ਰਾਂਚੀ: ਭਾਜਪਾ ਨੇ ਝਾਰਖੰਡ ਵਿਧਾਨ ਸਭਾ ਚੋਣਾਂ (The Jharkhand Assembly Elections) ਲਈ ਆਪਣੇ ਸਟਾਰ ਪ੍ਰਚਾਰਕਾਂ ਦੀ ਸੂਚੀ ਜਾਰੀ ਕਰ ਦਿੱਤੀ ਹੈ, ਜਿਸ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ (Prime Minister Narendra Modi) ਤੋਂ ਇਲਾਵਾ 39 ਹੋਰ ਆਗੂ ਝਾਰਖੰਡ ਵਿੱਚ ਪਾਰਟੀ ਲਈ ਪ੍ਰਚਾਰ ਕਰਦੇ ਨਜ਼ਰ ਆਉਣਗੇ। ਪੀ.ਐਮ ਮੋਦੀ ਤੋਂ ਬਾਅਦ ਜੇ.ਪੀ ਨੱਡਾ ਦਾ ਨਾਮ ਇਸ ਸੂਚੀ ਵਿੱਚ ਸ਼ਾਮਲ ਦੂਜਾ ਨਾਮ ਹੈ। ਇਸ ਤੋਂ ਇਲਾਵਾ ਝਾਰਖੰਡ ਵਿੱਚ ਰਾਜਨਾਥ ਸਿੰਘ, ਅਮਿਤ ਸ਼ਾਹ, ਨਿਤਿਨ ਗਡਕਰੀ, ਸ਼ਿਵਰਾਜ ਸਿੰਘ ਚੌਹਾਨ, ਅਸਾਮ ਦੇ ਸੀ.ਐਮ ਹਿਮੰਤ ਬਿਸਵਾ ਸਰਮਾ, ਯੂ.ਪੀ ਦੇ ਸੀ.ਐਮ ਯੋਗੀ ਆਦਿਤਿਆਨਾਥ ਸਮੇਤ ਕਈ ਨੇਤਾਵਾਂ ਨੂੰ ਵੀ ਬੀ.ਜੇ.ਪੀ. ਦਾ ਸਟਾਰ ਪ੍ਰਚਾਰਕ ਬਣਾਇਆ ਗਿਆ ਹੈ। ਇਹ ਸਾਰੇ ਹੀ ਚੋਣਾਂ ਲਈ ਜਨਤਕ ਮੀਟਿੰਗਾਂ ਕਰਕੇ ਚੋਣ ਮਾਹੌਲ ਤਿਆਰ ਕਰਨਗੇ।
ਇਸ ਤੋਂ ਇਲਾਵਾ ਚੋਣ ਪ੍ਰਚਾਰ ਲਈ ਸੂਬਾ ਭਾਜਪਾ ਦੇ ਸੀਨੀਅਰ ਆਗੂਆਂ ਦੇ ਨਾਂ ਵੀ ਇਸ ਸੂਚੀ ਵਿੱਚ ਸ਼ਾਮਲ ਹਨ। ਝਾਰਖੰਡ ਦੇ ਸਾਬਕਾ ਸੀ.ਐਮ ਕਮ ਪ੍ਰਦੇਸ਼ ਭਾਜਪਾ ਪ੍ਰਧਾਨ ਬਾਬੂਲਾਲ ਮਰਾਂਡੀ, ਸਾਬਕਾ ਸੀ.