ਓਟਾਵਾ, 10 ਜੂਨ 2026 — ਕੈਨੇਡਾ ਦੀ ਕੰਜ਼ਰਵੇਟਿਵ ਪਾਰਟੀ ਦੇ MP Bernard Généreux ਨੂੰ ਦਿਲ ਨਾਲ ਸੰਬੰਧਿਤ ਸਮੱਸਿਆ ਆਉਣ ਤੋਂ ਬਾਅਦ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਗਿਆ ਹੈ। ਪਾਰਟੀ ਲੀਡਰ Pierre Poilievre ਨੇ ਹਾਊਸ ਆਫ ਕਾਮਨਜ਼ ਵਿੱਚ ਇਹ ਜਾਣਕਾਰੀ ਦਿੱਤੀ ਅਤੇ ਉਨ੍ਹਾਂ ਦੀ ਸਿਹਤ ਲਈ ਚਿੰਤਾ ਜਤਾਈ।
Poilievre ਨੇ ਦੱਸਿਆ ਕਿ ਅੱਜ ਸਵੇਰੇ ਹੋਈ ਕੰਜ਼ਰਵੇਟਿਵ ਕਾਕਸ ਮੀਟਿੰਗ ਦੌਰਾਨ Généreux ਦੀ ਤਬੀਅਤ ਅਚਾਨਕ ਖਰਾਬ ਹੋ ਗਈ, ਜਿਸ ਤੋਂ ਬਾਅਦ ਐਂਬੂਲੈਂਸ ਬੁਲਾਈ ਗਈ ਅਤੇ ਉਨ੍ਹਾਂ ਨੂੰ ਤੁਰੰਤ ਹਸਪਤਾਲ ਪਹੁੰਚਾਇਆ ਗਿਆ।
ਉਨ੍ਹਾਂ ਅਨੁਸਾਰ, 64 ਸਾਲਾ MP ਦੀ ਹਾਲਤ ਇਸ ਵੇਲੇ ਸਥਿਰ (stable) ਦੱਸੀ ਜਾ ਰਹੀ ਹੈ, ਪਰ ਉਹ ਹਜੇ ਡਾਕਟਰਾਂ ਦੀ ਨਿਗਰਾਨੀ ਹੇਠ ਹਨ।
ਸਰਕਾਰ ਵੱਲੋਂ ਵੀ ਇਸ ਘਟਨਾ ‘ਤੇ ਪ੍ਰਤੀਕਿਰਿਆ ਆਈ ਹੈ, ਜਿੱਥੇ ਹਾਊਸ ਲੀਡਰ ਨੇ ਉਨ੍ਹਾਂ ਦੀ ਜਲਦੀ ਸਿਹਤਯਾਬੀ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ।
Bernard Généreux ਕਿਊਬੈਕ ਦੀ ਰਾਈਡਿੰਗ Côte-du-Sud–Rivière-du-Loup–Kataskomiq–Témiscouata ਤੋਂ ਚੁਣੇ ਗਏ MP ਹਨ ਅਤੇ ਕਈ ਵਾਰ ਸੰਸਦ ਵਿੱਚ ਚੁਣੇ ਜਾ ਚੁੱਕੇ ਹਨ।
