ਸਪੋਰਟਸ ਡੈਸਕ: ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀ.ਸੀ.ਸੀ.ਆਈ.) ਨੂੰ ਇਹ ਸਪੱਸ਼ਟ ਨਹੀਂ ਹੈ ਕਿ ਵਿਰਾਟ ਕੋਹਲੀ (Virat Kohli) ਇੰਗਲੈਂਡ ਖ਼ਿਲਾਫ਼ ਟੈਸਟ ਸੀਰੀਜ਼ ‘ਚ ਖੇਡਣ ਲਈ ਵਾਪਸੀ ਕਰਨਗੇ ਜਾਂ ਨਹੀਂ। ਸੀਨੀਅਰ ਭਾਰਤੀ ਬੱਲੇਬਾਜ਼ ਨੇ ਨਿੱਜੀ ਕਾਰਨਾਂ ਕਰਕੇ ਇੰਗਲੈਂਡ ਖ਼ਿਲਾਫ਼ ਪਹਿਲੇ ਦੋ ਟੈਸਟ ਮੈਚਾਂ ਤੋਂ ਛੁੱਟੀ ਮੰਗੀ ਸੀ। ਹਾਲਾਂਕਿ ਬੀਸੀਸੀਆਈ ਨੇ ਇਹ ਸਪੱਸ਼ਟ ਨਹੀਂ ਕੀਤਾ ਹੈ ਕਿ ਇਹ ਬੱਲੇਬਾਜ਼ ਭਾਰਤੀ ਟੀਮ ਵਿੱਚ ਕਦੋਂ ਵਾਪਸੀ ਕਰਨਗੇ।
ਬੀਸੀਸੀਆਈ ਨੇ ਪ੍ਰਸ਼ੰਸਕਾਂ ਅਤੇ ਮੀਡੀਆ ਨੂੰ ਇਸ ਮਾਮਲੇ ‘ਤੇ ਅਟਕਲਾਂ ਨਾ ਲਗਾਉਣ ਦੀ ਅਪੀਲ ਕੀਤੀ ਸੀ। ਹਾਲਾਂਕਿ, ਕੋਹਲੀ ਦੇ ਕਰੀਬੀ ਦੋਸਤ ਏਬੀ ਡਿਵਿਲੀਅਰਸ ਨੇ ਇੱਕ ਯੂਟਿਊਬ ਲਾਈਵ ਸੈਸ਼ਨ ਵਿੱਚ ਖੁਲਾਸਾ ਕੀਤਾ ਕਿ ਕੋਹਲੀ ਆਪਣੀ ਪਤਨੀ ਅਨੁਸ਼ਕਾ ਸ਼ਰਮਾ ਨਾਲ ਆਪਣੇ ਦੂਜੇ ਬੱਚੇ ਦੀ ਉਮੀਦ ਕਰ ਰਹੇ ਹਨ। ਮਾਮਲੇ ਦੀ ਜਾਣਕਾਰੀ ਰੱਖਣ ਵਾਲੇ ਬੀਸੀਸੀਆਈ ਦੇ ਇੱਕ ਸੂਤਰ ਨੇ ਗੋਪਨੀਅਤਾ ਦੀ ਸ਼ਰਤ ‘ਤੇ ਕਿਹਾ, ‘ਬੀਸੀਸੀਆਈ ਦੀ ਪ੍ਰੈਸ ਰਿਲੀਜ਼ ਵਿੱਚ ਕਿਹਾ ਗਿਆ ਹੈ ਕਿ ਪਰਿਵਾਰ ਸਭ ਤੋਂ ਪਹਿਲਾਂ ਆਉਂਦਾ ਹੈ ਅਤੇ ਵਿਰਾਟ ਉਦੋਂ ਹੀ ਖੇਡਣਗੇ ਜਦੋਂ ਉਨ੍ਹਾਂ ਨੂੰ ਲੱਗੇਗਾ ਕਿ ਉਹ ਖੇਡਣ ਦੀ ਸਥਿਤੀ ਵਿੱਚ ਹਨ।’
