ਅੱਜ ਮਹਾਕੁੰਭ ‘ਚ ਹੋਵੇਗੀ ਵਿਸ਼ਵ ਹਿੰਦੂ ਪ੍ਰੀਸ਼ਦ ਦੀ ਬੈਠਕ

ਪ੍ਰਯਾਗਰਾਜ : ਵਿਸ਼ਵ ਹਿੰਦੂ ਪ੍ਰੀਸ਼ਦ (The Vishwa Hindu Parishad),(ਵੀ.ਐੱਚ.ਪੀ.) ਅੱਜ (7 ਫਰਵਰੀ) ਤੋਂ ਮਹਾਕੁੰਭ ‘ਚ 3 ਦਿਨਾਂ ਬੈਠਕ ਸ਼ੁਰੂ ਕਰਨ ਜਾ ਰਹੀ ਹੈ। ਇਹ ਤਿੰਨ ਰੋਜ਼ਾ ਮੀਟਿੰਗ ਝੁਨਸੀ ਦੇ ਵੀ.ਐੱਚ.ਪੀ. ਕੈਂਪ ਵਿੱਚ ਹੋ ਰਹੀ ਹੈ। ਇਸ ਮੌਕੇ ਵਿਸ਼ਵ ਹਿੰਦੂ ਪ੍ਰੀਸ਼ਦ ਦੇ ਅੰਤਰਰਾਸ਼ਟਰੀ ਜਨਰਲ ਸਕੱਤਰ ਬਜਰੰਗ ਲਾਲ ਬਾਗਰਾ ਨੇ ਕਿਹਾ ਕਿ ਬੈਠਕ ‘ਚ ਹਿੰਦੂ ਮੰਦਰਾਂ ਨੂੰ ਸਰਕਾਰੀ ਕੰਟਰੋਲ ਤੋਂ ਮੁਕਤ ਕਰਨ, ਜਨਸੰਖਿਆ ਅਸੰਤੁਲਨ ਅਤੇ ਵਕਫ ਬੋਰਡ ਦੀਆਂ ਸ਼ਕਤੀਆਂ ਵਰਗੇ ਮੁੱਦਿਆਂ ‘ਤੇ ਚਰਚਾ ਕੀਤੀ ਜਾਵੇਗੀ। ਇਸ ਤੋਂ ਇਲਾਵਾ ਬੰਗਲਾਦੇਸ਼ ‘ਚ ਹਿੰਦੂਆਂ ‘ਤੇ ਅੱਤਿਆਚਾਰ ਅਤੇ ਅਯੁੱਧਿਆ ਫ਼ੈਸਲੇ ਤੋਂ ਬਾਅਦ ਕਾਸ਼ੀ ਅਤੇ ਮਥੁਰਾ ਵਰਗੇ ਪ੍ਰਮੁੱਖ ਧਾਰਮਿਕ ਸਥਾਨਾਂ ਦੀ ਆਜ਼ਾਦੀ ‘ਤੇ ਵੀ ਚਰਚਾ ਹੋਵੇਗੀ।

ਬਾਗਰਾ ਨੇ ਇਹ ਵੀ ਕਿਹਾ ਕਿ ਭਾਰਤ ਅਤੇ ਵਿਦੇਸ਼ਾਂ ਤੋਂ ਵੀ.ਐੱਚ.ਪੀ. ਦੇ 47 ਸੂਬਿਆਂ ਦੇ ਨੁਮਾਇੰਦੇ ਮੀਟਿੰਗ ਵਿੱਚ ਹਿੱਸਾ ਲੈਣਗੇ। ਵਿਸ਼ਵ ਹਿੰਦੂ ਪ੍ਰੀਸ਼ਦ ਦੇ ਅੰਤਰਰਾਸ਼ਟਰੀ ਪ੍ਰਧਾਨ ਆਲੋਕ ਕੁਮਾਰ, ਜਨਰਲ ਸਕੱਤਰ ਮਿਲਿੰਦ ਪਰਾਂਡੇ, ਸੰਯੁਕਤ ਜਨਰਲ ਸਕੱਤਰ ਵਿਨਾਇਕਰਾਓ ਦੇਸ਼ਪਾਂਡੇ ਅਤੇ ਬਜਰੰਗ ਦਲ, ਮਾਤਰੂ ਸ਼ਕਤੀ ਅਤੇ ਦੁਰਗਾ ਵਾਹਿਨੀ ਵਰਗੇ ਸਬੰਧਤ ਸੰਗਠਨਾਂ ਦੇ ਨੇਤਾ ਇਸ ਪ੍ਰੋਗਰਾਮ ਦੇ ਮੁੱਖ ਭਾਗੀਦਾਰ ਹੋਣਗੇ।

