ਮੇਘਾਲਿਆ : ਮੇਘਾਲਿਆ ਵਿੱਚ ਹਨੀਮੂਨ ਦੌਰਾਨ ਮਾਰੇ ਗਏ ਇੰਦੌਰ ਦੇ ਟਰਾਂਸਪੋਰਟ ਕਾਰੋਬਾਰੀ ਰਾਜਾ ਰਘੁਵੰਸ਼ੀ ਦੇ ਪਰਿਵਾਰ ਨੇ ਬੀਤੇ ਦਿਨ (29 ਜੁਲਾਈ) ਨੂੰ ਘੋਸ਼ਣਾ ਕੀਤੀ ਕਿ ਇਸ ਵੱਡੇ ਮਾਮਲੇ ‘ਤੇ ਫਿਲਮ ਬਣਾਉਣ ਲਈ ਉਨ੍ਹਾਂ ਨੇ ਆਪਣੀ ਸਹਿਮਤੀ ਦੇ ਦਿੱਤੀ ਹੈ। ਰਘੁਵੰਸ਼ੀ ਦੇ ਵੱਡੇ ਭਰਾ ਸਚਿਨ ਨੇ ਦੱਸਿਆ ਕਿ, “ਸਾਡੇ ਪਰਿਵਾਰ ਨੇ ਮੇਰੇ ਭਰਾ ਦੀ ਹੱਤਿਆ ਦੇ ਮਾਮਲੇ ‘ਤੇ ਫਿਲਮ ਬਣਾਉਣ ਲਈ ਆਪਣੀ ਸਹਿਮਤੀ ਦੇ ਦਿੱਤੀ ਹੈ। ਜੇ ਅਸੀਂ ਮੇਰੇ ਭਰਾ ਦੀ ਹੱਤਿਆ ਦੀ ਕਹਾਣੀ ਵੱਡੇ ਪਰਦੇ ‘ਤੇ ਨਹੀਂ ਲਿਆਵਾਂਗੇ ਤਾਂ ਲੋਕਾਂ ਨੂੰ ਪਤਾ ਨਹੀਂ ਲੱਗੇਗਾ ਕਿ ਇਸ ਮਾਮਲੇ ਵਿੱਚ ਕੌਣ ਸਹੀ ਸੀ ਤੇ ਕੌਣ ਗਲਤ?”
ਰਘੂਵੰਸ਼ੀ ਦੇ ਦੂਜੇ ਵੱਡੇ ਭਰਾ ਵਿਪਿਨ ਨੇ ਕਿਹਾ ਕਿ ਉਨ੍ਹਾਂ ਦੇ ਪਰਿਵਾਰ ਵੱਲੋਂ ਉਨ੍ਹਾਂ ਦੇ ਭਰਾ ਦੇ ਕਤਲ ‘ਤੇ ਬਣਨ ਵਾਲੀ ਫਿਲਮ ਲਈ ਸਹਿਮਤੀ ਦੇਣ ਦਾ ਉਦੇਸ਼ ਮੇਘਾਲਿਆ ਦੀ ‘ਸੱਚੀ ਤਸਵੀਰ’ ਨੂੰ ਲੋਕਾਂ ਸਾਹਮਣੇ ਪੇਸ਼ ਕਰਨਾ ਵੀ ਸੀ। ਰਾਜਾ ਰਘੂਵੰਸ਼ੀ ਕਤਲ ਕੇਸ ‘ਤੇ ਆਧਾਰਿਤ ਫਿਲਮ ਦਾ ਨਾਮ “ਹਨੀਮੂਨ ਇਨ ਸ਼ਿਲਾਂਗ” ਦੱਸਿਆ ਜਾ ਰਿਹਾ ਹੈ। ਇਸ ਬਾਰੇ ਫਿਲਹਾਲ ਕੋਈ ਪੁਸ਼ਟੀ ਨਹੀਂ ਹੈ।