ਡਿਵਿਲੀਅਰਸ ਨੇ ਕਿਹਾ ਕਿ ਕੋਹਲੀ ਨੇ ਬ੍ਰੇਕ ਲੈ ਕੇ ਸਹੀ ਕੰਮ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ, ‘ਹਾਂ, ਉਨ੍ਹਾਂ ਦਾ ਦੂਜਾ ਬੱਚਾ ਆਉਣ ਵਾਲਾ ਹੈ। ਇਹ ਪਰਿਵਾਰਕ ਸਮਾਂ ਹੈ ਅਤੇ ਚੀਜ਼ਾਂ ਉਨ੍ਹਾਂ ਲਈ ਮਹੱਤਵਪੂਰਨ ਹਨ। ਜੇ ਤੁਸੀਂ ਆਪਣੇ ਲਈ ਸੱਚੇ ਨਹੀਂ ਹੋ, ਤਾਂ ਤੁਸੀਂ ਭੁੱਲ ਜਾਂਦੇ ਹੋ ਕਿ ਤੁਸੀਂ ਇੱਥੇ ਕਿਸ ਲਈ ਹੋ। ਮੈਨੂੰ ਲੱਗਦਾ ਹੈ ਕਿ ਜ਼ਿਆਦਾਤਰ ਲੋਕਾਂ ਦੀ ਤਰਜੀਹ ਪਰਿਵਾਰ ਹੈ। ਅਸੀਂ ਇਸ ਲਈ ਵਿਰਾਟ ਨੂੰ ਜੱਜ ਨਹੀਂ ਕਰ ਸਕਦੇ ਹਾਂ, ਅਸੀਂ ਉਨ੍ਹਾਂ ਨੂੰ ਯਾਦ ਕਰਦੇ ਹਾਂ। ਪਰ ਉਨ੍ਹਾਂ ਨੇ ਬਿਲਕੁਲ ਸਹੀ ਫ਼ੈਸਲਾ ਲਿਆ ਹੈ।
ਸ਼ਮੀ, ਜਡੇਜਾ ਮੁਸੀਬਤ ‘ਚ!
ਤਜਰਬੇਕਾਰ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ਮੀ ਅਤੇ ਆਲਰਾਊਂਡਰ ਰਵਿੰਦਰ ਜਡੇਜਾ ਦੀ ਇੰਗਲੈਂਡ ਖ਼ਿਲਾਫ਼ ਸੀਰੀਜ਼ ‘ਚ ਟੈਸਟ ਟੀਮ ‘ਚ ਵਾਪਸੀ ਦੀ ਸੰਭਾਵਨਾ ਨਹੀਂ ਹੈ। ਮੁਹੰਮਦ ਸ਼ਮੀ ਵਰਤਮਾਨ ਵਿੱਚ ਨਵੰਬਰ 2023 ਵਿੱਚ ਇੱਕ ਰੋਜ਼ਾ ਵਿਸ਼ਵ ਕੱਪ ਦੌਰਾਨ ਗਿੱਟੇ ਦੀ ਸੱਟ ਤੋਂ ਠੀਕ ਹੋ ਰਹੇ ਹਨ ਜਦੋਂ ਕਿ ਰਵਿੰਦਰ ਜਡੇਜਾ ਨੂੰ ਹੈਦਰਾਬਾਦ ਵਿਰੁੱਧ ਪਹਿਲੇ ਟੈਸਟ ਦੌਰਾਨ ਹੈਮਸਟ੍ਰਿੰਗ ਦੀ ਸੱਟ ਲੱਗ ਗਈ ਸੀ।
ਸੂਤਰ ਨੇ ਕਿਹਾ, ”ਇਸ ਸਮੇਂ ਇਸ ਗੱਲ ਦੀ ਬਹੁਤ ਘੱਟ ਜ਼ਾਂ ਕੋਈ ਸੰਭਾਵਨਾ ਨਹੀ ਹੈ ਕਿ ਮੁਹੰਮਦ ਸ਼ਮੀ (ਜੋ ਗਿੱਟੇ ਦੇ ਇਲਾਜ ਲਈ ਬ੍ਰਿਟੇਨ ‘ਚ ਹੈ) ਅਤੇ ਰਵਿੰਦਰ ਜਡੇਜਾ ਸੀਰੀਜ਼ ਦੇ ਬਾਕੀ ਮੈਚਾਂ ਲਈ ਫਿੱਟ ਹੋਣਗੇ। ਰਾਹੁਲ ਬਿਹਤਰ ਹੋ ਰਹੇ ਹਨ ਅਤੇ ਇੱਕ ਅੰਤਰ ਹੈ, ਦੂਜੇ ਅਤੇ ਤੀਜੇ ਟੈਸਟ ਵਿੱਚ ਇੱਕ ਹਫ਼ਤੇ ਦਾ ਸਮਾਂ ਵੀ ਉਨ੍ਹਾਂ ਨੂੰ ਮੈਚ ਲਈ ਤਿਆਰ ਹੋਣ ਵਿੱਚ ਮਦਦ ਕਰੇਗਾ।
