ਵਿਸ਼ਾਖਾਪਟਨਮ: ਇਸ ਸੀਜ਼ਨ ਵਿੱਚ ਆਪਣੀ ਪਹਿਲੀ ਜਿੱਤ ਦੀ ਤਲਾਸ਼ ਕਰ ਰਹੀ ਦਿੱਲੀ ਕੈਪੀਟਲਜ਼ (Delhi Capitals) ਨੂੰ ਅੱਜ ਯਾਨੀ 31 ਮਾਰਚ ਨੂੰ ਚੇਨਈ ਸੁਪਰ ਕਿੰਗਜ਼ (Chennai Super Kings) ਦੇ ਰੂਪ ਵਿੱਚ ਸਭ ਤੋਂ ਸਖ਼ਤ ਚੁਣੌਤੀ ਦਾ ਸਾਹਮਣਾ ਕਰਨਾ ਪਵੇਗਾ। ਦਿੱਲੀ ਪਿਛਲੇ ਚਾਰ ਮੁਕਾਬਲਿਆਂ ਵਿੱਚ ਸੀਐਸਕੇ (CSK) ਦੀ ਚੁਣੌਤੀ ਨੂੰ ਪਾਰ ਨਹੀਂ ਕਰ ਸਕੀ ਹੈ ਅਤੇ ਇਸ ਵਿੱਚ ਵੀ ਉਨ੍ਹਾਂ ਦੀ ਹਾਰ ਦਾ ਫਰਕ 91 ਦੌੜਾਂ, 27 ਦੌੜਾਂ ਅਤੇ 77 ਦੌੜਾਂ ਦਾ ਰਿਹਾ ਹੈ।ਜੋ ਉਨ੍ਹਾਂ ਦੀ ਹਾਲਤ ਦਰਸਾਉਣ ਲਈ ਕਾਫੀ ਹੈ। ਦੂਜੇ ਪਾਸੇ ਮੌਜੂਦਾ ਨਵੇਂ ਕਪਤਾਨ ਰੁਤੁਰਾਜ ਗਾਇਕਵਾੜ ਦੀ ਅਗਵਾਈ ‘ਚ ਚੈਂਪੀਅਨ ਚੇਨਈ ਨੇ ਸੀਜ਼ਨ ਦੀ ਸ਼ੁਰੂਆਤ ਦੋ ਧਮਾਕੇਦਾਰ ਜਿੱਤਾਂ ਨਾਲ ਕੀਤੀ ਹੈ ਅਤੇ ਉਨ੍ਹਾਂ ਦਾ ਟੀਚਾ ਜਿੱਤ ਦੀ ਹੈਟ੍ਰਿਕ ਲਗਾਉਣ ਦਾ ਹੋਵੇਗਾ। ਲਗਾਤਾਰ ਦੋ ਮੈਚ ਹਾਰਨ ਤੋਂ ਬਾਅਦ ਦਿੱਲੀ ਕੈਪੀਟਲਸ ਹੁਣ ਵਿਸ਼ਾਖਾਪਟਨਮ ਵਿੱਚ ਆਪਣੀ ਪਹਿਲੀ ਜਿੱਤ ਦਰਜ ਕਰਨ ਦੀ ਕੋਸ਼ਿਸ਼ ਕਰੇਗੀ। ਆਓ ਜਾਣਦੇ ਹਾਂ ਸੁਪਰ ਸੰਡੇ ਦੇ ਇਸ ਮੈਚ ‘ਚ ਪਿੱਚ ਦਾ ਰੂਪ ਕਿਹੋ ਜਿਹਾ ਹੋਵੇਗਾ।
ਦਿੱਲੀ ਅਤੇ ਚੇਨਈ ਮੈਚ ਦੀ ਪਿਚ ਰਿਪੋਰਟ
ਵਿਸ਼ਾਖਾਪਟਨਮ ਵਿੱਚ ਏਸੀਏ-ਵੀਡੀਸੀਏ ਕ੍ਰਿਕਟ ਸਟੇਡੀਅਮ ਦੀ ਪਿੱਚ ਬੱਲੇਬਾਜ਼ਾਂ ਲਈ ਲਾਹੇਵੰਦ ਸਾਬਤ ਹੁੰਦੀ ਹੈ। ਇੱਥੇ ਬੱਲੇਬਾਜ਼ਾਂ ਨੂੰ ਪਿੱਚ ਤੋਂ ਚੰਗੀ ਮਦਦ ਮਿਲਦੀ ਹੈ। ਉਹ ਇੱਥੇ ਖੁੱਲ੍ਹ ਕੇ ਦੌੜਾਂ ਬਣਾਉਂਦੇ ਹਨ। ਹਾਲਾਂਕਿ, ਸਪਿਨਰ ਬੱਲੇਬਾਜ਼ਾਂ ਨੂੰ ਥੋੜਾ ਪਰੇਸ਼ਾਨ ਕਰ ਸਕਦੇ ਹਨ। ਨਵੀਂ ਪਿਚ ਕਾਰਨ ਤੇਜ਼ ਗੇਂਦਬਾਜ਼ਾਂ ਨੂੰ ਵੀ ਸ਼ੁਰੂਆਤ ‘ਚ ਕੁਝ ਮਦਦ ਮਿਲ ਸਕਦੀ ਹੈ।
ਹੁਣ ਤੱਕ ਇਸ ਗਰਾਊਂਡ ਵਿੱਚ ਆਈਪੀਐਲ ਦੇ ਕੁੱਲ 13 ਮੈਚ ਖੇਡੇ ਜਾ ਚੁੱਕੇ ਹਨ, ਜਿਨ੍ਹਾਂ ਵਿੱਚੋਂ ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਨੇ 6 ਅਤੇ ਦੂਜੇ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਨੇ 7 ਮੈਚ ਜਿੱਤੇ ਹਨ।ਪਹਿਲੀ ਪਾਰੀ ਦਾ ਔਸਤ ਸਕੋਰ ਵਿਸ਼ਾਖਾਪਟਨਮ ਵਿੱਚ ਆਈਪੀਐਲ ਵਿੱਚ 158 ਰਿਹਾ ਹੈ ਜਦਕਿ ਦੂਜੀ ਪਾਰੀ ਦਾ ਸਕੋਰ 131 ਹੈ।
ਦੋਵੇਂ ਟੀਮਾਂ ਦੀ ਸੰਭਾਵਿਤ ਪਲੇਇੰਗ 11
ਦਿੱਲੀ ਕੈਪੀਟਲਜ਼: ਡੇਵਿਡ ਵਾਰਨਰ, ਪ੍ਰਿਥਵੀ ਸ਼ਾਅ, ਮਿਸ਼ੇਲ ਮਾਰਸ਼, ਰਿਸ਼ਭ ਪੰਤ (ਕਪਤਾਨ, ਵਿਕਟਕੀਪਰ), ਅਭਿਸ਼ੇਕ ਪੋਰੇਲ, ਟ੍ਰਿਸਟਨ ਸਟੱਬਸ, ਅਕਸ਼ਰ ਪਟੇਲ, ਐਨਰਿਕ ਨੌਰਟਜੇ, ਖਲੀਲ ਅਹਿਮਦ, ਕੁਲਦੀਪ ਯਾਦਵ, ਇਸ਼ਾਂਤ ਸ਼ਰਮਾ।
