ਜਲੰਧਰ : ਹੰਸ ਰਾਜ ਮਹਿਲਾ ਮਹਾਂ ਵਿਦਿਆਲਿਆ (Hans Raj Mahila Maha Vidyalaya) ਦੇ ਆਈ.ਟੀ. ਸਕਸ਼ਮ ਪੰਜਾਬ ਸੰਸਥਾ ਵੱਲੋਂ 28/08/2024 ਤੋਂ ਕਾਨਫਰੰਸ ਹਾਲ ਵਿੱਚ ਤਿੰਨ ਰੋਜ਼ਾ ਵਿਸ਼ੇਸ਼ ਮੋਬਾਈਲ ਅਤੇ ਟੈਬ ਸਿਖਲਾਈ ਦਾ ਆਯੋਜਨ ਕੀਤਾ ਗਿਆ ਹੈ। ਜਿਸ ਵਿੱਚ ਨੇਤਰਹੀਣ ਵਿਦਿਆਰਥੀਆਂ ਨੂੰ ਸਕਰੀਨ ਰੀਡਰ ਸਾਫਟਵੇਅਰ ਦੀ ਵਰਤੋਂ ਕਰਕੇ ਪੜ੍ਹਨ ਅਤੇ ਲਿਖਣ ਦੇ ਸਾਧਨ ਵਜੋਂ ਟੱਚ ਸਕਰੀਨ ਮੋਬਾਈਲ ਫੋਨ ਅਤੇ ਟੈਬਲੇਟ ਦੀ ਵਰਤੋਂ ਕਰਨ ਦੀ ਯੋਗ ਸਿਖਲਾਈ ਦਿੱਤੀ ਜਾ ਰਹੀ ਹੈ।
ਇਸ ਸਿਖਲਾਈ ਵਰਕਸ਼ਾਪ ਵਿੱਚ ਪੰਜਾਬ, ਹਰਿਆਣਾ, ਹਿਮਾਚਲ ਅਤੇ ਉੱਤਰ ਪ੍ਰਦੇਸ਼ ਦੇ ਦੂਰ-ਦਰਾਜ ਦੇ ਸ਼ਹਿਰਾਂ ਤੋਂ 26 ਪ੍ਰਤੀਭਾਗੀ ਸਿਖਲਾਈ ਲੈ ਰਹੇ ਹਨ। ਸਕਸ਼ਮ ਪੰਜਾਬ ਦੀ ਜਨਰਲ ਸਕੱਤਰ ਦੀਪਿਕਾ ਸੂਦ ਆਪਣੀ ਪੂਰੀ ਟੀਮ ਸਮੇਤ ਅਤੇ ਐਚ.ਐਮ. ਵੀ.ਕੇ ਸਟਾਫ਼ ਅਤੇ ਵਿਦਿਆਰਥੀਆਂ ਦੇ ਸਹਿਯੋਗ ਨਾਲ ਇਹ ਸਿਖਲਾਈ ਸਫ਼ਲਤਾਪੂਰਵਕ ਕਰਵਾਈ ਜਾ ਰਹੀ ਹੈ। ਸਕਸ਼ਮ ਦਿੱਲੀ ਤੋਂ ਟ੍ਰੇਨਰ ਸ਼੍ਰੀ ਕ੍ਰਿਸ਼ਨਾ ਅਤੇ ਪੰਜਾਬ ਸਕਸ਼ਮ ਤੋਂ ਟ੍ਰੇਨਰ ਸ਼੍ਰੀ ਅਭਿਸ਼ੇਕ ਸਾਂਝੇ ਤੌਰ ‘ਤੇ ਇਸ ਵਿਸ਼ੇਸ਼ ਸਿਖਲਾਈ ਦਾ ਸੰਚਾਲਨ ਕਰ ਰਹੇ ਹਨ। ਯਕੀਨਨ, ਇਸ ਤਰ੍ਹਾਂ ਦੀ ਸਿਖਲਾਈ ਨੇਤਰਹੀਣਾਂ ਦੇ ਜੀਵਨ ਵਿੱਚ ਗਿਆਨ ਦੀ ਰੌਸ਼ਨੀ ਲਿਆਏਗੀ ਅਤੇ ਉਹ ਸਮਾਜ ਵਿੱਚ ਆਪਣੀ ਭੂਮਿਕਾ ਨਿਭਾਉਣ ਦੇ ਯੋਗ ਬਣਾਏਗੀ।
