰ ਦਿੱਤਾ ਹੈ ਕਿ ਯੂਜ਼ਰਸ ਦੀ ਨਿੱਜੀ ਜਾਣਕਾਰੀ ਪੂਰੀ ਤਰ੍ਹਾਂ ਸੁਰੱਖਿਅਤ ਰਹੇਗੀ। ਇਹ ਨਵਾਂ AI ਫੀਚਰ Private Processing ਨਾਮ ਦੀ ਤਕਨੀਕ ‘ਤੇ ਕੰਮ ਕਰਦਾ ਹੈ, ਜੋ ਇਹ ਯਕੀਨੀ ਬਣਾਉਂਦਾ ਹੈ ਕਿ ਤੁਹਾਡੀ ਗੱਲਬਾਤ ਸਿਰਫ਼ ਤੁਹਾਡੇ ਲਈ ਹੀ ਰਹੇ।
ਵਟਸਐਪ ਦਾ ਕਹਿਣਾ ਹੈ ਕਿ ਇਹ ਪ੍ਰੋਸੈਸਿੰਗ Trusted Execution Environment (TEE) ਨਾਮ ਦੇ ਸੁਰੱਖਿਅਤ ਇਨਫਰਾਸਟਰਕਚਰ ‘ਤੇ ਹੁੰਦੀ ਹੈ, ਜੋ ਡਾਟਾ ਨੂੰ ਪੂਰੀ ਤਰ੍ਹਾਂ ਪ੍ਰਾਈਵੇਟ ਅਤੇ ਸੁਰੱਖਿਅਤ ਬਣਾਉਂਦਾ ਹੈ।
AI ਦੇਵੇਗਾ ਮੈਸੇਜ ਦਾ ਸਾਰ ਅਤੇ ਸੁਝਾਅ
ਇਸ ਨਵੇਂ ਫੀਚਰ ਦੀ ਇੱਕ ਹੋਰ ਖਾਸ ਗੱਲ ਇਹ ਹੈ ਕਿ ਇਹ ਨਾ ਸਿਰਫ਼ ਸੁਨੇਹੇ ਦਾ ਸਾਰ ਦੇਵੇਗਾ, ਸਗੋਂ ਤੁਹਾਨੂੰ ਇਹ ਵੀ ਸੁਝਾਅ ਦੇਵੇਗਾ ਕਿ ਕਿਹੜੇ ਸੁਨੇਹੇ ਜ਼ਰੂਰੀ ਹਨ ਅਤੇ ਕਿਸ ਨੂੰ ਤੁਰੰਤ ਪੜ੍ਹਨ ਦੀ ਲੋੜ ਨਹੀਂ। ਯਾਨੀ ਤੁਹਾਡਾ ਸਮਾਂ ਵੀ ਬਚੇਗਾ ਅਤੇ ਜ਼ਰੂਰੀ ਗੱਲ ਵੀ ਤੁਹਾਡੇ ਤੱਕ ਪਹੁੰਚ ਜਾਵੇਗੀ।
ਕਿੱਥੇ ਅਤੇ ਕਿਵੇਂ ਮਿਲੇਗਾ ਇਹ ਫੀਚਰ?
ਫਿਲਹਾਲ ਇਹ ਫੀਚਰ ਅਮਰੀਕਾ ਵਿੱਚ ਕੁਝ ਯੂਜ਼ਰਾਂ ਲਈ ਉਪਲਬਧ ਹੈ ਅਤੇ ਅਜੇ ਸਿਰਫ਼ ਅੰਗਰੇਜ਼ੀ ਭਾਸ਼ਾ ਨੂੰ ਸਪੋਰਟ ਕਰਦਾ ਹੈ। ਪਰ ਕੰਪਨੀ ਦੀ ਯੋਜਨਾ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ ਇਸਨੂੰ ਦੂਜੀਆਂ ਭਾਸ਼ਾਵਾਂ ਵਿੱਚ ਵੀ ਲਿਆਂਦਾ ਜਾਵੇਗਾ, ਤਾਂ ਜੋ ਵੱਧ ਤੋਂ ਵੱਧ ਲੋਕ ਇਸਦਾ ਫਾਇਦਾ ਉਠਾ ਸਕਣ।
ਜਦੋਂ ਇਹ ਫੀਚਰ ਤੁਹਾਡੇ WhatsApp ਵਿੱਚ ਆਵੇਗਾ, ਤਾਂ ਤੁਹਾਨੂੰ ਆਪਣੇ ਚੈਟ ਸੈਕਸ਼ਨ ਵਿੱਚ ਹੀ ਸਾਰੇ ਅਣਪੜ੍ਹੇ ਮੈਸੇਜ ਦਾ ਸਾਰਾਂਸ਼ ਲਿਸਟ ਜਾਂ ਬੁਲੇਟ ਫਾਰਮ ਵਿੱਚ ਦਿਖਾਈ ਦੇਵੇਗਾ। ਇਸ ਨਾਲ ਹਰ ਜ਼ਰੂਰੀ ਗੱਲ ‘ਤੇ ਨਜ਼ਰ ਰੱਖਣਾ ਹੋਰ ਵੀ ਆਸਾਨ ਹੋ ਜਾਵੇਗਾ।
WhatsApp ਦਾ ਇਹ ਨਵਾਂ AI Summarize ਫੀਚਰ ਖਾਸ ਉਨ੍ਹਾਂ ਲੋਕਾਂ ਲਈ ਵਰਦਾਨ ਸਾਬਤ ਹੋ ਸਕਦਾ ਹੈ ਜੋ ਰੋਜ਼ਾਨਾ ਸੈਂਕੜੇ ਮੈਸੇਜਾਂ ਤੋਂ ਪਰੇਸ਼ਾਨ ਰਹਿੰਦੇ ਹਨ ਜਾਂ ਸਮੇਂ ਦੀ ਘਾਟ ਕਾਰਨ ਸਭ ਕੁਝ ਪੜ੍ਹ ਨਹੀਂ ਪਾਉਂਦੇ। ਹੁਣ ਜ਼ਰੂਰੀ ਗੱਲਾਂ ਨਾਲ ਜੁੜਨਾ ਪਹਿਲਾਂ ਨਾਲੋਂ ਕਿਤੇ ਜ਼ਿਆਦਾ ਆਸਾਨ ਹੋ ਜਾਵੇਗਾ, ਉਹ ਵੀ ਬਿਨਾਂ ਤੁਹਾਡੀ ਪ੍ਰਾਈਵੇਸੀ ਨਾਲ ਕੋਈ ਸਮਝੌਤਾ ਕੀਤੇ।