ਐਮ ਅਰਜੁਨ ਮੁੰਡਾ, ਵਿਰੋਧੀ ਧਿਰ ਦੇ ਨੇਤਾ ਅਮਰ ਕੁਮਾਰ ਬੌਰੀ, ਸੂਬਾ ਇੰਚਾਰਜ ਲਕਸ਼ਮੀਕਾਂਤ ਵਾਜਪਾਈ, ਸਾਬਕਾ ਸੰਸਦ ਮੈਂਬਰ ਰਵਿੰਦਰ ਕੁਮਾਰ ਰਾਏ, ਨਗੇਂਦਰ ਨਾਥ ਤਿਵਾੜੀ, ਕਰਮਾਵਰ ਸਿੰਘ, ਸਾਬਕਾ ਸੀ.ਐਮ ਚੰਪਾਈ ਸੋਰੇਨ, ਕਾਦੀਆ ਮੁੰਡਾ , ਰਾਜ ਸਭਾ ਸਾਂਸਦ ਦੀਪਕ ਪ੍ਰਕਾਸ਼, ਸਾਂਸਦ ਵਿਦਯੁਤ ਵਰਨ ਮਹਾਤੋ, ਸਾਂਸਦ ਨਿਸ਼ੀਕਾਂਤ ਦੂਬੇ, ਸਾਂਸਦ ਢੁੱਲੂ ਮਹਤੋ, ਪੱਛਮੀ ਬੰਗਾਲ ਦੇ ਵਿਰੋਧੀ ਧਿਰ ਦੇ ਨੇਤਾ ਸੁਭੇਂਦੂ ਅਧਿਕਾਰੀ, ਰਾਜ ਸਭਾ ਸਾਂਸਦ ਆਦਿਤਿਆ ਸਾਹੂ, ਰਾਜ ਸਭਾ ਸਾਂਸਦ ਪ੍ਰਦੀਪ ਵਰਮਾ, ਬਾਲਮੁਕੁੰਦ ਸਹਾਏ, ਸੀਤਾ ਸੋਰੇਨ, ਰਾਮਚੰਦਰ ਚੰਦਰਵੰਸ਼ੀ, ਮਨੋਜ ਸਿੰਘ ਅਤੇ ਘੁਰਾਣ ਰਾਮ ਦੇ ਨਾਂ ਸ਼ਾਮਲ ਹਨ।
ਤੁਹਾਨੂੰ ਦੱਸ ਦੇਈਏ ਕਿ ਝਾਰਖੰਡ ਵਿੱਚ ਦੋ ਪੜਾਵਾਂ ਵਿੱਚ ਵੋਟਿੰਗ ਹੋਵੇਗੀ। ਪਹਿਲੇ ਪੜਾਅ ‘ਚ 13 ਨਵੰਬਰ ਨੂੰ 81 ‘ਚੋਂ 43 ਸੀਟਾਂ ‘ਤੇ ਵੋਟਿੰਗ ਹੋਵੇਗੀ। ਇਸ ਦੇ ਨਾਲ ਹੀ ਸੂਬੇ ‘ਚ ਪਹਿਲੇ ਪੜਾਅ ਲਈ ਨਾਮਜ਼ਦਗੀ ਪ੍ਰਕਿਰਿਆ ਸ਼ੁੱਕਰਵਾਰ ਨੂੰ ਪੂਰੀ ਹੋ ਗਈ। ਝਾਰਖੰਡ ਵਿੱਚ ਪਹਿਲੇ ਪੜਾਅ ਵਿੱਚ ਕੁੱਲ 43 ਵਿਧਾਨ ਸਭਾ ਹਲਕਿਆਂ ਲਈ ਕੁੱਲ 804 ਨਾਮਜ਼ਦਗੀ ਪੱਤਰ ਦਾਖ਼ਲ ਕੀਤੇ ਗਏ ਹਨ। ਇਸ ਦੇ ਨਾਲ ਹੀ ਦੂਜੇ ਪੜਾਅ ਲਈ ਨਾਮਜ਼ਦਗੀਆਂ ਭਰਨ ਦੀ ਪ੍ਰਕਿਰਿਆ 22 ਅਕਤੂਬਰ ਤੋਂ ਸ਼ੁਰੂ ਹੋ ਕੇ 29 ਅਕਤੂਬਰ ਤੱਕ ਜਾਰੀ ਰਹੇਗੀ।
