ਨਵੀਂ ਦਿੱਲੀ: ਦੀਵਾਲੀ ਦੀਆਂ ਛੁੱਟੀਆਂ (Diwali Vacations) ਦਾ ਸਮਾਂ ਨੇੜੇ ਹੈ ਕਿਉਂਕਿ ਸਕੂਲਾਂ-ਕਾਲਜਾਂ ‘ਚ ਭਲਕੇ 27 ਅਕਤੂਬਰ ਤੋਂ ਛੁੱਟੀਆਂ ਸ਼ੁਰੂ ਹੋ ਜਾਣਗੀਆਂ। ਇਹ ਐਲਾਨ ਪਹਿਲਾਂ ਹੀ ਕੀਤਾ ਜਾ ਚੁੱਕਾ ਸੀ।
ਸਰਕਾਰੀ ਸਕੂਲਾਂ ਵਿੱਚ ਛੁੱਟੀਆਂ
ਰਾਜਸਥਾਨ ਦੇ ਸਰਕਾਰੀ ਸਕੂਲਾਂ ਵਿੱਚ ਦੀਵਾਲੀ ਦੀਆਂ ਛੁੱਟੀਆਂ 27 ਅਕਤੂਬਰ ਤੋਂ 7 ਨਵੰਬਰ ਤੱਕ ਹੋਣਗੀਆਂ। ਇਸ ਤੋਂ ਇਲਾਵਾ 25 ਅਤੇ 26 ਅਕਤੂਬਰ ਨੂੰ ਵੀ ਸਕੂਲਾਂ ਵਿੱਚ ਛੁੱਟੀ ਰੱਖੀ ਗਈ ਸੀ, ਜਿੱਥੇ ਅਧਿਆਪਕਾਂ ਲਈ ਵਿ ਦਿਅਕ ਕਾਨਫਰੰਸਾਂ ਕੀਤੀਆਂ ਗਈਆਂ ਸਨ। ਇਸ ਤਰ੍ਹਾਂ ਬੱਚਿਆਂ ਦੀਆਂ ਛੁੱਟੀਆਂ 25 ਅਕਤੂਬਰ ਤੋਂ ਹੀ ਸ਼ੁਰੂ ਹੋ ਗਈਆਂ ਸਨ।
ਕਾਲਜਾਂ ਲਈ ਛੁੱਟੀਆਂ
ਕਾਲਜ ਸਿੱਖਿਆ ਕਮਿਸ਼ਨਰੇਟ ਅਨੁਸਾਰ ਸਰਕਾਰੀ ਅਤੇ ਪ੍ਰਾਈਵੇਟ ਕਾਲਜਾਂ ਵਿੱਚ ਦੀਵਾਲੀ ਦੀਆਂ ਛੁੱਟੀਆਂ 27 ਅਕਤੂਬਰ ਤੋਂ 3 ਨਵੰਬਰ ਤੱਕ ਹੋਣਗੀਆਂ, ਜੋ ਕੁੱਲ ਅੱਠ ਦਿਨ ਹੋਣਗੀਆਂ। ਇਸ ਮੌਕੇ ਸਾਰੇ ਵਿਦਿਆਰਥੀ ਦੀਵਾਲੀ ਦੇ ਤਿਉਹਾਰ ਦਾ ਭਰਪੂਰ ਆਨੰਦ ਲੈ ਸਕਣਗੇ।