ਪਾਕਿਸਤਾਨ ਤੋਂ ਹਿੰਦੂ ਤੀਰਥ ਯਾਤਰੀ ਪਹੁੰਚੇ ਮਹਾਕੁੰਭ
ਇਸ ਦੌਰਾਨ ਮਹਾਕੁੰਭ ਦੀ ਅਧਿਆਤਮਿਕ ਸ਼ਾਨ ਤੋਂ ਪ੍ਰਭਾਵਿਤ ਹੋ ਕੇ ਪਾਕਿਸਤਾਨ ਦੇ ਸਿੰਧ ਸੂਬੇ ਤੋਂ 68 ਹਿੰਦੂ ਸ਼ਰਧਾਲੂਆਂ ਦਾ ਇਕ ਸਮੂਹ ਬੀਤੇ ਦਿਨ ਪ੍ਰਯਾਗਰਾਜ ਪਹੁੰਚਿਆ। ਸਮੂਹ ਨੇ ਸੰਗਮ ਵਿਖੇ ਪਵਿੱਤਰ ਡੁਬਕੀ ਲਗਾਈ ਅਤੇ ਆਪਣੇ ਪੁਰਖਿਆਂ ਦੀ ਆਤਮਾ ਦੀ ਸ਼ਾਂਤੀ ਲਈ ਪ੍ਰਾਰਥਨਾ ਕੀਤੀ। ਯੂ.ਪੀ ਸੂਚਨਾ ਵਿਭਾਗ ਦੇ ਅਨੁਸਾਰ, ਇਨ੍ਹਾਂ ਸ਼ਰਧਾਲੂਆਂ ਨੇ ਗੰਗਾ, ਯਮੁਨਾ ਅਤੇ ਸਰਸਵਤੀ ਦੇ ਸੰਗਮ ‘ਤੇ ਰਸਮਾਂ ਨਿਭਾਈਆਂ ਅਤੇ ਆਪਣੇ ਪੁਰਖਿਆਂ ਲਈ ਵਿਸ਼ੇਸ਼ ਪ੍ਰਾਰਥਨਾ ਕੀਤੀ।

ਮਹੰਤ ਰਾਮਨਾਥ ਨੇ ਦੱਸਿਆ ਕਿ ਉਹ ਪਹਿਲਾਂ ਹਰਿਦੁਆਰ ਗਏ ਜਿੱਥੇ ਉਨ੍ਹਾਂ ਨੇ ਮਹਾਕੁੰਭ ਵਿੱਚ ਆਉਣ ਤੋਂ ਪਹਿਲਾਂ ਲਗਭਗ 480 ਪੁਰਖਿਆਂ ਦੀਆਂ ਅਸਥੀਆਂ ਨੂੰ ਵਿਸਰਜਨ ਕੀਤਾ ਅਤੇ ਉੱਥੇ ਰਸਮਾਂ ਨਿਭਾਈਆਂ। ਸਿੰਧ ਦੇ ਵਸਨੀਕ ਗੋਬਿੰਦ ਰਾਮ ਮਖੇਜਾ ਨੇ ਕਿਹਾ, “ਮਹਾਕੁੰਭ ਬਾਰੇ ਸੁਣਨ ਤੋਂ ਬਾਅਦ ਇੱਥੇ ਆਉਣਾ ਸਾਡੀ ਡੂੰਘੀ ਇੱਛਾ ਸੀ। ਅਸੀਂ ਹੁਣ ਇੱਥੇ ਆ ਕੇ ਬਹੁਤ ਸੰਤੁਸ਼ਟ ਮਹਿਸੂਸ ਕਰ ਰਹੇ ਹਾਂ। ਇਹ ਮਹਾਕੁੰਭ ਧਾਰਮਿਕ ਅਤੇ ਸੱਭਿਆਚਾਰਕ ਦ੍ਰਿਸ਼ਟੀਕੋਣ ਤੋਂ ਇੱਕ ਮਹੱਤਵਪੂਰਨ ਮੌਕਾ ਬਣ ਗਿਆ ਹੈ, ਜਿਸ ਵਿੱਚ ਵੱਖ-ਵੱਖ ਰਾਜਾਂ ਅਤੇ ਦੇਸ਼ਾਂ ਤੋਂ ਲੋਕ ਆਪਣੀ ਸ਼ਰਧਾ ਅਤੇ ਵਿਸ਼ਵਾਸ ਦਾ ਪ੍ਰਗਟਾਵਾ ਕਰਨ ਲਈ ਆ ਰਹੇ ਹਨ।