ਕੈਨੇਡਾ : ਕੈਨੇਡਾ ਨੇ ਸਟੱਡੀ ਵੀਜ਼ਾ ‘ਚ 40 ਫੀਸਦੀ ਦੀ ਕਟੌਤੀ ਕੀਤੀ ਹੈ ਅਤੇ ਇਸ ਦਾ ਅਸਰ ਹੁਣ ਕੈਨੇਡੀਅਨ ਕਾਲਜਾਂ ‘ਚ ਨਜ਼ਰ ਆ ਰਿਹਾ ਹੈ। ਕਾਲਜ, ਜੋ ਖਾਸ ਤੌਰ ‘ਤੇ ਪੰਜਾਬੀ ਭਾਈਚਾਰੇ ਦੇ ਵਿ ਦਿਆਰਥੀਆਂ ਵਿੱਚ ਪਸੰਦ ਕੀਤੇ ਜਾਂਦੇ ਸਨ, ਹੁਣ ਤਬਦੀਲੀਆਂ ਵਿੱਚੋਂ ਲੰਘ ਰਹੇ ਹਨ। ਕਈ ਕਾਲਜਾਂ ਵਿਚ ਸਟਾਫ ਨੂੰ ਕੱਢਿਆ ਜਾ ਰਿਹਾ ਹੈ ਜਾਂ ਕੋਰਸ ਬੰਦ ਹੋ ਰਹੇ ਹਨ।
ਟੋਰਾਂਟੋ ਸਥਿਤ ਸੈਂਟੇਨੀਅਲ ਕਾਲਜ, ਓਨਟਾਰੀਓ ਰਾਜ ਨੇ ਐਲਾਨ ਕੀਤਾ ਹੈ ਕਿ ਉਹ 2025 ਦੇ ਗਰਮੀਆਂ ਅਤੇ ਸਰਦੀਆਂ ਦੇ ਸਮੈਸਟਰਾਂ ਵਿੱਚ ਨਵੇਂ ਦਾਖਲੇ ਦੇ ਨਾਲ-ਨਾਲ 2026 ਦੇ ਸਮੈਸਟਰ ਲਈ 49 ਪੂਰੇ ਸਮੇਂ ਦੇ ਪ੍ਰੋਗਰਾਮਾਂ ਨੂੰ ਰੋਕ ਦੇਵੇਗਾ। ਇਨ੍ਹਾਂ ਪ੍ਰੋਗਰਾਮਾਂ ਵਿੱਚ ਪੱਤਰਕਾਰੀ, ਵਿੱਤੀ ਯੋਜਨਾਬੰਦੀ, ਤਕਨਾਲੋਜੀ ਫਾਊਂਡੇਸ਼ਨ ਅਤੇ ਭਾਈਚਾਰਕ ਵਿਕਾਸ ਵਰਗੇ ਕੋਰਸ ਸ਼ਾਮਲ ਹਨ। ਕਾਲਜ ਨੇ ਕਿਹਾ ਕਿ ਇਸ ਕਦਮ ਦਾ ਉਦੇਸ਼ ਕਾਲਜ ਦੀ ਲੰਬੀ ਮਿਆਦ ਦੀ ਮਜ਼ਬੂਤੀ ਅਤੇ ਸਥਿਰਤਾ ਹੈ। ਹਾਲਾਂਕਿ, ਇਨ੍ਹਾਂ ਤਬਦੀਲੀਆਂ ਦਾ ਕਾਲਜ ਦੇ ਭਾਈਚਾਰੇ, ਫੈਕਲਟੀ ਅਤੇ ਸਟਾਫ ‘ਤੇ ਡੂੰਘਾ ਅਸਰ ਪਵੇਗਾ। ਸੈਂਟੇਨੀਅਲ ਕਾਲਜ ਨੇ ਇਹ ਵੀ ਕਿਹਾ ਕਿ 128 ਪੂਰੇ ਸਮੇਂ ਦੇ ਪ੍ਰੋਗਰਾਮ ਅਜੇ ਵੀ ਨਵੇਂ ਵਿ ਦਿਆਰਥੀਆਂ ਲਈ ਉਪਲਬਧ ਹੋਣਗੇ ਅਤੇ ਮੁਲਤਵੀ ਕੀਤੇ ਗਏ ਪ੍ਰੋਗਰਾਮਾਂ ਨੂੰ ਭਵਿੱਖ ਵਿੱਚ ਦੁਬਾਰਾ ਸ਼ੁਰੂ ਕੀਤਾ ਜਾ ਸਕਦਾ ਹੈ।
ਅਲਗੋਨਕੁਇਨ ਕਾਲਜ ਨੇ ਐਲਾਨ ਕੀਤਾ ਹੈ ਕਿ ਉਹ 2025 ਤੱਕ ਪਰਥ ਸ਼ਹਿਰ ਵਿੱਚ ਆਪਣਾ ਕੈਂਪਸ ਬੰਦ ਕਰ ਦੇਵੇਗਾ। ਪਰਥ ਦੀ ਮੇਅਰ ਜੂਡੀ ਬ੍ਰਾਊਨ ਨੇ ਕਿਹਾ ਕਿ ਪੇਂਡੂ ਖੇਤਰਾਂ ਵਿੱਚ ਵਿ ਦਿਅਕ ਮੌਕੇ ਮਹੱਤਵਪੂਰਨ ਹਨ ਅਤੇ ਕਾਲਜ ਬੰਦ ਹੋਣ ਨਾਲ ਸਥਾਨਕ ਵਸਨੀਕਾਂ ਨੂੰ ਭਾਰੀ ਨੁਕਸਾਨ ਹੋਵੇਗਾ। ਇਸ ਤੋਂ ਇਲਾਵਾ, ਸ਼ੈਰੀਡਨ ਕਾਲਜ ਨੇ 40 ਪ੍ਰੋਗਰਾਮਾਂ ਨੂੰ ਮੁਅੱਤਲ ਕਰ ਦਿੱਤਾ ਹੈ ਅਤੇ ਸੇਨੇਕਾ ਕਾਲਜ ਨੇ ਆਪਣੇ ਮਾਰਖਮ ਓਨਟਾਰੀਓ ਕੈਂਪਸ ਨੂੰ ਅਸਥਾਈ ਤੌਰ ‘ਤੇ ਬੰਦ ਕਰਨ ਦਾ ਐਲਾਨ ਕੀਤਾ ਹੈ। ਮੋਹਾਕ ਕਾਲਜ ਨੇ ਆਪਣੇ 20 ਪ੍ਰਤੀਸ਼ਤ ਪ੍ਰਬੰਧਕੀ ਸਟਾਫ ਨੂੰ ਕੱਢਣ ਅਤੇ 2025 ਤੱਕ 16 ਪ੍ਰੋਗਰਾਮਾਂ ਨੂੰ ਰੱਦ ਕਰਨ ਦਾ ਫ਼ੈਸਲਾ ਕੀਤਾ ਹੈ।
ਕੈਨੇਡੀਅਨ ਵੀਜ਼ਾ ਮਾਹਰ ਪਰਵਿੰਦਰ ਸਿੰਘ ਨੇ ਕਿਹਾ, “ਜਦੋਂ ਵਿ ਦਿਆਰਥੀ ਨਹੀਂ ਰਹੇ ਤਾਂ ਕਾਲਜ ਫੈਕਲਟੀ ਨੂੰ ਤਨਖਾਹ ਕਿਵੇਂ ਦੇਣਗੇ? ਕਾਲਜਾਂ ਵਿੱਚ ਸੰਕਟ ਡੂੰਘਾ ਹੁੰਦਾ ਜਾ ਰਿਹਾ ਹੈ ਅਤੇ ਇਸਦਾ ਅਸਰ ਹੁਣ ਦਿਖਾਈ ਦੇ ਰਿਹਾ ਹੈ।
