ਨਵੀਂ ਦਿੱਲੀ : ਐਡੀਦਾਸ ਇੰਡੀਆ ਨੇ ਭਾਰਤ ਦੇ ਪੈਰਾਲੰਪਿਕ ਹੀਰੋ ਸੁਮਿਤ ਅੰਤਿਲ ਅਤੇ ਨਿਸ਼ਾਦ ਕੁਮਾਰ (Sumit Antil and Nishad Kumar) ਦੀ ਜੇਤੂ ਵਾਪਸੀ ‘ਤੇ ਅੱਜ ਨਵੀਂ ਦਿੱਲੀ ਵਿੱਚ ਉਨ੍ਹਾਂ ਨੂੰ ਸਨਮਾਨਿਤ ਕੀਤਾ।
ਕੰਪਨੀ ਦੇ ਜਨਰਲ ਮੈਨੇਜਰ ਨੀਲੇਂਦਰ ਸਿੰਘ ਨੇ ਇਨ੍ਹਾਂ ਜੇਤੂਆਂ ਨੂੰ ਸਨਮਾਨਿਤ ਕਰਨ ਦੇ ਮੌਕੇ ‘ਤੇ ਕਿਹਾ, “ਐਡੀਡਾਸ ਵਿਖੇ, ਅਸੀਂ ਹਮੇਸ਼ਾ ਹੀ ਐਥਲੀਟਾਂ ਨੂੰ ਸਕਾਰਾਤਮਕ ਮਾਨਸਿਕਤਾ ਦੇ ਨਾਲ ਆਪਣਾ ਸਰਵੋਤਮ ਪ੍ਰਦਰਸ਼ਨ ਕਰਨ ਲਈ ਸ਼ਕਤੀ ਪ੍ਰਦਾਨ ਕਰਨ ਵਿੱਚ ਵਿਸ਼ਵਾਸ ਕੀਤਾ ਹੈ। ਪੈਰਾਲੰਪਿਕ 2024 ਵਿੱਚ ਉਨ੍ਹਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਤੋਂ ਬਾਅਦ ਸੁਮਿਤ ਅੰਤਿਲ ਅਤੇ ਨਿਸ਼ਾਦ ਕੁਮਾਰ ਦਾ ਘਰ ਵਿੱਚ ਸਵਾਗਤ ਕਰਨਾ ਮਾਣ ਵਾਲੀ ਗੱਲ ਹੈ। ਇਹ ਉਨ੍ਹਾਂ ਦਾ ਅਣਥੱਕ ਸਮਰਪਣ ਹੈ ਜਿਸ ਨੇ ਉਨ੍ਹਾਂ ਨੂੰ ਨਕਾਰਾਤਮਕ ਦਬਾਅ ਨੂੰ ਦੂਰ ਕਰਨ ਅਤੇ ਇਸ ਸਨਮਾਨ ਨੂੰ ਘਰ ਲਿਆਉਣ ਵਿੱਚ ਸਹਾਇਤਾ ਕੀਤੀ ਹੈ। ਸਾਨੂੰ ਇਸ ਯਾਤਰਾ ‘ਤੇ ਉਨ੍ਹਾਂ ਨਾਲ ਸ਼ਾਮਲ ਹੋਣ ‘ਤੇ ਮਾਣ ਹੈ ਅਤੇ ਉਮੀਦ ਹੈ ਕਿ ਉਹ ਦੁਨੀਆ ਭਰ ਦੇ ਲੱਖਾਂ ਲੋਕਾਂ ਨੂੰ ਪ੍ਰੇਰਿਤ ਕਰਦੇ ਰਹਿਣਗੇ।”