ਇਸ ਪ੍ਰਸਤਾਵਿਤ ਫਿਲਮ ਦੇ ਨਿਰਦੇਸ਼ਕ ਐਸ.ਪੀ ਨਿੰਬਾਵਤ ਨੇ ਕਿਹਾ, “ਰਾਜਾ ਰਘੂਵੰਸ਼ੀ ਨੂੰ ਆਪਣੇ ਵਿਆਹ ਤੋਂ ਬਾਅਦ ਇੱਕ ਵੱਡੇ ਵਿਸ਼ਵਾਸਘਾਤ ਦਾ ਸਾਹਮਣਾ ਕਰਨਾ ਪਿਆ। ਅਸੀਂ ਆਪਣੀ ਫਿਲਮ ਰਾਹੀਂ ਜਨਤਾ ਨੂੰ ਸੁਨੇਹਾ ਦੇਣਾ ਚਾਹੁੰਦੇ ਹਾਂ ਕਿ ਵਿਸ਼ਵਾਸਘਾਤ ਦੀਆਂ ਅਜਿਹੀਆਂ ਘਟਨਾਵਾਂ ਨੂੰ ਰੋਕਿਆ ਜਾਣਾ ਚਾਹੀਦਾ ਹੈ।”
ਫਿਲਮ ਦੇ ਕਲਾਕਾਰਾਂ ਦੇ ਨਾਮ ਦੱਸੇ ਬਿਨਾਂ, ਉਨ੍ਹਾਂ ਕਿਹਾ, “ਸਾਡੀ ਫਿਲਮ ਦੀ ਸਕ੍ਰਿਪਟ ਤਿਆਰ ਹੈ। ਇਸਦੀ 80 ਪ੍ਰਤੀਸ਼ਤ ਸ਼ੂਟਿੰਗ ਇੰਦੌਰ ਵਿੱਚ ਅਤੇ 20 ਪ੍ਰਤੀਸ਼ਤ ਮੇਘਾਲਿਆ ਦੇ ਵੱਖ-ਵੱਖ ਖੇਤਰਾਂ ਵਿੱਚ ਕੀਤੀ ਜਾਵੇਗੀ।”
ਇੰਦੌਰ ਦੇ ਟ੍ਰਾਂਸਪੋਰਟ ਕਾਰੋਬਾਰੀ ਰਾਜਾ ਰਘੁਵੰਸ਼ੀ 23 ਮਈ ਨੂੰ ਮੇਘਾਲਿਆ ਵਿੱਚ ਹਨੀਮੂਨ ਦੌਰਾਨ ਗਾਇਬ ਹੋ ਗਏ ਸਨ। ਉਹਨਾਂ ਦਾ ਖ਼ਤਮ ਹੋਇਆ ਲਾਸ਼ ਪੂਰਬੀ ਖਾਸੀ ਹਿਲਜ਼ ਜ਼ਿਲ੍ਹੇ ਦੇ ਸੋਹਰਾ ਖੇਤਰ (ਜਿਸਨੂੰ ਚੇਰਾਪੂੰਜੀ ਵੀ ਕਹਿੰਦੇ ਹਨ) ਵਿੱਚ ਇੱਕ ਝਰਣੇ ਦੇ ਨੇੜੇ ਇੱਕ ਡੂੰਘੀ ਖਾਈ ਵਿੱਚ 2 ਜੂਨ ਨੂੰ ਮਿਲੀ ਸੀ। ਰਾਜਾ ਰਘੁਵੰਸ਼ੀ ਹੱਤਿਆਕਾਂਡ ਵਿੱਚ ਉਸ ਦੀ ਪਤਨੀ ਸੋਨਮ ਅਤੇ ਉਸਦੇ ਕਥਿਤ ਪ੍ਰੇਮੀ ਰਾਜ ਕੁਸ਼ਵਾਹ ਸਮੇਤ ਅੱਠ ਲੋਕਾਂ ਨੂੰ ਗਿਰਫ਼ਤਾਰ ਕੀਤਾ ਗਿਆ ਸੀ।
